Оралбекұлы Дидар
1978 жылы 10 қазанда Шығыс Қазақстан облысы Қатон-Қарағай ауданы Еңбек ауылында дүниеге келген.
Еңбек жолын Шығыс Қазақстан облысы Қатон-Қарағай ауданы Қатон ауылында Рыков атындағы мектепте қазақ тілі және әдебиеті мұғалімі болып бастады. М. Әуезов атындағы Мемлекеттік университетін қазақ тілі және әдебиеті мамандығы бойынша бітірген.
Риддер қаласының «Шаңырақ» мектеп-гимназиясында қазақ тілі және әдебиеті мұғалімі болып жұмыс істеді.
2005-2006 жылдары - Риддер қаласы «Казцинк» жауапкершілігі шектеулі серіктестігі сервистік цехының аудармашысы.
2007-2008 жылдары - Риддер қаласы қалалық білім бөлімінің әдіскері.
2008-2009 жылдары - Риддер қаласы мемлекеттік тілді оқыту орталығының мұғалімі, әдіскері.
2008-2009 жылдары - Риддер қаласы Мәдениет сарайының жүргізушісі.
2009-2011 жылдары - Риддер қаласы «Жерұйық» газетінің редакторы.
2011 ж. - Риддер қаласы қалалық білім бөлімінің тілдер жөніндегі әдіскері.
2011-2013 жылдары - Риддер қаласының халық Достығы Үйінің директоры.
2013-2015 жылдары – «Нұр Отан» партиясының Шығыс Қазақстан облыстық филиалының кеңесшісі.
2015 жылдың тамыз айынан - Шығыс Қазақстан «Менің Өлкем» облыстық газетінің тілшісі.
2015-2021 жылдары – «Казанат» журналының шеф-редакторы.
2017 жылдан бастап қазіргі уақытқа дейін Ақмола облысы Целиноград ауданы Жаңажол ауылы негізгі мектебінің қазақ тілі мен әдебиеті пәнінің мұғалімі.
2018-2020 жылдары - Ақмола облысы Целиноград ауданы ішкі саясат бөлімінің баспасөз хатшысы болып жұмыс істеді.
2021 жылдың наурыз айынан бастап Целиноград ауданы мәслихаты хатшысының 2021 жылғы 1 наурыздағы № 03-03/17 өкімімен Целиноград ауданы Қоғамдық кеңесінің хатшысы лауазымына қабылданды.
Қоғамдық кеңес хатшысының өкілеттіктері («Қоғамдық кеңестер туралы» 2015 жылғы 2 қарашадағы Қазақстан Республикасы Заңының 12-бабының 2-тармағы):
1) Қоғамдық кеңестің отырыстарын дайындау мен өткізудің ұйымдастырушылық мәселелерін шешуді қамтамасыз етеді;
2) Қоғамдық кеңесте іс жүргізуді ұйымдастырады және жүргізеді, сондай-ақ Қоғамдық кеңес шешімдерінің орындалу мерзімдеріне бақылау жасайды.
Қоғамдық кеңестің хатшысы Қоғамдық кеңес мүшесі болып табылмайды.