Целиноград аудандық мәслихатының экономика және бюджет мәселелері жөніндегі тұрақты комиссиясының
ҚАУЛЫСЫ
Ақмол ауылы № 02-01/24 17 тамыз 2021 жыл
Целиноград ауданының елді
мекендерін санитарлық тазалау,
абаттандыру және көгалдандыру
жөніндегі жұмыстарды жүргізу
барысы туралы
«Целиноград ауданының тұрғын үй инспекциясы және коммуналдық шаруашылық бөлімі» мемлекеттік мекемесі басшысының міндетін атқарушы В.А. Асанбаевтың жоғарыда аталған мәселе бойынша ақпаратын тыңдай және талқылай отырып, Целиноград аудандық мәслихатының тұрақты комиссиялары ауылдық округ әкімдері, жергілікті қоғамдастықтармен, учаскелік полиция инспекторларымен, сондай-ақ кәсіпорындармен, мекемелермен және ұйымдармен бірлесіп, елді мекендерді абаттандыруды, көгалдандыруды және санитарлық тазартуды жақсарту, өмір сүруге қолайлы орта жасау жөнінде нақты шаралар қабылданып жатқандығын атап өтті.
Ауыл және ауылдық округ әкімдерінің өкімдерімен елді мекендерді абаттандыру және санитарлық тазарту жөніндегі айлықты өткізу жөніндегі іс-шаралар жоспары бекітіліп, әрбір елді мекенде мобильді топтар құрылды. Ауыл және ауылдық округ әкімдерінің есептеріне сәйкес, сәуір-мамыр айларында аула, көше аумағынан қатты-тұрмыстық қалдықтар полигонына қоқыс шығарылды, қоғамдық және тұрғын ғимараттар жөнделді және абаттандырылды, ағаштар мен бұталар отырғызылып, Ұлы Отан соғысында қаза тапқан жауынгерлерге ескерткіш орнатылды, қоғамдық қызметкерлердің қатысуымен автотрассаларды тұрмыстық қоқыстардан санитарлық тазарту жұмыстары жүргізілді. Осы іс-шараларды, сондай-ақ жолдардың жұмыс істеуін қамтамасыз ету жөніндегі іс-шараларды өткізуге «Қосшы-Қуат» шаруашылық жүргізу құқығындағы мемлекеттік коммуналдық кәсіпорнының, кәсіпкерлік субъектілерінің, сондай-ақ жеке кәсіпкерлердің техникасы тартылды. Ақмол ауылдық округінде аулалар мен көшелерден қоқыс шығаруды «Тазалық» жауапкершілігі шектеулі серіктестігі, Қараөткел ауылдық округінде «Досспецсервис» жауапкершілігі шектеулі серіктестігі, Қоянды ауылында жеке кәсіпкер «Нұрислам жүзеге асырады. Қабанбай батыр ауылдық округінде қоқысты қайта өңдеу бойынша жеке кәсіпкер «Баян» шағын зауыты жұмыс істейді (қатты-тұрмыстық қалдықтарды жинаумен және сұрыптаумен айналысады).
Приречное, Рахымжан Қошқарбаев, Родина, Софиевка, Қызылсуат ауылдық округтері елді мекендеріндегі көшелердің, аулалардың, әлеуметтік және өндірістік нысандардың жалпы жағдайы қанағаттанарлық.
Жаңаесіл ауылдық округінде ауылдық округ әкімдігінің бастамасымен ауыл тұрғындарының қолдауымен «Өзендерге таза жағалау» акциясы ұйымдастырылды. Есіл өзенінің жағалауы қоқыстан толықтай тазартылды. Рахымжан Қошқарбаев, Жарлыкөл, Арайлы, Софиевка ауылдық округтерінде өзендер мен көлдердің жағалауларын санитарлық тазарту, ағаш отырғызу жұмыстары жүргізілді.
Оразақ, Софиевка ауылдық округтерінде абаттандыру, санитарлық тазалау және көгалдандыру жұмыстарын ұйымдастыруға жергілікті қоғамдастық үлкен көмек көрсетеді, жаз мезгілінде Нұра өзенінің жағасынан қоқыстарды тазалау және шығару бойынша жұмыстар жүргізеді.
Софиевка ауылында 50 пирамида терек көшеттері отырғызылды, ағаш діңдері әктелді. Айлық кезінде 4 бірлік техника жұмылдырылып, ауыл аумағынан 10 640 тонна қоқыс шығарылды, 8 сенбілік өткізіліп, оған 693 адам қатысты.
