2023-2025 жылдарға арналған аудандық бюджет туралы

Қазақстан Республикасының Бюджет кодексi 9-бабының 2-тармағына,  «Қазақстан  Республикасындағы жергiлiктi мемлекеттiк басқару және өзiн-өзi басқару туралы» Қазақстан Республикасының Заңының 6-бабы 1-тармағының 1) тармақшасына сәйкес, Бурабай аудандық мәслихаты ШЕШТІ:        

  1. 2023–2025 жылдарға арналған облыстық бюджет тиісінше 1, 2 және 3 қосымшаларға сәйкес, оның ішінде 2023 жылға келесі көлемдерде бекітілсін:

1) кірістер – 13782952,0 мың теңге, оның ішінде:

салықтық түсімдер – 4444686,0 мың теңге;

салықтық емес түсімдер – 63575,0 мың теңге;

негізгі капиталды сатудан түсетін түсімдер – 52185,0 мың тенге;

трансферттер түсімдері – 9222506,0 мың теңге;

2) шығындар – 15050554,0 мың теңге;

3) таза бюджеттік  кредиттеу – 52630,0 мың теңге, оның ішінде:

бюджеттiк кредиттер – 82800,0 мың теңге;

бюджеттік кредиттерді өтеу – 30170,0 мың теңге;

4) қаржы активтерiмен операциялар бойынша сальдо – 0 мың теңге;

5) бюджет тапшылығы (профициті) – -1320232,0 мың теңге;

6) бюджет тапшылығын қаржыландыру (профицитті пайдалану) – 1320232,0 мың теңге.

  1. Аудандық (облыстық маңызы бар қалалардың) бюджетке және Щучинск қаласының, Бурабай кентінің және ауылдық округтердің бюджеттеріне кірістерді бөлу нормативтері мынадай мөлшерде ескерілді:

1) аудандық (облыстық маңызы бар қалалардың) бюджетке ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша – 50 %;

2) аудандық (облыстық маңызы бар қалалардың) бюджетке төлем көзінен салық салынбайтын шетелдік азаматтар табыстарынан ұсталатын жеке табыс салығы бойынша – 100 %;

3) аудандық (облыстық маңызы бар қалалардың) бюджетке әлеуметтік салық бойынша – 100 %;

4) Щучинск қаласының, Бурабай кентінің және ауылдық округтердің бюджеттеріне төлем көзінен салық салынбайтын табыстардан алынатын жеке табыс салығы бойынша - 100 %.

  1. 2023 жылға арналған аудандық бюджетте 375544,0 мың теңге сомасында Щучинск қаласының бюджетінен және 9480,0 мың теңге Бурабай кентінің бюджетінен бюджеттік алып қоюлар қарастырылғаны ескерілсін.
  2. 2023 жылға арналған аудандық бюджетте 211100,0 мың теңге сомасында аудандық бюджеттен ауылдық округтердің бюджеттеріне берілетін субвенциялар көлемі қарастырылғаны ескерілсін, соның ішінде:

Абылайхан ауылдық округіне 20633,0 мың теңге;

Веденов ауылдық округіне 27071,0 мың теңге;

Зеленобор ауылдық округіне 27669,0 мың теңге;

Златополье ауылдық округіне 25658,0 мың теңге;

Қатаркөл ауылдық округіне 19508,0 мың теңге;

Кенесары ауылдық округіне 20730,0 мың теңге;

Атамекен ауылдық округіне 24426,0 мың теңге;

Ұрымқай ауылдық округіне 20197,0 мың теңге;

Успеноюрьев ауылдық округіне 25208,0 мың теңге.

  1. 2023 жылға арналған аудандық бюджет кірістерінің құрамында республикалық және облыстық бюджеттен берілетін нысаналы трансферттер және бюджеттік кредиттер 4-қосымшаға сәйкес ескерілсін.

Нысаналы трансферттердің көрсетiлген сомаларын бөлу аудан әкiмдiгiнің қаулысымен анықталады.

  1. 2023 жылға арналған аудандық бюджеттің шығыстарының құрамында ауылдық бюджеттерге 5-қосымшаға сәйкес нысаналы трансферттердің көзделгені ескерiлсiн.

Нысаналы трансферттердің көрсетiлген сомаларын бөлу аудан әкiмдiгiнің қаулысымен анықталады.

  1. 2023 жылға арналған аудандық жергілікті атқарушы органының резерві 62269,0 мың теңге сомасында бекітілсін.
  2. Бурабай ауданының азаматтық қызметшілері болып табылатын және ауылдық жерлерде жұмыс істейтін әлеуметтік қамсыздандыру, мәдениет, спорт саласындағы мамандарға қалалық жағдайларда осы қызмет түрлерімен айналысатын азаматтық қызметшілердің жалақылары мен мөлшерлемелерімен салыстырғанда жиырма бес пайызға жоғарылатылған лауазымдық жалақылар мен тарифтік мөлшерлемелер қарастырылсын.
  3. Осы шешiм 2023 жылғы 1 қаңтардан бастап қолданысқа енгiзiледi.

 

Бурабай аудандық мәслихатының хатшысы                   М. Нұрпанова   

 

приложения
Дата публикации
14 декабря 2022