2023 жылғы 8 тамыздағы № 5/4-VIIІ
Ақсуат ауылдық округі әкімінің
сайлауалды бағдарламасы және
2022 жылғы атқарған
жұмыстары туралы
Ақсуат ауылдық округінде 8323 адам есепте тұрады. 2022 жылмен салыстырғанда халық саны 93,4 % – ға өскен. Оның ішінде 4216 әйел, 4107 еркек. 1795 үй бар. 2022 жылы 296 бала дүниеге келіп, 83 адам қайтыс болған.
Жалпы ауылдық округтің жер көлемі 70200 гектарды құрайды. Оның ішінде: егістік – 1805 га, шабындық 2700 га, жайылымдық 65695 га жерді құрайды.
Ауылдық округте 2 орта мектеп, кәсіптік колледж, спорт мектебі, саз мектебі, өнер мектебі, №2 орта мектеп жанындағы интернат, 2 бала – бақша, мәдениет үйі, орталық аурухана емханасымен, 2 жанұялық амбулатория, мұражай, мұрағат, 2 мешіт, спорттық сауықтыру кешені, аудандық құқық қорғау органдары және т.б. бөлімдер мен мекемелер, кәсіпорындар орналасқан.
Ақсуат ауылдық округі экономикасының негізгі бағыты ауыл шаруашылығы, оның ішінде: мал шаруашылығына негізделген. Округте 52 шаруа қожалығы тіркеліп жұмыс істеуде. Осы тіркелген шаруа қожалықтарының 14 егін шаруашылығымен айналысады.
Ауыл округіндегі мал басы.
|
Р/с |
Мал түрлері |
01.01.2022 жыл |
01.01.2023 жыл |
Өсу қарқыны, % |
|
1. |
Ірі қара |
12 018 |
13 453 |
112 |
|
2. |
Қой-ешкі |
10 359 |
11620 |
112 |
|
3. |
Жылқы |
1581 |
1668 |
105 |
Медицина саласы бойынша ауылымызда 4 учаскелік амбулатория жұмыс жасайды. Онда 4 - дәрігер орта буынды, 12 - медицина қызметкері жұмыс істейді. Ана мен бала өлімі тіркелген жоқ. 2022 жылда 83 адам қайтыс болып, 296 бала дүниеге келген. Онкологиялық аурулармен 12 және туберкулезбен 4 адам тіркеуге алынған. Бұл адамдарға тиісті медициналық көмектер көрсетіліп отыр.
Ақсуат ауылдық округтері көркемөнерпаздары қатысқан шығармашылық байқау биылғы жылы «Ұлттық мәдениет – ұлт қазынасы» деген тақырып бойынша әр ауылдың мәдениет күндері болып өтті. Аталған бұқаралық шараға 100-ден аса өнерпаз қатысып, 750 көрермен тамашалады. Байқауға ауылдық ардагерлер, әйелдер кеңестері, әжелер ансамбльдері, мектеп-мекеме ұжымдары белсене қатысып, Ақсуат ауылының көркем өнерпаздар ұжымы 1 орын иеленді. Ауыл таланттары үстіміздегі жылы халықаралық, республикалық, облыстық деңгейдегі байқаулар мен конкурстарға қатысып жүлделі орындар иеленді.
Ұлттық Наурыз мерекесі аясындағы бірнеше мәдени-спорттық мерекелік бағдарламалар, «Үздік қазақ үйі» киіз үйлер байқауы, халық театрларының қойылымдары, Қазақстан Халықтары бірлігі күніне «Қазақстан – алтын бесік» фестиваль, 7 мамыр – Отан қорғаушылар күніне арналған патриоттық концерттер, ұлт батыры Қаракерей Қабанбай батырдың 330 жылдығына арналып Боғас бекетіндегі батыр ескерткіші алаңында «Атымды кім атаса соны қолдап жебеймін» атты патриоттық концерті, 9 мамыр – Ұлы Жеңіс күніне арналған мерекелік шаралар ауылдық округтердегі жүздеген көрермендер мен көркемөнерпаздарды қамтитын бұқаралық іс-шаралар болып өтті.
Қаракерей Қабанбай батырдың 330 жылдығына арналған «Атымды кім атаса соны қолдап жебеймін» атты жасөспірімдер арасында облыстық көркемсөз шеберлерінің байқауы өтіп, 13 ауданнан дарынды 28 үміткер қатысты.