Арайлы ауылдық округінде жол бойындағы қызмет көрсету нысандарын абаттандыру және көгалдандыру жұмыстары жүргізілді, жарнамалық қалқандар мен жол белгілері сәйкестікке келтірілді.
Қараөткел, Софиевка, Жарлыкөл, Тасты, Родина ауылдарындағы «Кәсіби қызмет көрсету», «Восход-Агро» жауапкершілігі шектеулі серіктестіктерінің, «Родина» Агрофирмасының техникаларын тарта отырып, зираттардың қоршауына санитарлық тазарту жүргізілді.
Қоянды ауылын санитарлық тазалау, абаттандыру және көгалдандыру шараларына мешіт қызметкерлері, қоғамдық қызметкерлер белсенді қатысуда. Күн сайын қоғамдық қызметкерлер қоқыс жинау жұмыстарын жүргізеді, ауыл аумағынан 65 тоннадан астам қоқыс шығарылды. Осы жұмыстарды жүргізуге 5 бірлік техника жұмылдырылды.
Ақмол ауылында 10 рұқсат етілмеген қоқыс орнын жою бойынша жұмыс жүргізілді, 1650 тоннадан астам қоқыс шығарылды. Көше-жол желісіне күрделі жөндеу жүргізіліп, жаяу жүргіншілер тротуары жасалды.
Родина ауылында «Родина» Агрофирмасы жауапкершілігі шектеулі серіктестігінің қаражаты есебінен 200-ден астам қарағай мен шырша отырғызылды.
Тасты ауылдық округінде дәрігерлік амбулаторияға кіретін топ пен аумақты абаттандыру жұмыстары жүргізілді. Бұл жұмыстар «АКА» жауапкершілігі шектеулі серіктестігінің қолдауымен жүргізілді, сондай-ақ Тастақ станциясында «TASQAZ COMPANY» жауапкершілігі шектеулі серіктестігімен 15 тонна көлемінде карьермен инертті материалмен көмек көрсетілді. Тасты және Ақмешіт ауылдарын жарықтандыру жөнделді. Тасты ауылында 5 бейнебақылау камерасы және Софиевка ауылының көшелері мен қоғамдық орындарында 4 бейнебақылау камерасы орнатылды.
Ауылдық округтердегі бірқатар ұйымдар мен кәсіпорындар іргелес аумақтар бойынша – өндірістік ғимараттарды, қоршауларды ақтау және сырлау, шөп шабу, әкімшілік ғимараттардың жанындағы гүлзарларды бөлу жұмыстарын жүргізді. Ауылдық округтер әкімдігінің қызметкерлері учаскелік полиция инспекторларымен бірлесіп шаруашылық кітаптары бойынша және үй құрылысына іргелес аумақты абаттандыру туралы түсіндіру жұмыстарын жүргізіп отырады.
Сонымен қатар, ауылдық округтердің ауылдары үшін тұрмыстық қатты қалдықтар полигондарын жайластыру проблемалық мәселе болып қалып отыр. Қоқыс үйінділеріне іргелес жатқан аумақтарды қалпына келтіру барлық жерде жүргізілмейді, нәтижесінде шығарылған қоқыс, тіпті аздаған жел болса да, ауылдардың шетін, егістіктерді, атмосфералық ауаны ластайды. Қазақстан Республикасының Экологиялық кодексіне сәйкес қатты тұрмыстық қалдықтарды жинауға, әкетуге, кәдеге жаратуға, қайта өңдеуге және көмуге аудан бойынша бірыңғай тариф әзірленбеген.
Ауылдық округтердің кейбір елді мекендерінде бос, ескірген ғимараттар бар, олар көшелерге жағымсыз көрініс беруде, бірақ оларды пайдалану немесе құрылыс қоқыстарын талдау және жою мәселесі проблемалық болып қала береді және іс жүзінде шешілмейді. Приречное ауылындағы спорт алаңының қоршауын жөндеу және Оразақ ауылындағы А.Тоқбаев көшесіндегі апатты екі қабатты үйдің және Жалғызқұдық ауылындағы «Красноярское» акционерлік қоғамының қараусыз қалған нысандарын жою талап етіледі. Тастақ станциясының шекарасында елді мекеннің белгі-көрсеткіші орнатылмаған. Ауданда елді мекендердің шекаралары барлық жерде белгіленбеген.
