«Қазақстан Республикасындағы сайлау туралы» Конституциялық заңның 10-бабына, «Округтік сайлау комиссиясының мүшесін міндеттерінен босату туралы» Алтынсарин аудандық сайлау комиссиясының 2023 жылғы 15 қарашадағы № 36 қаулысына сәйкес Алтынсарин аудандық мәслихаты № 2 округтік сайлау комиссиясының құрамында бос орын барын хабарлайды.
Сайлау комиссиясының құрамындағы бос орындар саны 1 (бір).
Сайлау комиссиясының өкілеттік мерзімі 2028 жылға дейін.
Құрылған сайлау комиссияларына қатысты Қазақстан Республикасының саяси партияларының, өзге де қоғамдық бірлестіктерінің және одан жоғары тұрған сайлау комиссияларының ұсыныстары 2024 жылғы 25 қаңтары мен 8 ақпаны (қоса алғанда) аралығында қабылданады.
Көрсетілген кезеңде саяси партиялар, өзге де қоғамдық бірлестіктер және жоғары тұрған сайлау комиссиялары мәслихат аппаратына мынадай құжаттарды ұсынады:
1) электрондық және қағаз жеткізгіштерде белгіленген нысандағы сайлау комиссияларына кандидаттар туралы мәліметтер (1 қосымша).
2) саяси партияның, қоғамдық бірлестіктің немесе олардың филиалдарының (өкілдіктерінің), жоғары тұрған сайлау комиссиясының тиісті сайлау комиссиясының құрамына кандидаттар ұсыну туралы шешімінен үзінді көшірме;
3) саяси партияны, қоғамдық бiрлестiктi немесе олардың филиалдарын (өкiлдiктерiн) тiркеу туралы құжаттың көшiрмесi;
4) кандидаттардың белгіленген нысан бойынша сайлау комиссиясының жұмысына қатысуға келісімі туралы өтініші (2 қосымша).
Сайлау комиссиясының құрамына ұсынылған тұлға «Қазақстан Республикасындағы сайлау туралы» Конституциялық заңның талаптарына сәйкес келуі тиіс.
Сайлау комиссиясының мүшелігіне кандидатура туралы ақпарат нысандары, өтініш мәслихаттың интернет-ресурсында орналастырылған (https://www.gov.kz/memleket/entities/kostanai-oblys-apparaty?lang=ru ).
Сайлау комиссиясының құрамына кандидаттар бойынша ұсыныстар аудандық мәслихаттың аппаратында 2024 жылғы 8 ақпанға дейін (қоса алғанда) дүйсенбіден жұмаға дейін сағат 09:00-ден 18:30-ға дейін, үзіліс сағат 13:00-ден 14:30-ға дейін қабылданады.
Алтынсарин аудандық мәслихаты
Мусапирова Светлана Сағындыққызы – Алтынсарин аудандық мәслихатының төрағасы.
Мәслихаттың орналасқан жері: Алтынсарин ауданы, Ленин көшесі, 4, аудан әкімдігінің ғимараты.
Құжаттарды қабылдау бойынша жауапты тұлға – Төлепберген Гүлдана Маратқызы 8 (714) 45 34257, электрондық пошта мекенжайы altynsarmas@mail.ru .