№ 1 ХАТТАМА
Денисовка ауылы 2025 жыл 9 қаңтар
Калинин к-сі 5 сағат 15.00
2 қабат, № 43 кабинет
Денисов ауданының Қоғамдық кеңесін қалыптастыру жөніндегі Жұмыс тобына үміткерлердің отырысы және Денисов ауданының Қоғамдық кеңесін қалыптастыру жөніндегі құрылған Жұмыс тобының бірінші отырысы
Жұмыс тобын қалыптастыру рәсімін ашады және жүргізеді – Шерер В.В., Денисов аудандық мәслихатының төрағасы.
Жұмыс тобының бірінші отырысын жүргізеді – Сухина Е.М., Денисов ауданының Қоғамдық кеңесін қалыптастыру жөніндегі Жұмыс тобының жетекшісі.
Отырыс хатшысы – Жалғаспаева А.О., «Денисов аудандық мәслихатының аппараты»ММ ұйымдастыру жұмысы бөлімінің басшысы.
Шақырылды және қатысты:
Жұмыс тобының құрамына үміткерлер:
|
1. |
Садисова Лаззат Базакановна |
Үміткер өзін-өзі ұсыну тәртібімен |
|
2 |
Кәрімбаева Ағайша Сейіткәрімқызы |
«Ардагерлер ұйымы» РҚБ Денисов аудандық филиалынан үміткер |
|
3 |
Сарсекеева Айгүл Салкоповна |
«AMANAT» партиясының Денисов аудандық филиалынан үміткер |
|
4 |
Сухина Елена Михайловна |
Денисов ауданының кітапхана қызметкерлерінің бастауыш кәсіподақ ұйымының, «Мәдениет, спорт және ақпарат қызметкерлерінің Республикалық кәсіптік одағы» қоғамдық бірлестігінен үміткер |
|
5 |
Алпысбаева Татьяна Александровна |
«Жастар ресурстық орталығы» КММ үміткер |
Мемлекеттік органның өкілдері
|
1 |
Шерер Виктор Викторович |
Денисов аудандық мәслихатының төрағасы |
|
2. |
Жалғаспаева Анжела Олеговна |
«Денисов аудандық мәслихатының аппараты» ММ ұйымдастыру жұмысы бөлімінің басшысы. |
КҮН ТӘРТІБІ:
1. Денисов ауданының Қоғамдық кеңесін қалыптастыру жөніндегі Жұмыс тобының (бұдан әрі - Жұмыс тобы) құрамына мүшелерді іріктеу туралы, ашық дауыс беруді өткізу.
2. Азаматтық қоғам өкілдерінің арасынан Жұмыс тобының басшысын сайлау туралы.
3. Отырыс хаттамасын жүргізу үшін жұмыс тобының мүшесін айқындау туралы.
4. Денисов ауданы Қоғамдық кеңесі (бұдан әрі - Қоғамдық кеңес) мүшелерінің сандық құрамын айқындау туралы.
5. Қоғамдық кеңес мүшелерін сайлау туралы конкурс туралы халықты хабардар ету күнін айқындау туралы.
6. Қоғамдық кеңес құрамына әрбір үміткерді бағалау парағының нысанын әзірлеу туралы.
7. Жұмыс тобының келесі отырысының өткізілетін күні мен орнын айқындау туралы.
1. ТЫҢДАЛДЫ: Шерер В.В. - Денисов ауданының Қоғамдық кеңесін қалыптастыру жөніндегі Жұмыс тобының құрамына мүшелерді іріктеу туралы, ашық дауыс беруді өткізу.
СӨЗ СӨЙЛЕДІ:
Шерер В.В.: Отырысқа қатысушыларды құттықтап, Денисов ауданының Қоғамдық кеңесін қалыптастыру жөніндегі жұмыс тобын құру мәселесі бойынша отырысқа қатысуға шақыруға жауап бергендердің барлығына алғысын білдірді.
