Әубәкіров Жұмаш Әубәкірұлы

1920 жылы 25 қыркүйекте Қарағанды облысы Тельман ауданы Өгізтау ауылында дүниеге келген. Ұлы Отан соғысына қатысушы, Мәскеу қорғанысына қатысқан. СМ. Киров атындағы Қазақ мемлекеттік университетін және республикалық партия мектебін бітірген.
Кеңес Әскері қатарынан демобилизацияланғаннан кейін партиялық және кәсіподақтық жұмыстарда болды. Партия аудандық және облыстық комитеттерінің нұсқаушысы, Қарағанды қалалық партия комитетінің бөлім меңгерушісі және хатшысы, Қазақстан Компартиясы Тельман аудандық комитетінің бірінші хатшысы, Қарағанды облыстық кеңестік кәсіподақ төрағасы болып жұмыс істеді.
КОКП ХХІV-ші съезінің, Қазақстан Компартиясыньщ үш съезінің, КСРО кәсіподақтар XV съезінің делегаттары, БОКОК және Қазкеңкәсіп мүшесі болды.
II дәрежелі Отан соғысы, Еңбек Қызыл Ту, «Құрмет Белгісі» ордендерімен, сегіз медальмен марапатталған.
Қарағанды қаласының экономикасы мен мәдениетінің дамуына қосқан зор еңбегі үшін, ұзақ жылдар бойы партиялық және кәсіподақтық жемісті жұмысы үшін, қоғамдық өмірге белсенді қатысқаны үшін 1978 жылдың 25 мамырында «Қарағанды қаласының Құрметті азаматы» атағы берілді.