«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 8-бабы 3-тармағының 5) тармақшасына, Қазақстан Республикасы Президентінің 2013 жылғы 3 желтоқсандағы № 704 «Мәслихаттың үлгі регламентін бекіту туралы» Жарлығына сәйкес аудан мәслихаты ШЕШТІ:
«Таран аудандық мәслихатының Регламентін бекіту туралы» аудан
мәслихатының 2018 жылғы 24 тамыздағы № 219 шешімі;
«Таран аудандық мәслихатының Регламентін бекіту туралы» аудан мәслихатының 2018 жылғы 24 тамыздағы № 219 шешіміне өзгерістер енгізу туралы» мәслихаттың 2019 жылғы 16 шілдедегі № 285 шешімі;
мәслихаттың 2021 жылғы 13 тамыздағы № 44 «Бейімбет Майлин ауданы
мәслихатының Регламентін бекіту туралы» мәслихаттың 2018 жылғы 24 тамыздағы № 219 шешіміне өзгерістер енгізу және толықтыру туралы» шешімі;
мәслихаттың 2022 жылғы 25 қаңтардағы № 91 «Бейімбет Майлин ауданы мәслихатының Регламентін бекіту туралы» мәслихаттың 2018 жылғы 24 тамыздағы № 219 шешіміне өзгеріс енгізу туралы» шешімі;
Аудан мәслихатының хатшысы С. Сапабеков
Мәслихаттың
2022 жылғы 28 желтоқсан
№ 159 шешімімен
бекітілген
Бейімбет Майлин аудан мәслихаттың регламенті
Мәслихат сессиясы, егер оған мәслихат депутаттары жалпы санының кемінде үштен екісі қатысса, заңды болады. Сессия осы тармақтың бесінші бөлігінде көрсетілген жағдайларды қоспағанда, мәслихаттың техникалық мүмкіндіктерін ескере отырып, интернет-ресурста онлайн-трансляция ұйымдастыра отырып, жалпы отырыстар нысанында өткізіледі.
Сессия жұмысында мәслихаттың шешімі бойынша мәслихат белгілеген, бірақ күнтізбелік он бес күннен аспайтын мерзімге үзіліс жасалуы мүмкін. Сессияның ұзақтығын мәслихат айқындайды.
Мәслихаттың әрбір отырысының алдында қатысып отырған депутаттарды тіркеу жүргізіледі, оның нәтижелерін мәслихат төрағасы отырыстар басталар алдында жария етеді.
Мәслихат сессиясы, әдетте, ашық сипатта болады. Жабық сессияларды өткізуге мәслихат төрағасының немесе мәслихат сессиясына қатысып отырған депутаттар санының үштен бірінің ұсынысы бойынша қабылданатын мәслихаттың шешімі бойынша, егер оған қатысып отырған депутаттар жалпы санының көпшілігі дауыс берсе, жол беріледі.
Төтенше жағдай режимі жарияланған немесе төтенше жағдайлар мен олардың зардаптарын шектеу шараларын, оның ішінде карантинді енгізу кезеңіне жою кезінде сессия бейне-конференц-байланыс немесе өзге де байланыс құралдары арқылы өткізілуі мүмкін.
Дауыс беру жүзеге асырылады:
1) дауыстарды санаудың электрондық жүйесін пайдалана отырып, ол болған кезде;
2) қолды көтеру;
3) бюллетеньдерді пайдалану.
Дауыс беруді өткізу үшін депутаттардың қажетті саны болмаған кезде мәслихат төрағасы не оны алмастыратын адам кворумды қамтамасыз етуге шаралар қабылдайды. Кворумды қамтамасыз ету мүмкін болмаған кезде төрағалық етуші дауыс беруді мәслихаттың келесі отырысына ауыстырады.
Өткізілген дауыс беру рәсімі мен техникасында қателер анықталған кезде мәслихаттың шешімі бойынша қайта дауыс беру жүргізіледі.
Барлық мәселелер бойынша дауыс беру нәтижелерін мәслихат төрағасы немесе оны алмастыратын адам дауыс беруге қатысқандардың, "жақтап", "қарсы" дауыс бергендердің, қалыс қалғандардың саны және дауыс беру қорытындысы көрсетіле отырып жариялайды. Деректер мәслихат отырысының хаттамасына енгізіледі.
Мәслихаттың бұрын қабылданған шешімдерінің күшін жою, оларға өзгерістер мен толықтырулар енгізу олар қабылданғандай дауыс беру жолымен жүргізіледі.
