Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 10, 19-баптарына сәйкес аудандық мәслихат төрағасы 2023 жылдың 29 мамыр күні сағат 15.00-де аудан әкімдігінің мәжіліс залында сегізінші сайланған Индер аудандық мәслихатының кезектен тыс ІІІ сессиясын шақыру туралы шешім қабылдады.
Сессияның қарауына ұсынылатын мәселелер:
1. Аудандық мәслихаттың 2022 жылғы 28 қазандағы №147-VII «Аудан әкімдігі жанындағы құқық бұзушылық профилактикасы және сыбайлас жемқорлықпен күрес жөніндегі ведомствоаралық комиссиясының құрамы туралы» шешіміне өзгеріс енгізу туралы.
2. Аудандық мәслихаттың 2021 жылғы 7 желтоқсандағы №71-VII «Аудандық кәмелетке толмағандардың істері және олардың құқықтарын қорғау жөніндегі комиссиясының құрамы туралы» шешіміне өзгерістер енгізу туралы.
Хабарламашы: Сансызбаев Айболат Саламатұлы – аудан әкімі аппаратының басшысы.
3. Индер ауданы бойынша 2023-2024 жылдарға арналған жайылымдарды басқару және оларды пайдалану жөніндегі жоспарын бекіту туралы.
4. Индер аудандық мәслихатының 2019 жылғы 31 қазандағы №322-VI «Индер аудандық жер комиссиясының құрамын құру туралы» шешіміне өзгерістер енгізу туралы.
Хабарламашы: Үсенқызы Ардақ – аудандық жер қатынастары, сәулет және қала құрылысы бөлімінің басшысы.
5. Басқа да мәселелер.
Индер аудандық мәслихатының тұрақты комиссияларының бірлескен отырысы 2023 жылдың 29 мамыр күні сағат 10.00-де аудандық мәслихат төрағасының бөлмесінде өткізіледі.
Индер аудандық мәслихатының аппараты