«100 нақты қадам» Ұлт жоспарын іске асыру шеңберінде 2016 жылғы 1 қаңтардан бастап «Қоғамдық кеңестер туралы» ҚР Заңы күшіне енгенін, оны орындау үшін 2016 жылғы 8 ақпанда Денисов ауданының бірінші Қоғамдық кеңесі құрылғанын атап өтті. Кеңестің екінші құрамы 2019 жылғы 20 ақпанда құрылды. Үшінші құрам 2022 жылғы 24 ақпанда құрылды. Қоғамдық кеңес мүшелерінің өкілеттік мерзімі-үш жыл және ол 2025 жылдың ақпанында аяқталады. Бүгінде жұмыс тобының құрамына төртінші рет іріктеу жүргізілуде. Осы уақыт ішінде Қоғамдық кеңестің қызметін реттейтін заңнама айтарлықтай өзгергенін атап өтті. Қоғамдық кеңестердің өкілеттіктері едәуір кеңейді және мемлекет азаматтық қоғамға барған сайын есеп береді.
Бұдан әрі төмендегілер туралы баяндады:
«Қоғамдық кеңестер туралы» Заңның (бұдан әрі - Заң) 9-бабына сәйкес жергілікті деңгейдегі қоғамдық кеңестерді жұмыс топтары қалыптастырады, бүгін ұсынылған үміткерлерден тұратын жұмыс тобына іріктеу жүргізу қажет, ол кейіннен аудандық деңгейдегі Қоғамдық кеңестің құрамын қалыптастырады.
Заң талаптарына сәйкес Қоғамдық кеңестің жаңа құрамын қалыптастыру рәсімі қолданыстағы құрамның өкілеттік мерзімі аяқталғанға дейін екі ай бұрын басталады. Осы талаптарға сәйкес 2024 жылғы 24 желтоқсаннан бастап біз Қоғамдық кеңестің жаңа құрамын қалыптастыру рәсімдеріне кірістік.
Заңның 9-бабының негізінде және Қоғамдық кеңес туралы Үлгілік ереженің (бұдан әрі - Үлгілік ереже) талаптарына сәйкес мәслихат төрағасы жұмыс тобы мүшелерінің жалпы санының үштен бірінен аспайтын жұмыс тобының және мемлекеттік органның өкілдерінің сандық құрамын айқындайды. Үлгілік ереженің 4 - тармағына сәйкес аудандық мәслихат төрағасының 2024 жылғы 24 желтоқсандағы № 27 н/қ өкімімен Жұмыс тобының сандық құрамы - 7 адам, оның ішінде мемлекеттік органдардың өкілдері - 2 адам, коммерциялық емес ұйымдардың өкілдері, азаматтар-5 адам болып белгіленді.
Мемлекеттік орган атынан өкілдер: Шерер Виктор Викторович, Денисов аудандық мәслихатының төрағасы және Жалғаспаева Анжела Олеговна, «Денисов аудандық мәслихатының аппараты» ММ ұйымдастыру жұмысы бөлімінің басшысы болып айқындалды.
Үлгі ереженің талаптарына сәйкес БАҚ-та азаматтық қоғамнан жұмыс тобының сандық құрамын көрсете отырып, жұмыс тобының мүшелерін іріктеу бойынша конкурс өткізу туралы хабарландыру орналастырылды-5 адам. Хабарландыруда құжаттарды тапсыру мерзімдері және құжаттар жіберілетін мекенжайлар көрсетілген.
Көрсетілген мерзімде 25-31 желтоқсан аралығында бес үміткер бойынша құжаттар келіп түсті:
Өзін-өзі ұсыну туралы бір өтінішті Садисова Лаззат Базакановна берді.
Төрт ұсыныс коммерциялық емес ұйымдардан келді:
«Ардагерлер ұйымы» РҚБ Денисов аудандық филиалынан Кәрімбаева Ағайша Сейіткәрімқызының кандидатурасы ұсынылды;
Денисов ауданының кітапхана қызметкерлерінің бастауыш кәсіподақ ұйымынан, «Мәдениет, спорт және ақпарат қызметкерлерінің Республикалық кәсіптік одағы» қоғамдық бірлестігінен Сухина Елена Михайловнаның кандидатурасы ұсынылды;
«Жастар ресурстық орталығы» КММ-ден Алпысбаева Татьяна Александровнаның кандидатурасы ұсынылды;
«AMANAT» партиясының Денисов аудандық филиалынан Сарсекеева Айгүл Салкоповнаның кандидатурасы ұсынылды.