Мәслихат кезекті сессияларды сессияда өткізуді жоспарлайды.
Кезектен тыс сессия кезектен тыс сессияны өткізу туралы шешім қабылданған күннен бастап бес жұмыс күнінен кешіктірілмей шақырылады. Кезектен тыс сессияда оны шақыруға негіз болған мәселелер ғана қаралады.
Ақпарат аудандық мәслихаттың интернет-ресурсында сессияға дейін он күннен кешіктірілмей, ал кезектен тыс сессия шақырылған жағдайда – үш күннен кешіктірілмей орналастырылуға тиіс.
Сессияның қарауына енгізілетін мәселелер бойынша мәслихат төрағасы сессияға дейін бес күннен кешіктірмей, ал кезектен тыс сессия шақырылған жағдайда үш күннен кешіктірмей депутаттар мен әкімге қажетті материалдарды қағаз немесе электрондық түрде ұсынады.
Сессияның күн тәртібіне ұсыныстарды мәслихат төрағасына жергілікті қоғамдастық жиналыстары, қоғамдық бірлестіктер ұсына алады.
Сессияны талқылау кезінде оның күн тәртібі толықтырылуы және өзгертілуі мүмкін. Мәслихат сессияның күн тәртібін бекіту туралы шешім қабылдайды.
Күн тәртібі бойынша дауыс беру әрбір мәселе бойынша бөлек өткізіледі. Егер мәслихат депутаттарының көпшілігі дауыс берсе, мәселе күн тәртібіне енгізілген болып есептеледі.
15.Мәслихат отырысына шақырылған адамдар үшін мәжіліс залында арнайы орындар бөлінеді. Шақырылған адамдардың мәслихат сессиясының жұмысына араласуына, мәслихат сессиясының шешімдерін мақұлдауына немесе мақұлдамауына жол берілмейді.
Шақырылған адам тәртіпті өрескел бұзған жағдайда мәслихат төрағасының шешімі немесе сессияға қатысып отырған депутаттардың көпшілігінің талабы бойынша мәжіліс залынан шығарылуы мүмкін.
Мәслихат төрағасы өз бастамасы немесе депутаттардың дәлелді ұсынысы бойынша үзіліс жариялай алады. Жалпы отырыстың соңында депутаттардың қысқаша мәлімдемелері мен хабарламалары бар сөз сөйлеуі үшін уақыт бөлінеді, олар бойынша жарыссөз ашылмайды.
Мәслихат депутаты бір мәселе бойынша екі реттен артық сөйлей алмайды. Депутаттық сауалдар, сұрақтарға түсініктемелер мен жауаптар беру үшін сөз сөйлеу жарыссөзде сөз сөйлеу болып саналмайды. Сөз сөйлеу құқығын басқа депутатқа беруге жол берілмейді.
Жарыссөз сессияға қатысып отырған депутаттардың көпшілігінің ашық дауыс беруімен тоқтатылады. Жарыссөзді тоқтату туралы мәселе қойылған кезде мәслихат төрағасы жазылғандар мен сөз сөйлеген депутаттардың саны туралы хабардар етеді, сөз беруді кім талап ететінін анықтайды.
Баяндамашыларға сұрақтар жазбаша немесе ауызша беріледі. Жазбаша мәселелер мәслихат төрағасына беріледі және мәслихат отырысында жария етіледі.
Барлық қажетті материалдарды қоса бере отырып, қарауға қабылданған шешімдердің жобаларын мәслихат төрағасы ұсыныстарды қарау және дайындау үшін тұрақты комиссияларға жібереді.
Аудандық бюджет туралы шешімнің жобасын дайындау осы Регламенттің 29-тармағында көзделген тәртіппен жүзеге асырылады.
Шешімдер жобаларында жұмыс істеу және басқа мәселелерді дайындау үшін тұрақты комиссиялар жұмыс топтарын құра алады. Қажет болған жағдайда жұмыс тобының құрамына басқа тұрақты комиссияның депутаттары тартылуы мүмкін. Жұмыс тобының жұмысына кез келген депутат қатыса алады.
Қазақстан Республикасының заңнамасында көзделген жағдайларда жергілікті атқарушы органның ұсынуы бойынша мәслихат онымен бірлескен шешім қабылдайды.
Шешімдердің жобаларына жауапты комиссияның (жұмыс тобының) немесе депутаттық фракцияның баяндамасында шешімдердің жобаларына енгізілген және қабылданбаған ұсыныстар көрсетіледі, түзетулерді қабылдау немесе қабылдамау себептері дәлелденеді.
