2026 жылдың 09 қазанs сағат 10:00-ге, облыс әкімдігінің ғимаратында, Абай облысы мәслихатының кезектен тыс қырық екінші сессиясының отырысы белгіленді.
Өткізілетін мекен-жайы: Абай облысы, Семей қаласы, К.Мухамедханов көшесі, № 8, 1 қабаттағы мәжіліс залы.
Депутаттар мен шақырылғандарды тіркеу сағат 09:30-да басталады.
Күн тәртібіне ұсынылған мәселелер:
1. Абай облысы мәслихатының кейбір шешімдерінің күші жойылды деп тану туралы.
2. Абай облысының «Облыстың (қаланың, ауданның) құрметті азаматы» атағын беру қағидаларын бекіту туралы.
3. Абай облысы мәслихатының 2022 жылғы 5 қазандағы № 8/44-VII «Абай облысы бойынша үй жануарларын ұстау және серуендету қағидаларын бекіту туралы» шешіміне өзгерістер енгізу туралы.
Абай облысы мәслихатының аппараты
Комиссия жұмысының басты мақсаты — сессияның күн тәртібіне ұсынылған өңір үшін маңызды мәселелерді алдын ала қарастыру. Отырыс барысында депутаттар баяндамашыларды тыңдап, әр тақырып бойынша тұрғындар үшін маңызды сұрақтарды көтереді, тақырыптарды жан-жақты талқылайды және өзгертулер мен өз ұсыныстарын білдіреді.
Бұл жолғы жиында өзекті бірнеше бағыт назарға алынды. Білім беру, жылыту маусымына дайындық, цифрландыру, су ресурстары және тағы басқа сұрақтар қаралады.
Тұрақты комиссияда алдын ала қаралған мәселелер одан әрі сессияда талқыланып, тиісті шешімдер қабылданады. Абай облысы мәслихатының кезекті қырық бірінші сессиясы бүгін сағат 11:00-де өтеді.
Облыстық мәслихатта 5 тұрақты комиссия жұмыс істейді. Әр тұрақты комиссия жылына бірнеше отырыс өткізеді.
Абай облысы мәслихатының баспасөз қызметі
Абай облысы мәслихатының депутаттары тұрғындардың өтініштері мен елді мекендердегі өзекті мәселелер бойынша депутаттық сауалдар жолдайды. Сауалдар азаматтарды қабылдау, халықпен және сайлаушылармен кездесу кезінде көтерілген мәселелер негізінде әзірленеді. Олар депутаттардың жеке немесе бірлескен бастамасымен жолданады.
2026 жылдың тоғыз айына берілген мәлімет бойынша 57 депутаттық сауал жолданған. Оның 54-інде көтерілген мәселелер толық шешілген, ал үшеуі орындалу сатысында.
Сауалдарда елді мекендерді абаттандыру, тұрғын үй, дәрілік заттармен қамтамасыз ету, тұрғын үй-коммуналдық шаруашылық және жол жөндеу мәселелері жиі көтеріледі. Олар мәслихат сессияларында қаралады.
Кейбір мәселелерді шешу қосымша қаржыландыруды қажет етеді. Осыған байланысты мәслихат өз құзыреті шегінде облыстық бюджетке өзгерістер енгізу мәселелерін қарайды. Жергілікті мемлекеттік органдардың қаржылық мүмкіндіктерін кеңейту де тұрғындар көтерген мәселелерді шешу үшін маңызды.
Абай облысы мәслихатының баспасөз қызметі
Облыстық мәслихаттың кезектен тыс қырқыншы сессиясында бюджетке және облыс әкімдігінің дербес құрамына өзгерістер енгізу мәселелері қаралды. Сессияға мәслихат төрағасының міндетін атқарушы Рафаиль Хазипов төрағалық етті.
Жиынға облыс әкімінің бірінші орынбасары Ербол Садыр мен мәслихат депутаттары қатысты. Қала және аудан мәслихаттарының төрағалары мен облыс прокуратурасының өкілдері онлайн қосылды.
2026–2028 жылдарға арналған облыстық бюджетке енгізілген өзгерістер туралы экономика және бюджеттік жоспарлау басқармасының басшысы Роза Құдайбергенқызы баяндады. Депутаттар ұсынылған өзгерістерді қолдап, облыстық бюджетке өзгерістер енгізу туралы шешім қабылдады.
Сондай-ақ депутаттар облыс әкімдігінің дербес құрамына өзгеріс енгізу мәселесін қарап, облыс әкімінің орынбасары Бекжан Бапышевты әкімдік құрамына енгізуге келісім берді.
Сессияда депутат Рыиза Молдашева екі депутаттық сауал жолдады. Біріншісі Семей қаласының әкіміне жолданып, қонақ үй ғимаратындағы «Семипалатинск» атауына қатысты болды. Екіншісі Бесқарағай ауданындағы электр желілеріне қатысты Абай облысының энергетика және тұрғын үй-коммуналдық шаруашылық басқармасына жолданды.
Күн тәртібіндегі екі мәселе бойынша шешімдер қабылданды. Депутаттық сауалдар белгіленген тәртіпте құзырлы мекемелерге жолданады.
