Гольцев Михаил Венедиктович

1935 жылы 11 тамызда Семей қаласында туды, Қазақ ССР-нің еңбегі сіңген құрылысшысы.
1957 жылы инженер-шахта құрылысы мамандығы бойынша Қарағанды политехникалық институтын, 1980 жылы инженер экономист мамандығы бойынша политехникалық институттың сырттай бөлімін аяқтады.
Институтты аяқтағаннан кейін «Қарағандышахтақұрылыс» комбинатының «Қарағандыөндірісқұрылыс» тресіне жұмысқа жіберілді, Шығыс ҚБ мастер, құрылысты жүргізуші болып істеді. 1962 жылы учаске бастығы, содан кейін Қарағанды үй құрылысы комбинатының бас кұрылысшысына ауыстырылды. 1966 жылдан бастап «Қарағандытұрқұрылыс» тресінің № 8 ҚБ бас инженері, 1971 жылы «Мәдениет-тұрқұрылыс» № 6 ҚБ бастығына ауыстырылды, 1973 жылы «Қарағандытұрқұрылыс» тресінің басшысы болып тағайындалды. 1979 жылдан 1994 жылдар аралығында Облыстық партия комитетінде бөлім меңгерушісінің орынбасары, меңгеруші, экономика бас басқармасының бөлім бастығы, облыстық әкімшіліктің құрылыс және коммуналдық шаруашылық бөлімінің меңгерушісі болып жұмыс істеді.
«Құрмет белгісі» орденімен, медальдармен марапатталды. Облыстық, калалық кеңестерге депутат болып сайланды.
Қарағанды қаласының құрылысы мен дамуына елеулі үлес қосқаны және жастар мен еңбекшілерді тәрбиелеуге белсене қатысқаны үшін 1997 жылы 17 қаңтарда «Қарағанды қаласының Құрметті азаматы» атағы берілді.
Атақ берілген күні: 1997 жылы 17 қаңтар