Қосымша баяндаманың ережелерімен немесе шешімдер жобалары бойынша қорытындылармен келіспейтін тұрақты комиссиялар, комиссияның және жұмыс топтарының жекелеген мүшелері қаралып отырған мәселе бойынша жалпы жарыссөз басталғанға дейін өз пікірлерін баяндай алады.
Мәслихаттың рәсімдік мәселелер жөніндегі шешімдері отырысқа қатысып отырған депутаттардың көпшілік даусымен жеке шешім қабылданбай, хаттамалық түрде ашық дауыс беру арқылы қабылданады және отырыстың хаттамасында тіркеледі.
Отырысты өткізу тәртібі, мәселелерді талқылау кезектілігі, жарыссөзді тоқтату, сөз сөйлеу уақытын шектеу немесе ұзарту, дауыс беру тәсілдері, кворумды куәландыру және дауыстарды қайта санау, бұрын қабылданған шешімдерге қайта оралу және (немесе) қаралатын мәселелер бойынша қайта дауыс беруді өткізу туралы мәселелер рәсімдік болып табылады.
Барлық енгізілген шешімдер жобалары дауыс беруге қойылады. Жобалардың бірі негіз ретінде қабылданғаннан кейін депутаттар оған түзетулер қабылдау рәсіміне кіріседі.
1) мәслихат шешімінің ұсынылған (пысықталған) жобасы негіз ретінде қабылданады, ал ол қабылданбаған кезде түзетулер бойынша одан әрі дауыс беру тоқтатылады;
2) дауыс беруге негізге алынған жобаға енгізілмеген түзетулер кезекпен қойылады;
3) сессияның шешімі қабылданған түзетулер ескеріле отырып, тұтастай дауыс беруге қойылады. Шешімдердің қабылданбаған жобалары және оларға түзетулер бойынша ағымдағы сессияда қайта дауыс беруге жол берілмейді.
Мәслихат шешімдеріне өзгерістер оларды қабылдау үшін белгіленген тәртіппен енгізіледі.
Сессиялардың хаттамалары сессиядан кейін бір айдан кешіктірілмей басылады және заңнамада белгіленген тәртіппен сақталады.
Шығыстарды ұлғайтуды немесе жергілікті бюджет кірістерін қысқартуды көздейтін жергілікті өкілді орган шешімдерінің жобалары әкімнің оң қорытындысы болған кезде ғана мәслихаттың қарауына енгізілуі мүмкін.
Мәслихат төрағасы бюджет жобасы келіп түскен күннен бастап екі жұмыс күні ішінде тиісті комиссиялардың атына бюджет жобасы бойынша қорытынды дайындау үшін қажетті мерзімдерді көрсете отырып, тапсырма жібереді.
Тұрақты комиссиялар мәслихаттың уақытша комиссиясының пікірін ескере отырып, тиісті негіздемелермен, есептермен бюджет жобасы бойынша ұсыныстар әзірлейді және оларды тиісті аумақтың бюджет жобасы бойынша ұсыныстарды жинақтауды және қорытынды дайындауды жүзеге асыратын бейінді тұрақты комиссияға жібереді.
Бюджеттік жоспарлау жөніндегі жергілікті уәкілетті орган сессия басталғанға дейін екі аптадан кешіктірмей мәслихат төрағасына барлық қажетті материалдарды қоса бере отырып, бюджет туралы шешім жобасының түпкілікті нұсқасын ұсынады.
Аудан бюджетті облыстық бюджетті бекіту туралы облыстық мәслихаттың шешіміне қол қойылғаннан кейін екі апта мерзімнен кешіктірмей мәслихат бекітеді. Ауылдар мен ауылдық округтердің бюджеттерін аудандық бюджетті бекіту туралы аудандық мәслихаттың шешіміне қол қойылған күннен бастап қаржы жылының соңына дейін аудандық мәслихат бекітеді.
Ауылдар мен ауылдық округтердің бюджеттерін аудандық мәслихаттың жекелеген шешімдерімен бекітуге жол беріледі.
Мәслихат төрағасы не оны алмастыратын адам сөз сөйлегеннен кейін аудан әкімі Бейімбет Майлинге сөз беріледі.