Барлық құжаттар тексеріліп, заң талаптарына сәйкес келеді. Барлық үміткерлерге отырыстың өтетін күні, орны және уақыты туралы тиісті түрде хабарланды.
Аталған үміткерлердің ішінен бүгінде бесеуі де қатысуда.
Барлық үміткерлер біздің ауданда тұрады, сондықтан олар арнайы таныстыруды қажет етпейді, әркімнің өз салаларында жұмыс тәжірибесі бар және белсенді азаматтық ұстанымға ие.
Қатысушылардың үміткерлерге сұрақтары бар ма?
Ұсынылған кандидатуралар бойынша біреудің сұрақтары немесе ұсыныстары болуы мүмкін бе? Кандидаттардың бірі дауыс беру алдында сөйлегісі келеді ме? Егер сұрақтар болмаса, біз бүгін қарастыруға жиналған басты мәселеге кірісейік.
Бүгінгі отырыста заңнама талаптарына сәйкес Қоғамдық кеңесті қалыптастыру жөніндегі жұмыс тобының мүшелігіне әрбір үміткер бойынша ашық дауыс беру жүргізу қажет.
Кандидаттар бойынша ашық дауыс беруге кіріспес бұрын мәслихат аппаратының қызметкері – Жалғаспаева Анжела Олеговнаға әрбір үміткер бойынша дауыстарды дәл санауды тапсырамын.
Қоғамдық кеңес туралы Үлгілік ереженің 14-тармағында жұмыс тобының құрамына мүшелерді іріктеу коммерциялық емес ұйымдардан және ашық дауыс беруге қатысатын азаматтардан жұмыс тобының мүшелігіне кандидаттардың көпшілік дауысымен жүзеге асырылатыны анықталды.
Коммерциялық емес ұйымнан үміткер, азамат өз кандидатурасы үшін дауыс беруге қатыспайды. Үміткерлерді әліпби ретімен тегі бойынша айтуды ұсынамын.
Дауыс беру рәсімі өткізілді.
Бірінші үміткер - Алпысбаева Татьяна Александровна. Бірауыздан.
Екінші үміткер - Кәрімбаева Ағайша Сейіткәрімқызы. Бірауыздан.
Үшінші үміткер - Садисова Лаззат Базакановна. Бірауыздан.
Төртінші үміткер - Сарсекеева Айгуль Салкоповна. Бірауыздан.
Бесінші үміткер - Сухина Елена Михайловна. Бірауыздан.
ШЕШІМ ҚАБЫЛДАДЫ: Қостанай облысының Қоғамдық кеңесін қалыптастыру жөніндегі жұмыс тобы мынадай құрамда құрылсын:
|
Азаматтық қоғам өкілдері |
|
|
1 |
Алпысбаева Татьяна Александровна |
|
2 |
Кәрімбаева Ағайша Сейіткәрімқызы |
|
3 |
Садисова Лаззат Базакановна |
|
4 |
Сарсекеева Айгуль Салкоповна |
|
5 |
Сухина Елена Михайловна |
|
Мемлекеттік органның өкілдері |
|
|
6 |
Шерер Виктор Викторович |
|
7 |
Жалғаспаева Анжела Олеговна |
2. ТЫҢДАЛДЫ:
Шерер В.В. - Азаматтық қоғам өкілдерінің арасынан Жұмыс тобының басшысын сайлау туралы.
СӨЗ СӨЙЛЕДІ:
Шерер В.В.: Үлгілік ереженің 16-тармағына сәйкес жұмыс тобының бірінші отырысында азаматтық қоғам өкілдерінің арасынан басшыны сайлау қажеттігі туралы баяндады. Ұсыныстар бар ма деп сұрады.
Алпысбаева Т.А.: Сухина Е.М. кандидатурасын ұсынды
Шерер В.В.: Ұсынылған Е.М.Сухина кандидатурасына дауыс беру рәсімін жүргізді..Сухина Е.М. жұмыс тобының басшысы болып сайланды.
