Ашляев Қазбек Сопыжанұлы

Қарағанды қаласында 1945 жылы 4 наурызда дүниеге келген. Ұлты қазақ. Қарағанды мемлекттік университетін, Алма-аты халықтық шаруашылық институтын (сырттай) тәмамдаған. Мамандығы - дене шынықтыру мұғалімі, экономист.

КСРО спорт шебері, Қазақ КСР құрметті тренері (1969 ж.), КСРО құрметті тренері, Қазақстан Республикасының құрметті қызметкері, Қазақстан Республикасының білім озаты атақтары бар.

Еңбек қызметін 1961 жылы қырнаушының оқушысы болып бастаған, Қарағанды көлік құру зауытында қырнаушы, «Еңбек резервтері» қоғамының тренер-оқытушысы, облыстық спорт комитетінің аға тренрі, облыстық спорт комитетінің жоғары спорттық шебер кешенді мектебінің директоры (1966-1979 жж.), жоғары спорттық шебер Республикалық кешенді мектебінің директоры1979-1982 жж.), «Еңбек» Республикалық қоғамының төрағасы (1982-1987 жж.), Мемлекттік комитет төрағасының орынбасары, ҚР туризм, дене шынықтыру және спорт министрінің орынбасары, ҚР Білім министрлігінің дене шынықтыру тәрбиесі және спорт Басқармасының бастығы (1993-1995 жж.), «Альфа-Банк» президенті (1995-2004 жж.).

2004 жылдан бастап «Стройжилинвест» АҚ директорлар кеңесінің төрағасы.

Тренерлік жұмысы: Н.Н. Ли КСРО құрметті тренері.

Спорттық жетістіктері: жасөспірімдер арасында Қазақ КСР бірінші чемпионы 1962 ж.), жасөспірімдер арасында КСРО бірінші жеңімпазы (1962ж.) Еуропа кубогының жеңімпазы, жастар арасында КСРО бірінші чемпионы (1964 ж.). Өткізілген сайыстар: 229, соның ішінде 215 жеңіс.

Қазбек Сопыжанұлы Ашляевке «Қарағанды қаласының құрметті азаматы» атағы – 2013 жылғы 7-ші тамызда - Қарағанды қаласының дене шынықтыру мәдениетін және спортын дамытуға үлес қосқаны және жоғары классты спортсмендерді дайындағаны үшін берілді.