Әкімнің баяндамасында тиісті әкімшілік-аумақтық бірліктің өткен жылдағы әлеуметтік-экономикалық дамуы, ауданның даму бағдарламаларының негізгі көрсеткіштеріне қол жеткізу, ауданның одан әрі дамуының міндеттері мен негізгі бағыттары, ауданның әлеуметтік-экономикалық дамуының басымдықтарын айқындау бөлігінде жергілікті бюджет жобаларын қалыптастыру процесі туралы мәліметтер қамтылуға тиіс.
Есептен кейін депутаттар сұрақтар қоюға және оларға жауап алуға, өз пікірін айтуға құқылы.
Әкімнің (оның міндетін атқарушы адамның) өзіне жүктелген функциялар мен міндеттердің орындалуы туралы есебі және ол бойынша шешімнің жобасы тиісті сессияға дейін үш апта бұрын мәслихаттың қарауына енгізіледі.
34.Отырыс аяқталғаннан кейін мәслихат төрағасы не оны алмастыратын адам дауыс беруге сұрақ қояды:
1)әкімнің (оның міндетін атқарушы тұлғаның) есебін бекіту туралы;
2)есепті қабылдамау және оны қайта тыңдау қажеттілігі туралы.
Әкімнің (оның міндетін атқарушы тұлғаның) есебін қайта тыңдау қабылданбаған күннен бастап 10 жұмыс күнінен кешіктірілмей жүзеге асырылады.
Әкімнің (оның міндетін атқарушы тұлғаның) пысықталған есебі мәслихатқа қабылданбаған күннен бастап 5 жұмыс күнінен кешіктірілмей енгізіледі.
1) әкім ұсынған аумақты дамыту жоспарларының, экономикалық және әлеуметтік бағдарламаларының, жергілікті бюджеттің орындалуы туралы есептерді мәслихаттың екі рет бекітпеуі;
2) жергілікті қоғамдастық жиналысының ауыл және ауылдық округ әкімін қызметтен босату туралы мәселеге бастамашылық жасауы.
Ауыл және ауылдық округ әкімін қызметтен босату туралы мәселеге бастамашылық жасау Заңның 39-3-бабына сәйкес жергілікті қоғамдастық жиналысының хаттамасымен расталады.
Мәслихат төрағасы жылына кемінде бір рет мәслихаттың кезекті сессияларында мәслихат қызметін ұйымдастыру бойынша атқарылған жұмыс, депутаттық сауалдар мен депутаттық өтініштерді қарау барысы, сайлаушылардың өтініштері және олар бойынша қабылданған шаралар, мәслихаттың жергілікті өзін-өзі басқарудың өзге органдарымен өзара іс-қимылы, мәслихат аппаратының қызметі туралы есеп береді.
Мәслихаттың тұрақты комиссиялары мен өзге де органдарының төрағалары жылына кемінде бір рет мәслихаттың кезекті сессияларында жүктелген функциялар мен өкілеттіктердің орындалуы туралы есеп береді.
Мәслихат төрағасын не оны алмастыратын адамды не халық алдында тұрақты комиссиялар төрағасын тыңдау күн тәртібі бойынша тиісті аумақ әкімінің қысқаша кіріспе сөзінен басталады.
Тиісті аумақ әкімінен кейін сөз мәслихат төрағасына не оны алмастыратын адамға не тұрақты комиссиялардың төрағасына беріледі.
Есептен кейін халық сұрақтар қоюға және оларға жауап алуға, хаттамаға енгізілетін өз пікірін айтуға құқылы.
Есепті кездесулердің хаттамаларын мәслихат аппаратының басшысы дайындайды және оған мәслихат төрағасы не оны алмастыратын адам не тұрақты комиссияның төрағасы қол қояды.
Депутатқа депутаттық сауалға жауап бойынша өз пікірін білдіруге мүмкіндік беріледі. Прокурорға жолданған депутаттық сауалдар қылмыстық қудалауды жүзеге асырумен байланысты бола алмайды.
Ұсынылған кандидатуралардың саны шектелмейді. Үміткерлер өздерінің алдағы іс-әрекеттерінің үлгілі бағдарламаларын ұсынады. Егер ашық немесе жасырын дауыс беру нәтижесінде мәслихат депутаттары жалпы санының көпшілік даусын алса, Кандидат мәслихат төрағасы лауазымына сайланды деп есептеледі.
Егер мәслихат төрағасының лауазымына екіден артық кандидатура ұсынылса және олардың ешқайсысы сайлау үшін талап етілетін дауыс санын алмаса, ең көп дауыс алған екі кандидатура бойынша қайта дауыс беру жүргізіледі.
