Тухтарова Қайырбек Насырұлының сайлауалды бағдарламасы

Құрметті жерлестер !  

Облысық денсаулық сақтау басқармасының коллегия мүшесі ретінде бала және ана өлімі тіркелген медициналық мекемелерде тәуелсіз эксперттермен аудит жүргізуге қатыстым. Короновирус індеті кезінде қаланың барлық емханаларында CaLL-центрлер ашып, дертке шалдыққан аяғы ауыр әйелдерге консультация беруді ұйыдастыруға қатыстым.

Облыстық маслихаттың әлеуметтік  мәдени даму және тұрғындарды әлеуметтік қорғау комиссия мүшесі ретінде Ақтөбе облысында  әлеуметтік маңызы бар жобаларды іске асыруға белсенді қатыстым.

Мемлекеттік тілді пайдалану сферасын дамыту бағытында, қаладағы орыс тілінде білім беретін метептерде қазақ тілін оқыту деңгейін тексеріп, анықталған кемшіліктерді жою туралы талаптар қойдық.

Облыстық мониторингтық топ мүшесі ретінде, қаладағы спорт кешендерін тексеріп, қала тұрғындарының спортпен айналысу мүмкіндіктерін арттыру мақсатында проблемаларды анықтап өз ұсыныстарымызды бердік.

Облыс емханаларын замануи медициналық техникамен жабдықтау жұмыс тобына қатысып, Компьютерлік томограф, Магнитті резонансы томаграфтарды алу ұсыныстарымызды бердік

ҚҰРМЕТТІ САЙЛАУШЫЛАР!

Басты мақсатымыз Әділетті Қазақстанды қалыптастыру болғандықтан қалалық маслихаттың депутаты болып сайланған жағдайда төмендегі бағыттарда жұмыстанамын.         

1. Ақтөбе қалалық тұрғын үй-коммуналдық шаруашылық (ТКШ) жұмысын ашық етуге үлес қосу, басқарушы компаниялардың қызметіне бақылау орнату, ТКШ жұмыстарын жетілдіруге қажет оқыту бағдарламасын құру және тарату, және Ақтөбеліктерді ТКШ-ға төлейтін шығын көлемін азайтуды үйрету.
2. Қаланың шалғай маңайларына қатынайтын автобус маршруттарының санын арттыру, қоғамдық көлік барлық тұрғындарға қол жетерлік болуы тиіс.
3. Шағын бизнес өкілдеріне жеңілдіктер мен жалға беруге қатысты басы артық бюрократиялық талаптарды азайтуға қол жеткізу.
4. Өмірдің ауыртпалығына тап болған жандарға қол ұшын беру шараларын ұйымдастыру.
5. Қоқысты айыру инфрақұрылымын құру – қаланың инфрақұрылымын дамытпай, қоқыстан құтылудың ұтымды жолын табу мүмкін емес.
6. Қаланың инфрақұрылымын жаңартуды кеңінен талқылау үшін тұрғындарды тартуды қалыптастыру – қала бюджетінің шектеулі жағдайында қалалықтар қандай саябақты не мәдениет орталығын күрделі жөндеу мен салу мәселесін өздері шешуі тиіс.
7. Денсаулық сақтауға қолжетерлікті дамытуды жетілдіру бойынша жұмыстану.
8. Мемлекеттік тілді пайдалану аясын кеңейту , онамастика мәселелерінде тарихи маңызы бар атауларды қалыптастыру бағыттарын басымды бағыттыа деп есептеймін.