Ағымдағы жылдың 25 қарашасында Әулиекөл ауданының Қоғамдық кеңесінің әлеуметтік мәселелер жөніндегі комиссиясының төрағасы, аудан әкімінің орынбасары А. Сүлекеев кеңес отырысын өткізді. Кеңес мүшелері Әулиекөл аудандық мәслихатының "Кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстар сметасын есептеу әдістемесін, сондай-ақ кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстардың шағын мөлшерін есептеу әдістемесін бекіту туралы" шешім жобасын қарады. Осы мәселе бойынша "Әулиекөл ауданы әкімдігінің ТКШ, ЖК және АЖ бөлімі" мемлекеттік мекемесінің басшысы Ю.Итемгенов тыңдалды. Қарау қорытындысы бойынша мәслихат шешімінің жобасы өзгерістер мен толықтыруларсыз қабылданды.