Қазақстан Республикасы «Қоғамдық кеңес туралы» 2015 жылғы 2 қарашадағы № 383-V ҚРЗ бұйрығының 9-10 бабтарына сәйкес, Ескелді ауданының мәслихаты Ескелді ауданының Қоғамдық кеңесін қалыптастыру жөніндегі конкурстың өткізілетіндігі туралы хабарлайды.
Конкурсқа қатысуға ниет білдірген азаматтарға, Қазақстан Республикасының он сегіз жасқа толған, сондай-ақ жергілікті деңгейде – тиісті әкімшілік-аумақтық бірлік шегінде тұрақты тұратын азамат немесе азаматша Қоғамдық кеңес мүшелігіне кандидат бола алады.
Конкурсқа қатысу үшін:
1) кандидатураны жұмыс тобы мен Қоғамдық кеңестің құрамына ұсыну туралы коммерциялық емес ұйымның жазбаша ұсынысы және (немесе) азаматтың өтініші;
2) өмірбаян деректері көрсетіле отырып, кандидаттың кәсіптік және (немесе) қоғамдық қызметі туралы мәліметтер;
3) сотталғандығының болуы не болмауы туралы анықтама;
4) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) болуы не болмауы туралы анықтама;
5) кандидаттың дербес деректерін жинауға, өңдеуге, таратуға және жариялауға келісім ұсынылады.
Ескелді ауаданының Қоғамдық кеңесінің сандық құрамы – 15 адам, оның ішінде: 10 адам коммерциялық емес ұйымдар өкілдері, азаматтар және 5 адам мемлекеттік органдар өкілдері.
Құжаттарды беру мерзімі – 2025 жылғы қаңтар айының 20-нан 31 –не дейін.
Ескелді ауданының Қоғамдық кеңесінің құрамын қалыптастыру бойынша кандидатуралар туралы ұсыныстарды және өтініштерді қабылдайтын мемлекеттік орган – «Ескелді ауданының маслихат аппараты»ММ.