ШЕШІМ ҚАБЫЛДАДЫ: Сайланған Е.М.Сухинаны Жұмыс тобының басшысы болып саналсын. (Бірауыздан)
3. ТЫҢДАЛДЫ:
Сухина Е.М. - Отырыс хаттамасын жүргізу үшін жұмыс тобының мүшесін айқындау туралы.
СӨЗ СӨЙЛЕДІ:
Сухина Е.М.:Үлгілік ереженің 18-тармағына сәйкес жұмыс тобының отырысында жұмыс тобының мүшесі хаттама жүргізеді, оны жұмыс тобының басшысы айқындайды. Мемлекеттік орган өкілдерінің арасынан хаттама жүргізу үшін жұмыс тобының мүшесі болып А.О.Жалғаспаева тағайындалуын ұсынды.
Сухина Е.М.: Басқа ұсыныстар, қарсылықтар бар ма? Бірауыздан қолдау көрсетілді.
ШЕШІМ ҚАБЫЛДАДЫ: отырыс хаттамасын жүргізу үшін жұмыс тобының мүшесі-А. О. Жалғаспаева тағайындалсын – . (Бірауыздан)
4. ТЫҢДАЛДЫ:
Сухина Е.М. - Денисов ауданы Қоғамдық кеңесі (бұдан әрі - Қоғамдық кеңес) мүшелерінің сандық құрамын айқындау туралы.
СӨЗ СӨЙЛЕДІ:
Сухина Е.М.: Заңның 9-бабының 3-тармағына, сондай-ақ Қоғамдық кеңес туралы Үлгілік ереженің 19-тармағына сәйкес Қоғамдық кеңес мүшелерінің сандық құрамын жұмыс тобы айқындайды.
Қазақстан Республикасы Ақпарат және қоғамдық даму министрлігі ұсынған ұсынымдарға сәйкес жергілікті деңгейдегі қоғамдық кеңестер мүшелерінің саны тиісті әкімшілік-аумақтық бірліктегі халықтың жалпы санына байланысты айқындалады.
Аудандық қоғамдық кеңестерде сайланатын мүшелер саны:
Тиісті аудандық Қоғамдық кеңес мүшелерінің саны мынадай шектерде айқындалады: халық саны он бес мың адамға дейінгі он мүшеден.
Есептеулерде халық саны он бес мың адамға артқан кезде мүшелер саны бірлікке артады.
Әкімшілік-аумақтық бірлік халқының саны 2024 жылғы 1 желтоқсандағы статистика саласындағы мемлекеттік саясатты қалыптастыратын және іске асыратын уәкілетті органның деректеріне сәйкес ескеріледі.
Статистика органдарының деректері бойынша Денисов ауданының халық саны – 2024 жылғы 1 желтоқсандағы жағдай бойынша 15883 адамды құрайды.
Қоғамдық кеңестер туралы заңнамаға сәйкес жұмыс топтары мүшелері мен қоғамдық кеңестер құрамдарының жалпы санының кемінде 2/3 бөлігін (70 %) азаматтық қоғам өкілдері құрайды.
Осыған байланысты ол 11 адамнан тұратын сандық құрамды анықтауды ұсынды. Мемлекеттік органдар мен азаматтық қоғам өкілдерінің арақатынасы туралы ұсыныстар бар ма?
Жалғаспаева А.О..: Арақатынасын ұсынды: мемлекеттік органдардың 2
өкілі және азаматтық қоғамның 9 өкілі.
Мемлекеттік органдардан Денисов ауданы әкімдігінің жер қатынастары бөлімінің өкілі мен кәсіпкерлік және ауыл шаруашылығы бөлімінің өкілін қосуды ұсынды.
Шерер В.В.: Кеңестің құрамына жұмыстың құзыреттілігі мен тиімділігі үшін басшылар деңгейінде мемлекеттік органдардың өкілдерін қосуды ұсынды.
