Алексеенко Михаил Павлович

1943 жылдың 16 қазанында Ақмола облысы Алексеев ауданының Даниловка поселкесінде туды. Орта мектепті бітіргеннен кейін 1960-1963 жылдары Қарағанды тау-кен техникумында «тау-кен механигі» мамандығы бойынша оқыды. 1963-1966 жыл­дары СА қатарында әскери борышын өтеді. 1966-1974 жылдары Октябрь революциясының 50 жылдығы атындағы № 38 және № 22 шахталарында еңбек етті. 1974-1978 жылдары Алматы жоғары партия мектебінде оқыды. Аталған мектепті аяқтаған соң қалалық және облыстық партия құрылымында қызмет етті. 1991 жылдан бастап аткарушы органдарда жұмыс істеді. 1993-1997 жылдары Совет ауданының әкімі қызметін атқарды. 1997-1999 жылдары Қарағанды қаласы әкімінің бірінші орынбасары болды. Бірнеше рет аудандық, қалалық, облыстық халық депутаттары Кеңесінің депутаты болып сайланды. 1999 жылы Қарағанды қалалық мәслихатына сайланды. «Құрмет белгісі» орденімен, «1941-1945 жылдары ¥лы Отан соғысы жеңісіне 20 жыл» мерекелік медалімен, «Ерлік еңбегі үшін», «Еңбек ардагері» медалімен марапатталды.
Жас ұрпақты тәрбиелеуде, Қарағанды қаласының қоғамдық-саяси өміріне белсене қатысқаны және әлеуметтік-экономикалық дамуға қосқан елеулі үлесі үшін 2001 жылы «Қарағанды қаласының Құрметті азаматы» атағы берілді.
Атақ берілген күні: 2001 жылы 22 тамыз