Ақсуат ауылда телефон байланысының сапасын арттыру мақсатында сымсыз телефонның (терминалдың) базалық станциясы орнатылды. Қазір ол тұрақты жұмыс істеп тұр. Нәтижесінде бүгінгі күні ауылдағы 992 тұтынушы кең жолақты интернет желісін (мегалайн) пайдаланып отыр. Сондай – ақ 428 тұтынушы сымсыз телефон арқылы кең жолақты интернет желісіне (мегалайн) қосылған.
Алтел – 4 G байланыс жүйесіне 425 нүкте қосылды. Интернет байланысынын сапасы бірнеше есе жақсарды.
Бүгінгі күні округте 62 сауда дүкені, 2 ет дүкені, 3 жабық базар, 5 сауда орталығы, 2 наубайхана, 1 тіс протезін жасау цехы, 4 – дәріхана, 1 – мал дәрігерлік дәріхана, 6 – кафе, 6 –мейрамхана, 3 – жанар-жағар май құю бекеті, 39 – қызмет көрсету орталығы, 3 – жиһаз жасау цехы, 6 – дөңгелек жөндеу орталықтары халыққа қызмет көрсетуде.
Көмір тасымалдаушы кәсіпкерлермен 2022 – 2023 жылғы қыс маусымында ауыл тұрғындарын қажетті қатты отынмен (көмірмен) толық қамтамасыз ету мақсатында тиісті жұмыстар ұйымдастырылуда.
Ауылдық округте әлеуметтік маңызы бар азық-түлік тауарларының бағаларын тұрақтандыру мақсатында біршама жұмыстар атқарылды.
Әр апта сайын ауылдағы сауда дүкендері мен базарлардағы аса маңызды негізгі 19 түрлі азық-түлік тауарларының бағаларына кәсіпкерлік және ауыл шаруашылығы бөлімінің өкілдерімен бірлесе отырып, ауыл әкімшілігі және жергілікті қоғамдастық мүшелері тарапынан мониторинг жүргізілуде.
Санитарлық-тазалықты ұйымдастыру мақсатында, ауыл әкімі аппаратынан, жергілікті қоғамдастық мүшелері және учаскелік инспекторлардан арнайы мониторингтік топ құрылып, ауылдық округте ораласқан дүкендерді аралап, 11 /он бір/ сауда дүкен иелеріне және 7-жеке тұлғаға тазалық сақтамаған үшін айыппұл салынды. Осы орайда негізгі азық-түлік тауарларының бағаларын тұрақтандыру мақсатында 2022 жылдың аяғына дейін ауылдық округтегі сауда дүкендері мен базарлар және наубайхана иегерлері арасында сауда қосымшасын 10 пайыздан асырмау жөнінде 34 екі жақты меморандум жасалып, келісім-шарттарға қол қойылды.
Аудан әкімінің тапсырмасына сай 2022 жылдың 12 айында аптаның сенбі күндері әр айда екі реттен бекітілген кестеге сәйкес жәрмеңкелер өткізу және жәрмеңкеде ет, балық, бал, сүт, картоп, көкөніс және нан тоқаш өнімдері арзан бағамен сату ұйымдастырылды.
Бұнда жергілікті тауар өндірушілердің өндірген өнімдері күнделікті қажетті азық-түлік тауарларының бағасынан 10-15 пайыз төмен сату қамтамасыз етілді.
2022 жылдың 12 айында Ақсуат ауылында жалпы құны 1 млрд. 8 млн 400 мың теңге, көлемі 5633 ш/м болатын 42 тұрғын үй алаңы, құны 68млн, 640мың тг, көлемі 285 ш/м - 1 сауда үйі, құны 70млн. тг, көлемі 91 ш/м - 1 дүкен, 1 – мал бордақылау алаңы-300 млн.тг және 50,0 млн.тенгеге 1 - қойма пайдалануға берілді.
«Бір қабатты Шығыс» бағдарламасы бойынша көп балалы отбасыларға арналған жалгерлік – коммуналдық екі пәтерлі 8 тұрғын үй салынып, кезектері бойынша 16 көп балалы отбасыға бұл үйлердің кілті табысталды. Қазіргі таңда тұрғын үй кезегінде тұрған көп балалы отбасыларға арналған жалгерлік – коммуналдық екі пәтерлі 6 тұрғын үйдің құрылыс жұмыстары қарқынды жүріп жатыр. 2020-2022 жылдары аралығында 29 үй, 58 пәтер пайдалануға берілді.
