№5 бір мандатты сайлау округі бойынша Депутат, Әліпов Серік Амантайұлы

№5 сайлау округі бойынша облыстық мәслихатының

депутаттығына кандидат Әліпов Серік Амантайұлының

сайлауалды бағдарламасы

Құрметті сайлаушылар!

Ақтөбе облысы бойынша облыстық мәслихат депутаттығына кандидат болып ұсынылу мен үшін үлкен мәртебе.

Мен өз қызметімде Ақтөбе қаласын дамытудағы өзекті мәселелерді шешуге үнемі белсене қатыстым. Өз кандидатурамды қолдап, облыстық мәслихаттың депутаттығына сайлану арқылы өмірлік тәжірибемді, білімімді, күш-жігерімді келесі аспектілерде пайдалана отырып, барлық өзекті мәселелердің оң шешімін табуға жұмыс істейтін боламын:

• Қазақстан Республикасы Президентiнiң сайлауалды бағдарламасы мен курсында көрсетiлген басым бағыттар бойынша сайлаушылардың өкiмдерiнiң толық орындалуын және облыс халқының өмiр сүруiне қолайлы жағдай жасауды қамтамасыз ету;
• маған жүктелген өкілеттіктерді тиімді пайдалана отырып, облыс тұрғындарының өзекті мәселелерін шешу, қажеттіліктер мен өтініштерді шешудің нақты жолдарын іздеу;
• кәсіпкерлікті, әсіресе шағын және орта бизнесті дамытуға жәрдемдесу, отандық ішкі өнімді шығаратын жаңа кәсіпорындар мен зауыттардың ашылуына заңнамалық қолдау көрсету, сол арқылы жұмыссыздық деңгейін төмендету;
• экологиялық дағдарыс аймақтарында туындаған проблемаларды жою үшін экологиялық заңнаманы жетілдіру, ірі өнеркәсіптік кәсіпорындардың табиғи ресурстарды ластағаны үшін экономикалық санкциялар талаптарын күшейту;
• заңнамалық базаны нығайту және халықты, оның ішінде аз қамтылған, көп балалы отбасыларды тұрғын үймен қамтамасыз ету жүйесін одан әрі жетілдіру, қажет болған жағдайда тиісті бағдарламаларды қабылдауға жәрдемдесу;
• халыққа медициналық көмектің сапасы мен қолжетімділігін арттыру және емдеу мекемелерін заманауи медициналық құрал-жабдықтармен жарақтандыру бойынша жұмыс жүргізу;
• денсаулық сақтау мамандарын тегін оқытуға және біліктілігін арттыруға қол жеткізу;
• облыстың жастарын, жас мамандарын қамтамасыз ету бойынша белсенді жұмыс жүргізу;
• жаңа жұмыс орындарын құру, шағын кәсіпкерлікті дамыту, өңірдің әлеуметтік-экономикалық дамуының өзекті мәселелері мен міндеттерін шешу үшін жастар мен жас мамандарды бірлесіп жұмыс істеуге тарту;
• облыстағы білім беру және мәдени-демалыс мекемелерінің желілерін қолдау, жастарды әскери-патриоттық тәрбиелеу жүйесін жетілдіру және одан әрі дамыту;
• облыста спорттық іс-шараларды өткізуге қолдау көрсету, дене шынықтыру мен спортты дамыту, дене шынықтырумен және спортпен жүйелі түрде айналысуға халықты көбірек тарту;
• бұқаралық спортты одан әрі дамытуды, салауатты өмір салтын насихаттау үшін жағдайларды, облыста спорт және балалар ойын алаңдары желісін құруды қамтамасыз ету;
• халықты волонтерлік қозғалыстарға тартуға және волонтерлік қызметті дамытуға жәрдемдесу;
• халықтың әлжуаз топтарына олардың өмір сүру деңгейін жақсарту мақсатында қолдау көрсету, соғыс және тыл ардагерлерін, еңбек ардагерлерін, аз қамтылған және көп балалы отбасыларды, мүгедектер мен жетімдерді қолдауға жәрдемдесу, азық-түлік және дәрі-дәрмек бағасының негізсіз өсуіне қатаң депутаттық бақылау орнатуды заңнамалық қамтамасыз ету;
• білім беру жүйесін жан-жақты дамытуға, жан-жақты дамыған жеке тұлғаны дайындауға ықпал ету. Материалдық базаның құрылысын жақсарту, денсаулық сақтау және білім беру объектілерін құруға қаражат бөлуді ұлғайту;
• тиісті органдар арқылы ауылдық елді мекендерде интернет-байланыс сапасын арттыру мәселелерінің орындалуын бақылауға күш салу;
• сенім телефондары арқылы тұрғындардың өтініштері мен қажеттіліктерін шешуге көмектесу, кері байланыс орнату;
• азаматтардың өтiнiштерiнде көтерiлген мәселелердiң тез және тиянақты шешiлуiн пысықтау.

Менің парызым – бүгінде өзін елеусіз, қорғансыз сезінетіндер – өз жасымдағы адамдарға көмектесу. Мен оларданмын және мен олар үшінмін! 50 жастан асқандарға әлеуметтік, моральдық және психологиялық қолдау қажет. Менің жасымдағы адамдар өмір сүруден қорықпауы үшін барлығын жасау керек. Менің мақсатым – бір нәрсе жасап үлгеру. Менің арманым – содан нәтиже шығару.

Құрметті сайлаушылар!

Мен сайлауға барамын және сіздердің қолдауларыңызға сүйене отырып, аймақтағы жағдайды жақсы жаққа өзгерту үшін бәрін жасаймын.

Мен ақтөбеліктерімнің саяси ерік-жігерін білдіріп, облыстық мәслихатта олардың мүдделерін лайықты түрде білдіруге дайынмын.