2022 жылғы 14 сәуірде аудан әкімдігінде Әулиекөл ауданының Қоғамдық кеңесінің отырысы өтті. Қоғамдық кеңес Әулиекөл ауылының әкімі Р.Д. Едресовтың ауыл көшелерін абаттандыру, жарықтандыру бойынша атқарылған жұмыстар және болашаққа жоспарлар туралы ақпаратын тыңдады.
Қоғамдық кеңес мүшелері көшелерді, аллеяларды, А.Байтұрсынов ескерткішін жарықтандыруға ерекше назар аударды. Қоғамдық кеңесі мүшелерінің ұсыныстарын ауыл әкімі Р.Д. Едресов назарға алды.
Отырыс барысында Әулиекөл ауданы әкімдігінің кәсіпкерлік бөлімінің басшысы Е.М. Алпыспаевтың баға мониторингі, азық-түлік өнімдеріне баға белгілеу туралы ақпараты тыңдалды. Ақпаратты тыңдау барысында Қоғамдық кеңес мүшелері талқылауға белсенді қатысты. Осы мәселелер бойынша ауданның қоғамдық кеңесінің ұсыныстары шығарылды.