Айтжанов Кәкен Дүйсембекұлы

1924 жылы 11 қарашада Қарағанды облысы Қарқаралы қаласында дүниеге келген. 1942 жылы Қарағанды облысы халыққа білім беру жанындағы 10 айлық мүғалімдер курсын бітірген. 1942 жылы өз еркімен Қызыл армия қатарына кірді. 21.06.1942 жылынан 28.10.1942 жылы аралығында, батыр қала — Сталинград қорғанысына қатысып, онда ауыр жарақаттанған. Госпитальдан кейін офицер училищесіне түсіп, онда рота комсоргы, батальон комсомол ұйымының бюро мүшесі,кейінірек училище комсомол комитетінің мүшесі болып сайланды. 1945 жылы КПСС қатарына қабылданды. Армия қатарынан босағаннан кейін 1948 жылдың ақпанынан 1979 жылдың мамыр айы аралығында Қарағанды қаласының МҚК басқармасында 25 жылдан аса қызмет істеген. Зейнеткерлікке шыққаннан кейін ДОСААФ облыстық комитетінде 13 жыл жұмыс істеген.1990 жылдан және қазіргі уақытта еңбек және соғыс ардагерлері облыстық кеңесінің мүшесі және ХҚКД ардагерлері алғашқы ұйымының төрағасы болып табылады.
Бірнеше шақырылған аудандық кеңестің де­путаты болып сайланды. II дәрежелі Отан соғысының медалімен, «Ерлігі үшін», «Жауынгерлік еңбегі үшін», «Сталинградты қорғағаны үшін», «1941-1945 жылдардагы Ұлы Отан соғысының жеңісі үшін», «Жауынгерлік ерлігі үшін» В.И.Лениннің туғанына 100 толуына байланысты, «Тың жерлерді игергені үшін» және басқа да, барлығы 20 мемлекеттік наградамен марапатталды.
Ұлы Отан соғысы кезіндегі Отан алдындағы еңбегі және қаланың қоғамдық өміріне белсене қатысқаны үшін 2000 жылдың 23 қыркүйегінде «Қарағанды қаласының Құрметті азаматы» атағы берілді.
Атақ берілген күні: 2000 жылы 23 қыркүйек