Меню
Мен, Жампиисов Көпесбай Оразбайұлы 1950 жылы 25 мамырда Алматы облысы Іле ауданы Жетіген ауылында дүниеге келгенмін. Ұлтым – қазақ. Үш балам бар. 1967 жылы №11 орта мектепті аяқтадым. Білімім – жоғары.
1975 ж. «Штурман-саяси қызметкер» мамандығы бойынша жоғары әскери-теңіз саяси училищесін үздік аяқтадым. 1984 ж. В.И.Ленин атындағы әскери-саяси академиясының әскери-теңіз факультетін аяқтадым (Мәскеу қаласы).
Еңбек жолымды 1967 жылы Іле ауданы, Николаевка ауылындағы "Рассвет" кеңшарында жұмысшы болып бастадым.
1968-1993 жж. КСРО Тынық мұхит және Балтық флоттарында командалық-саяси лауазымдар атқардым.
1993 жылы Балтық флотының зымырандық кемелері дивизиясы командирінің орынбасары қызметінен Қазақстанға ауыстым.
1993-2002 жж. Қазақстан Қарулы Күштерінде әр түрлі лауазымдарда қызмет атқардым. «ҚР Қорғаныс министрі аппаратының бастығы» қызметінен (ҚР Қорғаныс министрлігінің алқа мүшесі, генерал-майор штаттық санаты) жасы бойынша запасқа шығарылдым. Әскери атағым – отставкадағы бірінші дәрежелі капитан.
2003 жылдан жеке кәсіпкермін.
2005-2009 жж. «Алтын Алма» сауда ойын-сауық кешенінің техникалық директоры болдым, 2009 жылдан бастап «Алтын Алма» сауда ойын-сауық кешені Президентінің кеңесшісімін.
2011-2012 жылдары «Экохим» компаниясы» ЖШС коммерциялық директоры болдым.
2006 жылдан қазіргі уақытқа дейін «МП-ККК» ЖШС бас директорымын.
Қоғамдық қызметім:
«Алматы қалалық Ұлы Отан соғысы, әскери қызмет және тыл ардагерлері кеңесі» ҚБ төрағасымын;
Алматы қаласы Қоғамдық кеңесінің мүшесімін;
«Ардагерлер ұйымы» РҚБ Алматы қалалық филиалы төрағасының орынбасарымын;
«Казахстанская правда» республикалық газеті атындағы Халықаралық фронт клубының мүшесімін;
«Қазақстан Республикасының бейбітшілік және келісім кеңесі» РҚБ басқарма мүшесімін;
«Қазақстанның Бессмертный полкі» азаматтық қозғалысының тең құрылтайшысымын.
Қ.О.Жампиисов туралы ақпарат «Қазақ жерінің құрметті адамдары» атты өмірбаяндық жинақтар сериясында жарық көрді.
«Отанға қызмет үшін», «Құрмет» ордендерімен марапатталғанмын және 20-дан аса медальдар иегерімін.
«Ақ жол» Қазастан Демократиялық партиясының мүшесімін және Алматы қаласы мәслихатындағы «Ақ жол» ҚДП партиясы фракциясының басшысымын.
2021 жылдан VII сайланым Алматы қаласы мәслихатының депутатымын.