Арайлы ауылдық округінің Ынтымақ, Жайнақ ауылдары, Қосшоқы станциясындағы, Тасты ауылдық округінің Тасты, Ақмешіт ауылдары, Тастақ станциясындағы, Жаңаесіл ауылдық округінің Мортық, Қарамеңді батыр ауылдары, сондай-ақ Жалғызқұдық, Мәншүк, Шалқар, Оразақ, Өтеміс ауылдарындағы жолдарды жөндеу қажет. Сонымен қатар, Ақмол ауылында 15 көппәтерлі тұрғын үй салынып, пайдалануға берілген «Бақыт» шағын ауданында бүгінгі күні пәтер иелері кооперативі (меншік иелерінің бірлестігі) құрылмаған. Көше белгілері мен тұрғын үй нөмірі жоқ. Жалпы аудан бойынша көппәтерлі тұрғын үйлердің кондоминиумдары рәсімделмеген. Тиісінше, тұрғындар көп пәтерлі тұрғын үйге іргелес аумақта ешқандай жауапкершілік атқармайды.
Бүгінгі таңда аумағы стихиялық қоқыстарға айналған қараусыз қалған және қолданыстағы карьерлер үлкен проблема болып табылады. Бұл мәселені Оразақ, Қоянды ауылдарының тұрғындары көтереді. Бұл мәселені ауыл және ауылдық округ әкімдері шеше алмайды, әсіресе жұмыс істеп тұрған карьерлерге қатысты, мысалы, Оразақ ауылы, шығу тегі күмәнді карьерлер, машиналар сол жерден құм шығарады, оның орнына құрылыс қоқысы, тұрмыстық қатты қалдықтар әкелінеді.
Қоянды ауылында ауыл әкімдігінің ақпараты бойынша карьер ауыл мектебінен 500 метр қашықтықта орналасқан, 2013 жылға дейін «Сақан» жауапкершілігі шектеулі серіктестігіне тиесілі болған, пайдалану мерзімі өткеннен кейін қалпына келтіру жүргізілген жоқ. Нәтижесінде бұл карьер рұқсат етілмеген полигонға айналды. Карьер аумағын толығымен жабу үшін шамамен 15 миллион теңге қажет.
Жалпы қабылданған абаттандыру ережелерін бұзуға ауылдық округ әкімдіктерінің тарапынан тиісті бақылаудың болмауына байланысты жол беріліп отыр. Ауылдық округтердің жергілікті қоғамдастықтарының, Целиноград аудандық полиция бөлімі жергілікті полиция қызметінің учаскелік полиция инспекторларының рөлі жеткіліксіз, олар әкімшілік шараларды толық көлемде пайдаланбайды.
Жоғарыда баяндалғанның негізінде, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 15-бабына сәйкес, Целиноград аудандық мәслихатының тұрақты комиссиялары ҚАУЛЫ ЕТТІ:
1. «Целиноград ауданының тұрғын үй инспекциясы және коммуналдық шаруашылық бөлімі» мемлекеттік мекемесінің басшысы В.А. Асанбаевтың «Целиноград ауданының елді мекендерін санитарлық тазалау, абаттандыру және көгалдандыру жөніндегі жұмыстарды жүргізу барысы туралы» мәселесі жөніндегі ақпараты назарға алынсын.
2. «Целиноград ауданының тұрғын үй инспекциясы және коммуналдық шаруашылық бөлімі» мемлекеттік мекемесіне (В. Асанбаев) ұсынылсын:
1) Қазақстан Республикасының 2021 жылғы 2 қаңтардағы Экологиялық кодексінің 365-бабына сәйкес «Тұрмыстық қатты қалдықтарды жинауға, әкетуге, кәдеге жаратуға, қайта өңдеуге және көмуге арналған тарифтерді бекіту туралы» нормативтік-құқықтық актінің жобасын әзірлесін және оны аудандық мәслихаттың бекітуіне енгізсін;
2) қатты-тұрмыстық қалдықтар полигондарын сәйкестікке келтіру және заңды тіркеу жөніндегі жұмысты бақылауға алсын және жүргізсін;
3) Ақмол ауылының «Бақыт» шағын ауданында пәтер иелерінің кооперативін (мүлік иелерінің бірлестігі) ұйымдастырсын және құрсын;
4) ауданда көп қабатты тұрғын үйлердің тұрғындарымен кондоминиумдарды тіркеу және ресімдеу жұмыстарын жүргізсін.
3. «Целиноград ауданының жер қатынастары бөлімі», «Целиноград ауданының экономика және қаржы бөлімі», «Целиноград ауданының құрылыс бөлімі» мемлекеттік мекемелерінің басшыларына ұсынылсын:
1) елді мекендердің әкімшілік шекараларын белгілеу, соның ішінде осы мақсаттарға ақшалай қаражат бөлу жөніндегі жұмысты жандандырсын;
2) аудан аумағында биотермиялық шұңқырларға (Беккари шұңқырларына) арналған арнайы бөлінген аумақты бөлу және ресімдеу жөніндегі жұмысты жандандырсын;
3) Қоянды ауылындағы мектеп жанындағы карьерді қалпына келтіру үшін қаражат іздестірсін.
