Егіндікөл аудандық мәслихатының 2022 жылғы 22 желтоқсандағы
№ 7С30-3 «Егіндікөл аудандық мәслихат хатшысының атқарған жұмыстары жөнінде есебі туралы» шешімі
Егіндікөл аудандық мәслихат хатшысының 2022 жылғы атқарылған жұмыстары бойынша Б. Қ. Әбіловтың есебін тыңдап және талқылап, осы есепті кезеңде ауданның әлеуметтік-экономикалық дамуына, міндеттерді шешуге бағытталған маңызды істер жүргізілгенін Егіндікөл аудандық мәслихаты атап өтті.
Есепті кезеңде 15 сессия, оның ішінде 11 кезектен тыс сессия өткізілді. 65 шешім қабылданды, оның 6-ы Әділет министрлігінде тіркелген нормативтік құқықтық актілер. Негізінен депутаттар аудандық бюджетті, әлеуметтік сипаттағы және басқа да маңызды мәселелерді қалыптастыруға және орындауға байланысты мәселелерді талқылауға шығарды.
Жыл басынан бері аудандық мәслихат депутаттары АМАНАТ партиясының қоғамдық қабылдау бөлмесінде жеке мәселелері бойынша 75-тен астам азаматты қабылдады. Тұрғындардың көптеген мәселелері азаматтарды қабылдау барысында жедел шешіледі. Өтініштердің 82% - ы оң шешілді, өтініштердің 18% - ы бойынша қолданыстағы заңнамаға сәйкес түсініктемелер берілді. Талдау көрсеткендей, өткен жылдармен салыстырғанда әлеуметтік мәселелер бойынша өтініштер саны азайды, коммуналдық мәселелер бойынша өтініштер көбейіп келеді, бұл негізінен тұрғын үй-коммуналдық шаруашылық қызметтерінің, энергиямен жабдықтау, сумен жабдықтау және көшелерді жарықтандыру, автомобиль жолдарын жөндеу қызметтерінің сапасын арттыруға қатысты.
Аудандық мәслихат депутаттары бекітілген ауылдық округтерде аудан әкімінің халықпен 15 кездесуіне қатысты, олардың барысында әлеуметтік сипаттағы мәселелер қаралды, проблемалық мәселелерді шешу жолдары мен мерзімдері түсіндірілді.
Халықтың толық хабардар болуын қамтамасыз ету мақсатында аудандық мәслихаттың сайты құрылды. Мұнда мәслихат пен депутаттардың қызметі туралы, қабылданатын шешімдер мен қаулылар туралы ақпарат алуға, түсініктемелер қалдыруға және өз ұсыныстарын енгізуге, қызықтыратын сұрақтар қоюға болады. Бұдан басқа, «Мәслихаттар» Веб-порталы диалог үшін платформа ретінде құрылды, онда жоғарғы палатаның және барлық деңгейдегі жергілікті өкілді органдардың барлық депутаттары тіркеледі.
Өз кезегінде мәслихаттар жұмысының ашықтығын арттыру үшін Аitube отандық платформасы арқылы мәслихаттар отырыстарын міндетті онлайн-трансляциялау практикасы белсенді түрде енгізілуде..
Баяндалғанның негізінде, Егіндікөл аудандық мәслихаты ШЕШІМ ҚАБЫЛДАДЫ:
- ауданда өзін-өзі басқаруды қалыптастыруға белсенді қатысу;
- өз өкілеттіктерін, сайлауалды бағдарламаларын орындауда белсенділікті арттыруға қол жеткізу;
- мәслихат шешімдерінің, тұрақты комиссиялардың қаулылары мен қорытындыларының орындалуын бақылауды күшейту;
- азаматтарды қабылдауды, есептерді және сайлаушылармен кездесулерді тұрақты ұйымдастыру;
- депутаттық қызмет контексінде әлеуметтік желілердегі ақпаратты үнемі жаңартып отыру.
хатшысы Б. Абилов