Ақмола облысы Есіл аудандық мәслихатының
ШЕШІМІ
2023 жылғы 16 мамыр № 8С-3/1
Есіл қаласы
Аудандық мәслихаттың
кезекті сессиясының
күн тәртібін бекіту туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 8 бабына сәйкес, Есіл аудандық мәслихаты ШЕШТІ:
Келесі күн тәртібі бекітілсін:
- 2022 жылға арналған аудандық бюджеттің, Есіл қаласының, Красногорский кентінің, ауылдар мен ауылдық округтер бюджеттерінің атқарылуы туралы жылдық есепті бекіту туралы.
- Есіл ауданында идеологиялық жұмысының қалыпқа келтіру туралы.
- «Есіл аудандық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалау Әдістемесін бекіту туралы.
- Есіл аудандық мәслихатының 2017 жылғы 2 ақпандағы № 11/3 «Есіл ауданында мүгедектігі бар балалар қатарындағы кемтар балаларды жеке оқыту жоспары бойынша үйде оқытуға жұмсаған шығындарды өтеу тәртібі мен мөлшерін белгілеу туралы» шешіміне өзгерістер енгізу туралы.
- 2023 жылға арналған Есіл ауданы бойынша кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстардың ең төмен мөлшерін бекіту туралы.
- Есіл ауданының қоғамдық тәртібін қамтамасыз етуге қатысатын азаматтарды көтермелеу жөніндегі комиссияның құрамын бекіту туралы.
- Есіл аудандық мәслихатының 2021 жылғы 19 наурыздағы №4/3 «Есіл ауданы әкімдігі жанындағы кәсіпкерлік мәселесі жөніндегі сараптама кеңесінің құрамын бекіту туралы» шешіміне өзгерістер енгізу туралы.
- Аудандық мәслихаттың кезекті сессиясының қарауына енгізілетін негізгі мәселе туралы.
Есіл аудандық
мәслихатының төрайымы А. Әділбаева