Егер қайта дауыс беру кезінде осы кандидаттардың ешқайсысы депутаттардың жалпы санының жартысынан астамын жинамаса, қайта сайлау өткізіледі.
Мәслихат төрағасы мәслихат өкілеттігі мерзіміне сайланады.
Мәслихат төрағасы өкілеттіктерді Заңға және осы Регламентке сәйкес жүзеге асырады.
48.Мәслихат төрағасының мәслихаттың тұрақты комиссияларында болуға құқығы жоқ. Мәслихат төрағасының өкілеттігі мерзімінен бұрын тоқтатылған кезде жаңа төрағаны сайлау Заңда және осы Регламентте белгіленген тәртіппен жүргізіледі.
Әрбір тұрақты комиссияның тізбесі, саны және құрамы жеке-жеке дауысқа салынады. Олардың сандық және дербес құрамын мәслихат төрағасының ұсынысы бойынша мәслихат айқындайды.
Тұрақты комиссиялардың саны жетіден аспауға тиіс.
Тұрақты комиссиялар жұмыс топтарын құра алады.
52.Тұрақты комиссиялар мәслихаттың өз бастамасы немесе шешімі бойынша Жария тыңдаулар өткізе алады.
Жария тыңдаулар депутаттардың, атқарушы органдардың, жергілікті өзін-өзі басқару органдарының, ұйымдардың, бұқаралық ақпарат құралдарының, азаматтардың қатысуымен осы комиссиялардың кеңейтілген отырыстары нысанында тұрақты комиссиялардың қарауына жатқызылған неғұрлым маңызды және қоғамдық маңызы бар мәселелерді талқылау мақсатында өткізіледі.
Жария тыңдаулар өткізу үшін депутаттар қатарынан жұмыс тобы құрылады. Тыңдауларды дайындау үшін өзге мемлекеттік органдар мен ұйымдардың мамандары тартылуы мүмкін.
Тұрақты комиссия бұқаралық ақпарат құралдары арқылы Жария тыңдаулар өткізілгенге дейін бір ай бұрын алдағы жария тыңдаулардың тақырыбын, күнін және уақытын халықтың назарына жеткізеді.
Қоғамдық тыңдауға тұрақты комиссия мүдделі мемлекеттік органдардың, жұртшылықтың, бұқаралық ақпарат құралдарының өкілдерін шақырады. Жария тыңдауларға басқа тұрақты комиссиялардың мәслихат депутаттары қатыса алады.
Жария тыңдауларда тұрақты комиссия депутаты сөз сөйлегеннен кейін сұрақтарға жауап беруге уақыт бөлінеді.
Комиссия депутатының баяндамасына сөз сөйлеу қорытындысы бойынша келіп түскен ұсыныстар мен ескертулер Жария тыңдаулар хаттамасына енгізіледі.
Жария тыңдаулар хаттамасын мәслихат аппаратының қызметкері дайындайды және жария тыңдауларға төрағалық еткен депутат қол қояды.
Тұрақты комиссиялардың отырыстары қажеттілігіне қарай шақырылады және олардың мүшелерінің жалпы санының жартысынан астамы қатысқан кезде заңды болып саналады.
Тұрақты комиссияның қаулысы комиссия мүшелерінің жалпы санының көпшілік даусымен қабылданады.
Тұрақты комиссияның қаулысы мен отырыстың хаттамасына оның төрағасы, ал бірнеше тұрақты комиссиялардың бірлескен отырысы өткізілген жағдайда – тиісті комиссиялардың төрағалары қол қояды.
Егер мәслихаттың тұрақты комиссиясының төрағасы лауазымына екіден астам кандидатура ұсынылса және олардың ешқайсысы сайлау үшін талап етілетін дауыс санын алмаса, ең көп дауыс алған екі кандидатура бойынша қайта дауыс беру жүргізіледі.
Егер қайта дауыс беру кезінде осы кандидаттардың ешқайсысы депутаттардың жалпы санының жартысынан астамын жинамаса, қайта сайлау өткізіледі.
Егер комиссия отырысында дауыс беру кезінде депутаттардың дауыстары тең бөлінген жағдайда, тұрақты комиссияның төрағасы шешуші дауыс құқығын пайдаланады.
Мәслихат ашық дауыс беру арқылы депутаттар арасынан есеп комиссиясының құрамын тақ санда сайлайды.
Мәслихат осы комиссияның құрамына мәслихат аппаратының, мемлекеттік органдардың және басқа да ұйымдардың қызметкерлерін қосуға құқылы.
