Целиноград аудандық мәслихатының
ШЕШІМІ
Ақмол ауылы № 204/27-8 22 тамыз 2024 жыл
Целиноград ауданы әкімінің
өзіне жүктелген функциялар
мен міндеттері орындау туралы есебі
Целиноград ауданының әкімі Д. С. Сабырғалидың жоғарыда аталған мәселе бойынша есебін тыңдап және талқылағаннан кейін Целиноград аудандық мәслихаты есепті кезеңде ауданның әлеуметтік-экономикалық дамуы мен қоғамдық-саяси жағдайы тұрақты болып қалатынын атап өтті. Өнеркәсіп өнімдерінің, ауыл шаруашылығының өндірісі тұрақты қарқынмен өсуде, әлеуметтік сала объектілерін, ауданның инфрақұрылымын жақсарту бойынша көптеген жұмыстар жасалуда. Ауданда халықтың өмір сүру деңгейін арттыруға, сондай-ақ Мемлекет Басшысының бағдарламалық құжаттарында баяндалған нақты іс-шараларды іске асыруға ерекше назар аударылған.
1 жартыжылдықтың қорытындысы бойынша аудан бюджетінің кіріс бөлігі 87,7 пайызға орындалды (465,7 миллион теңгені орындамау). Жоспар бойынша 3,780 миллиард теңге болса, нақты түсім 3,315 миллиард теңгені құрады.
Бюджеттің шығыс бөлігінің атқарылуы 80 пайызды (игерілмеген қаражат сомасы 3,509 миллиард теңгені құрады).
Жыл басынан бері аудан экономикасын дамытуға 27 миллиард теңге тартылды, оның 40 пайызы мемлекеттік бюджет қаражатын құрайды, 60 пайызы – кәсіпорындардың жеке инвестициялары (өз қаражаты, банк несиелері, қарыз қаражаты). Инвестиция көлемі 11,8 миллиард теңгені құрайтын, 200 жаңа жұмыс орнын құра отырып, 12 инвестициялық жобаны іске асыру жүргізілуде. 7,2 миллион теңге сомасына 5 грант берілді, жастар үшін 20 кредит беру жоспарланған (жылдық 2 пайыздан).
Өнеркәсіптік өндіріс өсімінің нақты көлемінің индексі 24,6 миллиард теңгені (90,1 пайыз) құрайды.
Есепті кезеңде бөлшек тауар айналымының көлемі 4 миллиард теңгені құрады. Көтерме сауда айналымының көлемі-900 миллион теңге.
Есепті кезеңде ауыл шаруашылығының жалпы өнімінің көлемі 16 миллиард теңгені құрады. Ауыл өнімінің жалпы өнімінің нақты көлем индексі-94,4 пайыз.
Ағымдағы жылы ауыл шаруашылығы егістіктерімен 250 мың гектар, оның ішінде 212 мың гектар алқапта дәнді және дәнді-бұршақты дақылдар егілді.
Құрылыс жұмыстарының көлемі 9 миллиард теңгеден асты. 53 мың шаршы метрден астам тұрғын үй пайдалануға берілді.
Ағымдағы жылы жергілікті маңызы бар автожолдар мен көше-жол желісін салуға, жөндеуге 24 жобаны іске асыруға 17,6 миллиард теңге қарастырылған..
Бүгінгі таңда ауданда орталықтандырылған сумен 27 ауыл қамтылған (56 пайыз). Орталықтандырылмаған сумен 21 ауыл қамтылған, онда 30 біріктірілген блок-модуль орнатылған.
Ағымдағы жылы Преображенка, Сарыадыр, Караменды батыр, Жабай, Төңкеріс, Қажымұқан ауылдарында 6 блок-модульдік станция орнату жоспарлануда.
Газбен жабдықтау жүйесін дамыту шеңберінде Талапкер, Ыбырай Алтынсарин ауылдарында газ құбыры мен газ тарату желілерін салу бойынша құрылыс-монтаждау жұмыстары жүргізілуде, Қоянды, Шұбар, Аққайың ауылдарында құрылыс аяқталуда.
Есепті кезеңде азаматтардың жекелеген санаттарына 43 миллион теңге сомасында әлеуметтік көмек көрсетілді. Атаулы әлеуметтік көмек төлеуге 15 миллион теңгеден астам қаражат жұмсалды. Атаулы әлеуметтік көмек 56 отбасына (314 адам) тағайындалды. Су тасқынынан зардап шеккен 26 өтініш берушіге 9,6 миллион теңге сомасында өтемақы төленді.
Жыл басынан бері Жұмыспен қамту мәселесі бойынша халықтың мансаптық орталығына 1535 адам жүгінді. Оның ішінде барлығы 931 адам жұмысқа орналастырылды.
Білім беру саласында сапалы мектепке дейінгі және орта білім алу үшін жағдай жасау басымдық болып қала береді. «Жайлы мектептер» жобасын іске асыру шеңберінде 6 ауылдық елді мекендерде 9200 оқушы орындық 7 мектептің құрылысы жүргізілуде: Талапкер (2 бірлік), Қоянды, Қараөткел, Қаражар, Ақмол, Қабанбай батыр. Мектепке дейінгі білім беру саласында биыл Талапкер ауылында "Балдәурен" жекеменшік балабақшасы ашылды (41 орынға).
