Депутаттық өкілеттік және әдеп, жастар ісі, ұлтаралық қатынастар, халық денсаулығын сақтау, білім және мәдениет мәселелері жөніндегі тұрақты комиссиясының
ҚАУЛЫСЫ
2022 жылғы 30 наурыз
«Есіл ауданының ішкі саясат,
мәдениет және тілдерді дамыту
бөлімінің тілдерді оқыту орталығы»
КММ жұмысының тиімділігі туралы
«Есіл ауданының тілдерді оқыту орталығы» КММ директоры Қ.Ж. Бекжанованың «Есіл ауданының ішкі саясат, мәдениет және тілдерді дамыту бөлімінің тілдерді оқыту орталығы» КММ жұмысының тиімділігі туралы ақпаратын тыңдаған тұрақты комиссия атап өтті:
Тіл саясатын жүзеге асыру мақсатында 2012 жылдың 7 қыркүйегінде «Есіл ауданының тілдерді оқыту орталығы» ашылды.
Қазіргі уақытта орталықта 7 штаттық қызметкер жұмыс істейді.
«Қазақстан Республикасында тілдерді дамыту мен қолданудың 2020-2025 жылдарға арналған мемлекеттік бағдарламасы» шеңберінде орталықта 14 топ және 157 тыңдаушы, яғни 3 бастауыш топ, 5 жалғастырушы топ, 4 жетілдіруші топ, мемлекеттік тілді үйренушілер, қалған 2 топ (17 адам) ағылшын тілін үйренуде. Оқу процесі онлайн және офлайн форматтарда жүргізіледі. Қашықтықтан оқыту процесі WhatsApp мессенджері мен ZOOM әлеуметтік платформасы арқылы өтеді.
Оқу процесі ұлттық стандартқа сәйкес «Қазақ тілін оқытудың үлгілік бағдарламасы» негізінде 5 деңгейлік жүйе бойынша жүзеге асырылады. Тыңдаушылардың тілді білуі «KazTest» жүйесінде бағаланады және сертификаттар көрсетілген деңгейге сәйкес беріледі. Орталық заманауи материалдық-техникалық базамен жабдықталған.
2022 жылға қаржыландыру сомасы - 12 млн. 878 мың теңгені құрады: жергілікті бюджет қаражаты есебінен-10 млн. 646 мың теңге, республикалық трансферттер қаражаты есебінен-2 млн. 232 мың теңге. 2018 жылы орталықты қаржыландыру-10 млн. 627 мың теңгені құрады. Орталық қызметкерлерінің жалақысы 2022 жылы республикалық трансферттер есебінен 20% - ға өсті.
Жоғарыда баяндалғанның негізінде Есіл аудандық мәслихатының депутаттық өкілеттік пен этика, жастар ісі, ұлтаралық қатынастар, халықтың денсаулығын сақтау, білім және мәдениет мәселелері жөніндегі тұрақты комиссиясы ҚАУЛЫ ЕТЕДІ:
- аудан тұрғындары арасында тіл мәдениетін арттыруға бағытталған тіл саясатын жүзеге асыру бойынша одан әрі жұмыс жүргізу;
- мемлекеттік және мемлекеттік емес сектор ұйымдарында қазақ тілін меңгеру деңгейін арттыру мақсатында мекемелер мен ұйымдардың басшылары арасында қызметшілердің, қызметкерлердің тілдерді оқыту орталығына баруы бойынша жауапкершілік туралы белсенді түсіндіру жұмыстарын жүргізу;
- Мемлекеттік және ағылшын тілдерін оқыту әдіснамасын жетілдіру жөніндегі жұмысты жандандыру, осы мақсатта орталық қызметкерлерінің біліктілігін уақтылы және сапалы арттыруды қамтамасыз ету.
Депутаттық өкілеттік пен этика, жастар ісі, ұлтаралық қатынастар, халық денсаулығын сақтау, білім және мәдениет мәселелері жөніндегі тұрақты комиссиясына:
Ақмола облысы әкімінің әлеуметтік мәселелер жөніндегі орынбасары А.Е. Мысыралимованың атына тілдерді оқыту орталығы оқытушысының мәртебесін қайта қарау туралы хат дайындалсын.
Тұрақты комиссияның
төрағасы Б. Баймұратов