2021 жылғы 15 Қаңтарда VII шақырылған Бурабай аудандық мәслихаттың бірінші сессиясы өтті. Сессия төрағасы сайланғанға дейін сессияны Бурабай аудандық сайлау комиссиясының төрайымы - Әсия Жасқайратқызы Күштаева жүргізді. Сессия барысында сайлау қорытындылары туралы ақпарат тыңдалып, аудандық мәслихатта "Nur Otan" партиясының депутаттық фракциясы тіркелді. Бурабай аудандық мәслихатының хатшысы болып М.Б. Нұрпанова сайланды, сондай-ақ тұрақты комиссиялар құрылып, олардың құрамы мен төрағалары сайланды. Сессия соңында аудандық мәслихаттың жаңадан сайланған депутаттарына белгілер мен куәліктер табыс етілді. Бурабай ауданының экономика бөлімінің басшысы Тналинова Гульбану Аймурановна "Nur Otan" партиясының сайлауалды бағдарламасы негізінде 2025 жылға дейін аумақтарды дамыту бағдарламасы туралы" ақпаратпен таныстырды.