Жаңабай Жандос Кеңесұлының сайлауалды бағдарламасы

Құрметті дауыс берушілер!

Сайлауда жеңіске жетіп, әрі қарай депутат болып сайланған жағдайда қаламыздың экономика мен әлеуметтік саласындағы аса маңызды сұрақтарды, қоғам өмірінің мәселелерін шешуге, жалпы халықтың тұрмыс-тіршілігінің сапасын арттыру жолындағы қала мәслихатының жұмысына белсене қатысамын. Мемлекеттік мекемелердің жұмыстарының жариялы түрде жүруіне атсалысамын

Менің бағдарламам қысқа, бірақ қала депутатының құзіреті шегінде нақты қол жеткізуге болады:

• Қаланы абаттандыру және ағаш отырғызу жұмыстарының тиімділігін арттыру

• Қаланың барлық жаяу жүргіншілер өткелдерін түнгі жарықтандыру

• иесіз және қауіпті нысандар мен ғимараттарды бұзу және абаттандыру

• «Халықтың қатысу бюджеті» бағдарламасына азаматтарды тарту

• Тұрғын үй-коммуналдық шаруашылық саласында азаматтардың сауаттылығын арттыру

• Жолдарды жөндеу мен салуда жауапкершілікті күшейту, жол бойындағы автотұрақтарды көбейту

• Балалар үйірмелерін ашу үшін мектеп спорт залдарын пайдалану

• Кәсіпкерлік қызметте жергілікті тауар өндірушілерді қолдау

• Қаланың дренаждық жүйесін жобалау және жайластыру.

• Саябақтар мен алаңдардың жұмысын оңтайландыру

Құрметті сайлаушылар!

Мен жалақыны көтеру, салықты азайту, зейнет жасын көтеру немесе тауарлардың бағасын шектеу сияқты үлкен уәде бермеймін, өйткені мұның бәрі қала деңгейінде шешілмейді. Мен сайлауға қала тұрғындарының әл-ауқаты мен өмір сүру сапасын жақсартуға өз үлесімді қосу үшін барамын.

Ақтөбе бақытты адамдардың қаласына айналуы керек! Сіз жақсы өмірге лайық екеніңізге сенімдімін, таңдауыңызды жасаңыз!