Мәслихаттарды тиісті әкімшілік-аумақтық бірліктердің халқы жалпыға бірдей, тең, төте сайлау құқығы негізінде жасырын дауыс беру арқылы бес жыл мерзімге сайлайды.
Мәслихат депутаты болып жиырма жасқа толған Қазақстан Республикасының азаматы сайлана алады. Қазақстан Республикасының азаматы бір ғана мәслихаттың депутаты бола алады.
Мәслихат оның депутаттары жалпы санының Қазақстан Республикасының Орталық сайлау комиссиясы айқындайтын кемінде төрттен үш бөлігі сайланған жағдайда құзыретті болып табылады.
Мәслихат депутаттарын сайлау Қазақстан Республикасының сайлау туралы заңнамасымен реттеледі.