Маслихат Аулиекольского района

Мәслихат өз өкілеттігін сессияларда, тұрақты комиссиялар мен өзге де органдар, мәслихат депутаттары мен хатшысы арқылы жүзеге асырады. Рәсімдік және ұйымдастырушылық мәселелер мәслихат сессиясында бекітілген мәслихат регламентінде айқындалады. VII шақырылған Әулиекөл аудандық мәслихатының құрамына партиялық тізімдер бойынша 12 депутат сайланды. Депутаттар қатарында ауданның ауыл шаруашылығы өндірісінің, білім беру, денсаулық сақтау, теміржол көлігі, жастар ресурстық орталығының өкілдері және тілші бар.

Әулиекөл аудандық мәслихатының аппараты-тиісті мәслихаттың, оның органдары мен депутаттарының қызметін қамтамасыз ететін мемлекеттік мекеме, мәслихат пен оның органдарын ұйымдастырушылық, құқықтық, материалдық-техникалық және өзге де қамтамасыз етуді жүзеге асырады, депутаттарға олардың өкілеттіктерін жүзеге асыруға көмек көрсетеді.