Ақылбаев Жамбыл Сәулебекұлы

1938 жылдың 27 шілдесінде Қарағанды облысы Шет ауданы, Ақсу-Аюлы ауылында туды. 1956-1961 жылдары Қарағанды педагогикалық институтында білім алды. 1961 жылы ассистент ретінде басталған еңбек жолы ұстаздықпен жалғасты. 1963-1968 жылдары ҚарМУ-дің аспирантурасында оқыды. 1970 жылы физика-математика ғылымының канди­даты гылыми атағын алу үшін диссертация қорғады. 1972 жылдан ҚарМУ-дің кафедра меңгерушілігінен оқу ісінің проректоры қызметін атқарды. 1986-1991 жылдары Гурьев педагогикалық институтының ректоры, ал 1991 жылдан бүгінгі күнге дейін Е.Бөкетов атындағы ҚарМУ-дің ректоры. 40 ғылыми еңбегі бар. 1996 жылы университет ректорларының Халықаралық ассоциациясының мүшесі болып сайланды, сонымен бірге Орталық Қазақстан жоғары оқу орнының аймақтық Кеңесінің төрағасы және ҚР ректорлар Кеңесі Президиумының мүшесі, 1993 жылы ҚР халық депутаты болып сайлан­ды. ОК мүшесі және Қазақстан халық бірлігі партиясы комитетінің облыстық бюросының төрағасы. «Тың және тыңайған жерлерді игеру», «Еңбек ардагері» медальдарымен және басқа белгілермен марапатталды.
Қарағанды қаласының әлеуметтік-экономикалық дамуына, физика ғылымына, жоғары білім жүйесіне және жас ұрпақты тәрбиелеуге қосқан елеулі үлесі үшін 1998 жылы «Қарағанды қаласының құрметті азаматы» атағы берілді.
Атақ берілген күні: 1998 жылы 14 қазан