Сухина Е.М.: Қорытындылады. Өкілдер бойынша мемлекеттік
органдардан өкілдер құрамына: Денисов ауданы әкімдігінің жер қатынастары бөлімі және кәсіпкерлік және ауыл шаруашылығы бөлімі өкілдерін енгізу ұсыныстары келіп түсті.
Үлгілік ереженің 31-тармағына сәйкес мемлекеттік органның Қоғамдық кеңеске өкілдігін мәслихат төрағасы конкурс өткізбей бекітеді. Мәслихат аппаратына осы өкілдікті бекіту туралы тиісті өкім дайындауды және оны мемлекеттік органдармен келісуді ұсынды.
ШЕШІМ ҚАБЫЛДАДЫ: Қоғамдық кеңестің сандық құрамы анықталсын - 11 адам (мемлекеттік органдардың өкілдері – 2 адам, 9 адам-азаматтық қоғамның өкілдері). (Бірауыздан)
5. ТЫҢДАЛДЫ: Сухина Е.М.. - Денисов ауданының Қоғамдық кеңесінің мүшелерін сайлау туралы конкурс туралы халықты хабардар ету күнін белгілеу туралы.
СӨЗ СӨЙЛЕДІ:
Сухина Е.М.: Жұмыс істеп тұрған кеңестің өкілеттігі ағымдағы жылдың 24 ақпанында аяқталатынын баяндап, Денисов ауданы Қоғамдық кеңесінің мүшелерін сайлау туралы конкурс туралы хабарландыруды 2025 жылғы 20 қаңтарда жариялауды ұсынды.
Хабарландыру Денисов ауданы мәслихатының ресми интернет-ресурсында жариялауды ұсынды.
Хабарландыруда өтініштер мен ұсыныстарды қабылдау мерзімін көрсету қажет. Үлгілік ереженің 26-тармағының талаптарына сәйкес құжаттарды қабылдау хабарландыру жарияланған күннен кейін 10 жұмыс күні ішінде жүзеге асырылуға тиіс. 2025 жылдың 20 қаңтарынан 3 ақпанына дейін алынады. Бірауыздан қолдау тапты.
ШЕШІМ ҚАБЫЛДАДЫ: Денисов ауданының Қоғамдық кеңесінің мүшелерін сайлау туралы конкурс туралы хабарландыру 2025 жылғы 20 қаңтарда орналастырылсын. (Бірауыздан)
6. ТЫҢДАЛДЫ: Сухина Е.М.- Қоғамдық кеңес құрамына әрбір үміткерді бағалау парағының нысанын әзірлеу туралы.
СӨЗ СӨЙЛЕДІ:
Сухина Е.М.: Бағалау парағының үлгісін уәкілетті орган - Ақпарат және қоғамдық даму министрлігі ұсынғанын хабарлады.
ШЕШІМ ҚАБЫЛДАДЫ: Бағалау парағының нысаны қабылдансын. (Бірауыздан)
7. ТЫҢДАЛДЫ: Сухина Е.М.. - Жұмыс тобының келесі отырысының өткізілетін күні мен орнын айқындау туралы.
СӨЗ СӨЙЛЕДІ:
Сухина Е.М..– Жұмыс тобының екінші отырысын 2025 жылғы 10 ақпанда өткізу ұсынылды, онда келіп түскен барлық құжаттар талқыланатын болады.
Екінші отырыстың болжамды күн тәртібі:
1. Келіп түскен құжаттарды талқылау туралы.
2. Әрбір үміткермен әңгімелесу өткізу және әрбір кандидаттың бағалау парағының нысанын толтыру туралы.
3. Әрбір үміткер бойынша ашық дауыс беруді өткізу, Қоғамдық кеңестің негізгі құрамын қалыптастыру туралы.
4. Қоғамдық кеңестің негізгі құрамына кірмеген азаматтық қоғам өкілдері қатарынан Қоғамдық кеңеске үміткерлердің резервтік тізімін қалыптастыру туралы.
ШЕШІМ ҚАБЫЛДАДЫ: жұмыс тобының келесі отырысы 2025 жылғы 10 ақпанда өтеді. (Бірауыздан)
Жұмыс тобының
төрайымы Сухина Е.М.
Отырыс хатшысы Жалғаспаева А.О.