Аманбаев Қали Әлібекұлы

1924 жылы 21 желтоқсанда Қарағанды облысының Қарқаралы ауданындағы Жаңа Негіз (казіргі М.Мамраев) бөлімшесінде туды. Ұлы Отан соғысында 240 авиациялық атқыштар полкінің құрамында болып, Курск доғасы ауданында болған әскери операцияларға қатысқан.
Еңбек жолын милиция бөлімшесінде паспортист қызметінен бастап, Қарағанды облыстық оқу бөлімінің жанындағы 10 айлық мұғалімдер курсын аяқтаған, 1952 жылы Ленинградтағы мұғалімдер институтын үздік бітірген, 1956 жылы Абай атындағы Қазақ педагогикалық институтын, 1965 жылы КПСС ОК аспирантурасын жанындағы Жоғары партия мектебін, 1972 жылы С.М.Киров атындағы Қазақ Мемлекеттік университетін аяқтаған.
1953 жылдан 1958 жылдар аралығында Қарағанды қалалық партия комитетінде нұсқаушы, ұйымдастыру жүмысы бөлімі меңгерушісінің орынбасары, мектеп және жоғары оқу орындары бөлімінің меңгерушісі болды, 1958 жылы Қарағанды телевидения студиясын басқарды, 1965 жылдан 1967 жылдар аралығында Облыстық партия комитетінде қызмет етті. 1967 жылдан 1974 жылдары Облыстық телевидение мен радиохабарландыру жөніндегі комитетті басқарды. 1974 жылдан бастап Облыстық партия комитетінің ғылым және оқу орындары бөлімінің меңгерушісі болып еңбек етті. 1978 жылы желтоқсанда Облыстық партия комитетіне хатшы болып сайланды, онда 1987 жылдың қаңтарына дейінгі мерзімге, зейнеткерлікке шыққанға дейін еңбек етті.
1987 жылдан бастап облыстық еңбек және соғыс ардагерлер үйымы кеңесінің төрағасы болды.
«Екінші дәрежелі Отан соғысы», «Еңбек Қызыл Ту», «Халықтар достығы», «Құрмет белгісі», «Құрмет» ордендерімен, «Үшінші дәрежелі Шахтер даңқы», Бүкілодақтық соғыс және еңбек ардагерлер ұйымының Құрмет белгілерімен марапатталды.
¥ОС жылдарындағы Отан алдындағы қызметі, радиохабарлары мен телевидение саласындағы жемісті еңбегі мен қоғамдық өмірге белсене қатысқаны және жастарды патриоттық тәрбиелегені үшін 1984 жылы «Қарағанды қаласының Құрметті азаматы» атағы берілді.
Атақ берілген күні: 1985 жылы 7 наурыз