Меню
Тау Нұрымбек 1980 жылдың 9 сәуірінде Моңғолияның Баян-Өлгей аймағында дүниеге келген. 2004 жылы К.И. Сәтбаев атындағы Қазақ ұлттық техникалық университетін «Мұнай-газ ісі» мамандығы бойынша тәмамдаған.
2017–2019 жылдары Yokohama компаниясының халықаралық біліктілікті арттыру бағдарламасы бойынша оқып, келесі сертификаттарға ие болды:
Advanced Training Course
Basic Training Course
Professional Course
Еңбек жолын 2004 жылы К.И. Сәтбаев атындағы ҚазҰТУ-дың Мұнай инженериясы кафедрасында оқытушы болып бастаған.
2008 жылдан бастап қазіргі уақытқа дейін «SAN tyres» компаниясының (бұрынғы атауы — Daco Motors KZ) негізін қалаушы және құрылтайшысы болып табылады. Аталған компания әлемдік шиналар брендтері — Yokohama, Triangle, Nankang, Winda Boto, Landspider, Tracmax — ресми дистрибьюторы.
2018–2024 жылдар аралығында «SAN tyres» компаниясы Yokohama және Triangle тарапынан бірнеше рет «Жылдың үздік сатушысы» номинациясының жеңімпазы атанды.
Тау Нұрымбек «AMANAT» партиясының мүшесі.
2021–2023 жылдары — Алматы қаласы мәслихатының VII шақырылым депутаты;
2023 жылдың наурыз айынан бастап — Алматы қаласы мәслихатының VIII шақырылым депутаты.
Қоғамдық белсенділігі мен ел дамуына қосқан үлесі үшін келесі марапаттарға ие болды:
Алматы мәслихатының "ZAŊĞAR" төсбелгісі
«Қазақстан Республикасы Тәуелсіздігінің 30 жылдығы» медалі
«Қазақстан полициясына 30 жыл» медалі
«Қ.И. Сәтбаевтың 125 жылдығы» медалі