1 жартыжылдықта мәдениет ұйымдарында 2720 іс-шара ұйымдастырылып, өткізілді. Қараөткел, Талапкер, Қоянды ауылдарында мәдениет үйлерінің құрылысына жобалық-сметалық құжаттама әзірленуде. Бүгінгі таңда Жаңа Есіл ауылындағы мәдениет үйіне күрделі жөндеу жұмыстары жалғасуда.
2024 жылдың 1 жартыжылдығында 65 спорттық іс-шара өткізілді, оған 4,5 мыңнан астам адам қатысты. Ауылдық округ спортшылары арасында спорттың 10 түрі бойынша «Ақ бидай 2024» аудандық спартакиадасын өткізді.
«Ауылдық денсаулық сақтауды жаңғырту» ұлттық жобасы аясында 16 медициналық мекеменің құрылысы жүргізілуде: олар: Нұресіл, Арайлы, Оразақ, Жалғызқұдық, Жаңаесіл ауылдарындағы 5 дәрігерлік амбулатория, Тонкерис, Қараменді батыр, Мәншүк Мәметова, Ақжар, Өтеміс, Жаңа Жайнақ, Жарлыкөл, Рахымжан Қошқарбаев ауылдарындағы 8 фельдшерлік-акушерлік пункт және үш медициналық пункт Раздольное, Ынтымақ және Шалқар ауылдарында, бұл халықтың медициналық қызметтерге қолжетімділігін едәуір жақсартады.
Қоянды ауылында 100 келушіге арналған алғашқы медициналық-санитарлық көмек орталығының құрылысы аяқталды.
Сонымен қатар, ауданның әлеуметтік-экономикалық дамуының оң серпініне, аудан дамуының басым бағыттарын тұрақтандыру және іске асыру бойынша қабылданып жатқан шараларға қарамастан, қолжетімді тұрғын үй, жұмыспен қамту, сапалы білім беру және денсаулық сақтау, таза экология, жақсы жолдар мен қауіпсіздік сияқты бірқатар проблемалық мәселелер бар, негізгі капиталға инвестицияларды жаңа инвесторларды тарту арқылы одан әрі ұлғайту қажеттілігі атап өтілді, жұмыссыздық деңгейін төмендету жөнінде шаралар қабылдау.
Жоғарыда баяндалғанның негізінде, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабына, «Әкімдердің мәслихаттар алдында есеп беруін өткізу туралы» Қазақстан Республикасы Президентінің 2006 жылғы 18 қаңтардағы № 19 Жарлығына сәйкес Целиноград аудандық мәслихаты ШЕШІМ ҚАБЫЛДАДЫ:
1) мемлекеттік және салалық бағдарламалар шеңберінде жоспарланған іс-шаралардың уақтылы орындалуын қамтамасыз етуге:
2024 жылдың қорытындысы бойынша жоспарланған жобаларды іске асыруға республикалық және облыстық бюджеттерден трансферттер түрінде бөлінетін бюджет қаражатын толық және тиімді игеру бойынша барлық қажетті шараларды қабылдау;
кәсіпкерлікті қолдау картасының жобаларын уақтылы іске асыруды қамтамасыз ету;
инвестициялар тарту бойынша, оның ішінде мемлекеттік жекешелік әріптестік шеңберінде жұмысты жандандыру;
жемшөп дайындау бойынша жұмыстарды уақтылы және сапалы жүргізуді қамтамасыз ету;
елорда төңірегінде азық-түлік белдеуін дамыту бойынша жұмысты жалғастыру;
мәдени-демалыс іс-шараларына, атап айтқанда, аудан кітапханаларының жарақтандырылуына назар аудару;
барлық санитарлық талаптарды сақтай отырып, барлық жоспарланған мәдени-спорттық іс-шараларды өткізуді тиісті деңгейде қамтамасыз ету.
2) салықтар түсімдерін және бюджетке түсетін басқа да міндетті түсімдерді ұлғайту жөніндегі жұмысты жандандыруға және 2024-2025 жылдарға арналған мемлекеттік кірістер түсімдерін ұлғайту жөніндегі іс-шаралар жоспарын іске асыру шеңберінде жұмысты жалғастыруға;
3) мемлекеттік балабақшалар салуға қатысты қажетті шаралар қабылдасын;
4) Ақмол ауылында аудандық аурухана, аудандық жедел жәрдем станциясын толық жарақтандырумен салу бойынша жәрдем көрсету
5) ауруларды ерте сатыларда анықтау жөніндегі жұмысты күшейтуге, нәресте өліміне жол бермеу жөніндегі шараларды, бизнес объектілері мен шаруашылық жүргізуші субъектілер арасында санитариялық-эпидемиологиялық нормаларды сақтау жөніндегі іс-шараларды қабылдауға;
6) аудандағы құқық бұзушылықтар бойынша жағдайды бақылауға алуға, қылмыс деңгейін төмендету бойынша пәрменді шаралар қабылдауға;
7) Целиноград ауданының полиция бөлімінің желісі бойынша медициналық сараптама жүргізу үшін аудан орталығында зертхана салуға қатысты қызметтік жазба дайындау.
1) бюджет қаражаты есебінен үйлер салу кезінде бақылауды күшейту;
2) пәтер иелері кооперативтерінің қызметін талдауға, мүлік иелерінің бірлестігін немесе жай серіктестікті (МИБ, ЖМ) құруды жандандыруға;
3) қанағаттанарлықсыз жағдайдағы жолдарды бірінші кезекте жөндеу жөнінде шаралар қабылдауға міндетті.
Целиноград аудандық
мәслихатының төрағасы Л. Конарбаева