Қарағанды облысының Нұра ауданында шетелдіктер үшін 2025 жылға арналған туристік жарнаның мөлшерлемесін бекіту туралы
Қарағанды облысы Нұра аудандық мәслихатының 2025 жылғы 27 наурыздағы
№ 141 шешімі
Нормативтік құқықтық актілерді мемлекеттік
тіркеудің тізіліміне 2025 жылы 31 наурызда
№ 6743-09 болып енгізілді
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабының 2-10-тармағына, Қазақстан Республикасы Мәдениет және спорт министрінің 2023 жылғы 14 шілдедегі № 181 «Шетелдіктер үшін туристік жарнаны төлеу қағидаларын бекіту туралы» бұйрығына (Нормативтік құқықтық актілерді мемлекеттік тіркеу тізілімінде № 33110 болып тіркелген) сәйкес, Нұра аудандық мәслихаты ШЕШІМ ҚАБЫЛДАДЫ:
1.Нұра ауданында шетелдіктер үшін 2025 жылға арналған туристік жарнаның мөлшерлемесін хостелдерді, қонақжайларды, жалға берілетін тұрғын үйлерді қоспағанда, туристерді орналастыру орындарында болу құнының 0 (нөл) пайызы мөлшерінде бекітілсін.
2.Осы шешім оның алғашқы ресми жарияланған күнінен бастап қолданысқа енгізіледі.
Аудандық мәслихаттың
төрағасы К. Жунусбеков