4. «Целиноград ауданының кәсіпкерлік және өнеркәсіп бөлімі» (Е. Жолымбетов), «Целиноград ауданының жер қатынастары бөлімі» (А. Нұртазин), «Целиноград ауданының ауыл шаруашылығы бөлімі» (Н. Дулатов) мемлекеттік мекемелерінің басшыларына, Целиноград ауданы әкімі аппаратының ауыл шаруашылығы мақсатындағы жерлердің пайдаланылуын бақылау және қорғау жөніндегі бас инспекторына (Ж. Тұрмұхамбетов) ұсынылсын:
1) аудан аумағында жұмыс істеп тұрған барлық карьерлерге құм өндіру заңдылығын сақтау және уақытылы қалпына келтіру мәніне мониторинг жүргізсін;
2) ауыл және ауылдық округ әкімдерімен бірлесіп, құм және басқа да пайдалы қазбаларды өндіру карьерлерінің аумағында тұрмыстық қатты қалдықтарды шығару фактілерінің жолын кессін.
5. Ауыл және ауылдық округ әкімдеріне ұсынылсын:
1) қоқыстың таралуына жол бермеу, рұқсат етілмеген апатты қоқыстардың пайда болуына жол бермеу мақсатында қатты тұрмыстық қалдықтарды үй иеліктері аумағынан және өндіріс нысандарынан уақытылы шығаруға тұрақты бақылауды жүзеге асырсын;
2) ауылдық округ аумағында тіркелген және жұмыс істейтін шаруашылық жүргізуші субъектілердің, кәсіпорындар мен ұйымдардың басшыларымен бірлесе отырып, жергілікті қоғамдастық жиналысының қолдауымен тұрмыстық қатты қалдықтарды шығаруды және полигондарды жайластыруды ұйымдастыру, құрылыс қоқыстарын аумақтардан шығару жөніндегі мәселелерді шешсін; осы мәселелер бойынша олармен тиісті шарттар жасалсын;
3) тұрмыстық қатты қалдықтарды жинау және кәдеге жарату (цехтар мен өзге де кәсіпорындар ашу) саласында кәсіпкерлікті дамыту жөніндегі мәселені зерделеу және осы мәселе бойынша нақты ұсыныстарды аудан әкімдігінің қарауына енгізсін;
4) жазғы маусым кезеңінде тұрғындардың демалатын және шомылатын орындарын (скверлерді, көлдер мен өзендердің жағалауларын) үнемі санитарлық тазалауды ұйымдастырсын;
5) Целиноград ауданының әкімдігіне елді мекендерді абаттандыру, көгалдандыру және санитарияны қамтамасыз ету жөніндегі іс-шараларды өткізуге (көшелерді жарықтандыру, кентішілік жолдарды жөндеу, қаңғыбас иттерді аулау және басқалар) аудандық бюджеттен, ауылдық округтердің бюджеттерінен қаржы қаражатын бөлу бойынша нақты ұсыныстар (өтінімдер) дайындасын және енгізсін, бұл ретте бөлінген қаражаттың уақытылы және сапалы орындалуын қамтамасыз етсін;
6) ауылдық округтердің жергілікті қоғамдастықтарымен бірлесіп, қоғамдық жерлеу орындарын абаттандыру және күтіп-ұстау, олардың теңгерім ұстаушысын айқындау, сондай-ақ жерлеуді есепке алу мен тіркеуді жүргізу, зираттарды күтіп-ұстау ісін ұйымдастыру жөніндегі іс-шараларды ұйымдастырсын, қажет болған жағдайда бұл мәселені Целиноград ауданының Қоғамдық кеңесінің талқылауына енгізсін;
7) бұзылған ғимараттарды талдау және аумақтардан құрылыс қоқыстарын шығару бойынша қосымша іс-шаралар ұйымдастырылсын, осы мәселе бойынша халықпен тиісті түсіндіру жұмыстары жүргізілсін.
6. Осы қаулының орындалу барысы туралы ақпарат 2021 жылғы 1 қазанға Целиноград аудандық мәслихатына жолдансын.
7. Осы қаулының орындалуын бақылау Целиноград аудандық мәслихатының экономика және бюджет мәселелері жөніндегі тұрақты комиссиясының төрайымына (И. Сәденова) жүктелсін.
8. Осы қаулы қол қойылған күнінен бастап қолданысқа енгізіледі.
Целиноград аудандық
мәслихаты тұрақты
комиссиясының
төрайымы И. Сәденова