Есеп комиссиясы өз құрамынан комиссияның төрағасы мен төрағасын сайлайды, оның шешімдері ашық дауыс беру кезінде көпшілік дауыспен қабылданады.
Ашық дауыс беру басталар алдында мәслихат төрағасы дауыс беруге қойылатын ұсыныстардың санын көрсетеді, олардың тұжырымдарын оқиды.
Жасырын дауыс беру уақыты мен орнын, оны өткізу тәртібін есеп комиссиясы белгілейді және оны есеп комиссиясының төрағасы жариялайды.
Бюллетеньдер тікелей дауыс беру алдында беріледі, олар отырысқа қатысып отырған депутаттар санына тең мөлшерде ол белгілеген нысан бойынша есеп комиссиясының бақылауымен дайындалады және оған есеп комиссиясының төрағасы қол қояды.
Әрбір депутатқа есеп комиссиясының төрағасы қол қойған бір бюллетень беріледі. Бюллетеньдердің жалпы саны мәслихат депутаттарының тізімдік құрамының санынан аспауға тиіс.
Жасырын дауыс беруге арналған бюллетеньдер мәслихат депутаттарына олар депутат куәлігін ұсынғаннан кейін беріледі.
Белгіленбеген нысандағы бюллетеньдер санау кезінде есепке алынбайды.
Белгіленбеген нысандағы бюллетеньдер, ал лауазымды адамдар сайланған кезде бір лауазымға бірнеше кандидатура белгіленген бюллетеньдер жарамсыз болып саналады. Бюллетеньде қосылған тегі дауыстарды санау кезінде есепке алынбайды. Бірнеше шешім жобасы белгіленген бюллетеньдер жарамсыз болып саналады.
Барлық кандидаттардың тегі белгіленбеген толтырылмаған бюллетеньдер мен бюллетеньдер жарамды деп танылады, бірақ дауыстарды санау кезінде есепке алынбайды.
Дауыс беруге арналған жәшікті дауыс беру аяқталғаннан кейін есеп комиссиясы ашуға тиіс. Дауыс беру аяқталғанға дейін урнаны ашуға тыйым салынады.
Жасырын дауыс беру нәтижелері туралы есеп комиссиясы хаттама жасайды, оған есеп комиссиясының барлық мүшелері қол қояды.
Өткізілген дауыс беру рәсімі мен техникасында қателер анықталған кезде мәслихаттың шешімі бойынша қайта дауыс беру жүргізіледі.
Дауыс беру кезінде болмаған мәслихат депутатының кейінірек дауыс беруге құқығы жоқ.
1) мәслихаттың күн тәртібі, талқыланатын мәселелерді қарау тәртібі мен мәні бойынша ескертулер мен ұсыныстар енгізуге;
2) мәслихат сайлайтын немесе тағайындайтын лауазымды адамдардың кандидатуралары бойынша пікірлер айтуға;
3) мәслихат шешімдерінің жобаларына түзетулер ұсынуға;
4) депутаттық бірлестіктің қызметіне қажетті материалдар мен құжаттарды сұратуға құқылы.
1) бір-біріне және мәслихат сессияларының, мәслихат комиссияларының және оның жұмыс органдарының жұмысына қатысатын барлық басқа адамдарға құрметпен қарауға тиіс;
2) өз сөздерінде мәслихат депутаттары мен басқа да адамдардың ар-намысы мен қадір-қасиетіне нұқсан келтіретін негізсіз айыптауларды, дөрекі, қорлайтын сөздерді қолданбауға тиіс;
3) заңсыз және зорлық - зомбылық әрекеттерге шақырмауға тиіс;
4) мәслихаттың, тұрақты комиссиялардың және мәслихаттың өзге де органдарының қалыпты жұмысына кедергі келтірмеуге тиіс;
5) сөйлеушілерді үзбеуге тиіс.
Мәслихат аппараты жергілікті бюджет қаражаты есебінен ұсталатын мемлекеттік мекеме болып табылады.
Мәслихат аппараты туралы ережені мәслихат бекітеді.
77.Мәслихат аппаратының мемлекеттік қызметшілерінің қызметі Қазақстан Республикасының заңнамасына сәйкес жүзеге асырылады.
Мәслихат өкілеттігінің мерзімі өткеннен кейін мәслихат өкілеттігі мерзімінен бұрын тоқтатылған және оның депутаттарының жаңа құрамы сайланған жағдайларда мәслихат аппаратының мемлекеттік қызметшілерінің қызметі тоқтатылмайды.
________________________________________________________