Ауылымыздағы айналма жолын орташа жөндеуге, 2022 жылы 166 млн 667 мың теңге бюджеттен қаржы бөлінді. Бүгінгі күні 1,3 шақырым жолға асфальт жамылғысы төселіп, негізін көтеру, кескінін түзеу, нығыздау т.б. жұмыстары атқарылды. Мердігер «ПМК Құрылыс» ЖШС.
«Ақсуат – Шыбынды – Бәкей - Қарасу» - Училище 0 - 3,0 шақырым автомобиль жолына орташа жөндеу жұмыстарына Республикалық бюджеттен 83 млн 328 мың теңге қаржы бөлініп, қазіргі таңда Ақсуат- Ескі Училище жолының 3 шақырым жолына асфальт жамылғысы төселді. Мердігер «ПМК Құрылыс»ЖШС.
«Ауыл Ел бесігі» бағдарламасы аясында құны 120 млн 300 мың теңге болатын Ақсуат мәдениет үйін күрделі жөндеу жұмыстары жүргізілді, мердігер «Каз трейдинг Инновация»ЖШС.
2022 жылы құны 300 млн теңге болатын К.Нұрбаев атындағы орта мектептің күрделі жөндеу жұмыстары басталып, биылғы жылы толықтай аяқталды.
«Ауыл Ел бесігі» бағдарламасы аясында Қабанбай көшесінің бойынан
денсаулықты сауықтыруға арналған кешен құрылысы /ФОК/ (849 млн 509 мың теңге) биылғы жылы халық игілігіне пайдалануға беріледі деп күтілуде. Мердігер ДК Проект.
Әр жылдың сәуір айынан бастап әр аптаның жұма күндері «Тазалық күндері» жоспарлы түрде өткізілді.
Ауылды абаттандыру, көркейту, көгалдандыру, жарықтандыру, көше жолдарын жөндеу бойынша бір шама жұмыстар атқарылды. Атап айтқанда:
8.«Мәңгілік Ел», «Мұрын Ана», «Бәйтерек», «Абай», «Белгісіз жауынгер», Прокуратура, Білім беру бөлімі алдындағы саябақтардағы шыршалардың түбі арам шөптерден тазартылып, түптері түптелді, абаттандыру жұмыстары жүргізілді.
Ауыл округіндегі ішкі жолдар, қыс айларында үнемі қардан тазаланып отырады. Оған «Ақсуат ауылдық округі әкімінің аппараты» мемлекеттік мекемесінің жұмысшыларымен, «Ақсуат» коммуналдық кәсіпорынының техникалары жұмылдырылып келеді.
«Әкімдердің мәслихаттар алдында есеп беруін өткізу туралы» Қазақстан Республикасы Президентінің 2006 жылғы 18 қаңтардағы №19 Жарлығына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан республикасының 2001 жылғы 23 қаңтардағы заңына сәйкес, жоғарыда аталған мәселелер негізінде Ақсуат ауданы мәслихаты ШЕШТІ:
бағдарламасы және атқарған жұмыстарына қанағаттанғысыз атап көрсетілсін.
1) «Таза су» бағдарламасын аяқтап, тұрғын үйлерге су кіргізуді 100 пайыз орындау;
2) «Казагроның» қаржылық институттарымен шаруа қожалықтарының арасында іскерлік байланыс орнату, инвестиция тарту;
3) Азық-түлік тауарларын он пайыздан асырмау жөнінде ауылдағы дүкендер мен меморандумға отырып, бағаның қымбаттамауын қадағалау;
4) Бруцеллез ауыруының алдын алу іс шара жоспарын жасап, ауыл тұрғындары мен бруцеллездің алдын алу мақсатында жиналыстар өткізу;
5) Қауымдастық мүшелерімен жиналыстар өткізу, ауылдық округ әкімінің бюджетіне берілген трансферттерді қауымдастық мүшелерімен бекіту;
6) Бюджеттің меншікті кірістер және қосымша кіріс көздерін іздестіру алгоритмі бойынша берілген тапсырманың орындалуын қамтамасыз ету, шаруа қожалықтары мен кәсіпкерлік саласындағы жалдамалы жұмысшыларды анықтау;
7) Жасыл екпелерді күтіп ұстау және қорғау, абаттандыру қағидаларын орындауды ұйымдастыру, көше комитеттерінің жұмысын жандандыру, тұрғын халықтың сенбіліктерге қатысуын ұйымдастыру;
Ақсуат ауданы
мәслихатының төрағасы Ж.Оразғалиев