Егіндікөл аудандық мәслихатының 2023 жылғы 12 қыркүйектегі № 8С7-2 «Егіндікөл ауданы әкімінің өзіне жүктелген функциялар мен міндеттердің орындалуы туралы есебі туралы» шешімі
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабына және «Әкімдердің мәслихаттар алдында есептерін жүргізу туралы» Қазақстан Республикасы Президентінің 2006 жылғы 18 қаңтардағы № 19 Жарлығына сәйкес аудан әкімі Е. Қ. Мұхамединнің өзіне жүктелген функциялар мен міндеттердің орындалуы туралы есебін тыңдап, талқылағаннан кейін Егіндікөл аудандық мәслихаты ШЕШТІ:
1) Егіндікөл ауданының әкімі Е. К. Мұхамединге:
- аудан тұрғындарын ауыз сумен үздіксіз қамтамасыз ету жұмыстарын жандандыру;
- агроөнеркәсіптік кешенді, шағын және орта бизнесті одан әрі дамытуға мемлекеттік қолдауды қамтамасыз ету;
- ауыл шаруашылығын салалық мамандандыруды іске асыру жөніндегі жұмысты жалғастыру;
- денсаулық сақтау саласында жас мамандарды тарту үшін қолайлы жағдайлар жасау;
- бюджет қаражатын мақсатты және тиімді игеру үшін ауылдар мен ауылдық округтер әкімдерінің, атқарушы органдар басшыларының бақылауын қамтамасыз ету және жауапкершілігін арттыру.
2) Егіндікөл ауданының әкімдігіне:
- ауданға инвестиция тарту бойынша жұмысты жалғастыру;
- 2023-2024 жылдардағы жылыту маусымына дайындықты бақылауда ұстау.
3) ауылдар мен ауылдық округтердің әкімдеріне:
- жергілікті қоғамдастықтың жұмысын жандандыру және өз жұмысында олардың әлеуетін кеңінен пайдалану;
- ауданның көшелерін жөндеу және күтіп ұстау, елді мекендерін көгалдандыру және абаттандыру жұмыстарын жалғастыру;
Егіндікөл аудандық
мәслихатының төрағасы Қ. Шынтеміров