Меню
Шоқанов Нұрсұлтан Нұрланұлы 1986 жылы 20 қаңтарда Алматы қаласында дүниеге келген. Физика-математика мектебін бітіргеннен кейін 2003 жылы Қазақстандық менеджмент, экономика және болжау институтына (КИМЭП) оқуға түсіп, 2006 жылы Іскерлік әкімшілендіру бакалавры дәрежесін және «қаржы» мамандығын үздік бітірді. 2018 жылы Лозаннадағы (Швейцария) IMD - бизнестегі қолданбалы мамандықтар бойынша әлемдегі жетекші университеттердің бірінде Менеджерлерге арналған магистр дәрежесін (MBA) алды. Оқу аясында IMD АҚШ, Қытай, Вьетнам және Швейцариядағы жобаларды сәтті аяқтады. Соңғы жылдары қоғамдық жұмыстармен белсенді айналысады. «D-Mura» Мәдени-тарихи мұраны цифрландыру қорының қамқоршылық кеңесінің мүшесі, жеті ғылыми-қолданбалы мақаланың авторы, Қазақстан Республикасының кәсіпорындарындағы еңбекті қорғау мәселелері жөніндегі Қазақстандағы жалғыз халықаралық диалог және көрме алаңы «Kazakhstan International Occupational Safety and health (KIOSH) Conference and Exhibition» авторы және бастамашысы.
Қазақстан Халық партиясы Алматы қалалық филиалының төрағасы.
2021-2023 жылдары VII сайланым Алматы қаласы мәслихатының депутаты.
2023 жылдың наурыз айынан бастап VIII сайланым Алматы қаласы мәслихатының депутаты және Құрылыс, сәулет, урбанистика және жер қатынастары жөніндегі тұрақты комиссиясының төрағасы.
«Әлеуметтік еңбек саласының үздігі», «Заңғар» төсбелгілерімен марапатталған.