Абай облысы мәслихатының баспасөз қызметі
2026 жылдың 24 қыркүйегіне сағат 09:00-ге, облыс әкімдігінің ғимаратында, Абай облысы мәслихатының тұрақты комиссияларының бірлескен отырысы, одан әрі сағат 11:00-ге кезекті қырық бірінші сессиясының отырысы белгіленді.
Өткізілетін мекен-жайы: Абай облысы, Семей қаласы, К.Мухамедханов көшесі, № 8, 1 қабаттағы мәжіліс залы.
Депутаттар мен шақырылғандарды тіркеу сағат 08:30-да басталады.
Күн тәртібіне ұсынылған мәселелер:
Абай облысы мәслихатының аппараты
2026 жылдың 18 қыркүйегі сағат 10:00-ге, облыс әкімдігінің ғимаратында, Абай облысы мәслихатының кезектен тыс қырықыншы сессиясының отырысы белгіленді.
Күн тәртібіне ұсынылған мәселелер:
Депутаттар мен шақырылғандарды тіркеу сағат 09:30-да басталады.
Өтетін мекен-жайы: Абай облысы, Семей қаласы, Қ.Мұхамедханов көшесі, № 8, 1 қабаттағы мәжіліс залы.
Абай облысы мәслихатының аппараты
Қазақстанда алғашқы республикалық «Кітап оқитын ұлт» кітап оқу марафонына тіркелу басталды. Жоба еліміздің барлық өңірінен қатысушыларды біріктіріп, кітап оқуды насихаттау мен оқу мәдениетін дамытуға бағытталған ең ауқымды ұлттық бастамалардың біріне айналмақ.
Марафон 2026 жылғы қыркүйек айынан 2027 жылғы сәуірге дейін қазақ және орыс тілдеріндегі екі лигада өтеді. Жоба 7 бағытты қамтиды:
- «Кітап оқитын мектеп» — 6–10 сынып оқушылары;
- «Кітап оқитын колледж» — колледж студенттері;
- «Кітап оқитын университет» — жоғары оқу орындарының студенттері;
- «Кітап оқитын педагог» — мектеп мұғалімдері мен колледж оқытушылары;
- «Кітап оқитын әулет» — отбасылық командалар;
- «Кітап оқитын мемлекеттік қызметші» — мемлекеттік қызметшілер;
- «Кітап оқитын зияткер» — жасына және қызмет саласына шектеу қойылмайтын барлық азаматтар.
Әр қатысушы өз бағыты бойынша арнайы іріктелген 330 кітаптан тұратын қордан 15 кітап оқуы қажет. Оның 165-і қазақ тілінде, 165-і орыс тілінде ұсынылған. Кітаптар тізіміне отандық авторлардың шығармалары, әлем классикасы және заманауи туындылар енді. Тізімді жасақтау кезінде жалпыұлттық дауыс беру қорытындысы бойынша «100 кітап» тізіміне енген шығармалар, сондай-ақ әдебиет саласындағы Нобель сыйлығының лауреаттары жазған туындыларды қоса алғанда, әлемдік бестселлерлер де ескерілді.
Негізгі оқу кезеңі биыл қыркүйек айында басталып, 2027 жылғы наурызға дейін жалғасады. Осы уақытта қатысушылар кітаптарды оқып, жеке кабинетінде пікірлерін жариялап отырады. Ал 2027 жылғы наурыз–сәуір айларында қорытынды тестілеу мен зияткерлік квиздер өткізіледі.
Өңірлік кезеңдердің жеңімпаздары мен жүлдегерлеріне ақшалай сыйлықтар табысталады: 1-орын — 600 000 теңге; 2-орын — 450 000 теңге; 3-орын — 300 000 теңге.
Барлық финалист дипломдармен және электронды сертификаттармен марапатталады.
«Кітап оқитын ұлт – Читающая нация» қоғамдық қорының төрағасы Бақытжан Тұрлыбековтің айтуынша, жобаның негізгі мақсаты байқаудың өзімен ғана шектелмейді.
«Бүгін біз «Кітап оқитын ұлт» алғашқы республикалық марафонына тіркелуді ашып, осылайша жасы, мамандығы мен қызығушылығы әртүрлі адамдарды кітап төңірегіне біріктіретін үлкен жалпыұлттық қозғалысқа жол ашып отырмыз.
Баршаңызды марафонға қатысуға шақырамын. Бірлесе отырып, кітап оқуды Қазақстандағы заманауи өмірдің маңызды құрамдас бөлігіне айналдыра аламыз деп сенемін. Сондай-ақ зерделі ұлттың — қуатты, білімді әрі ойлайтын ұлт екенін көрсете аламыз», — деді Бақытжан Тұрлыбеков.
Қатысу ережелері, бағыттар бойынша регламенттер және кітаптар тізімі жобаның ресми сайтында жарияланған: www.reading-nation.kz
Республикалық «Кітап оқитын ұлт» марафонын жүзеге асыруға жобаның бірқатар маңызды серіктестері де атсалысуда. Қазақстан Жазушылар одағы, Креативті индустрияларды дамыту қоры, KITAP және «Яндекс Кітаптар» цифрлық платформалары оқу мәдениетін дамытуға, заманауи әдеби бастамаларды қолдауға және оқырмандардың кітаппен өзара байланысуына жаңа мүмкіндіктер жасауға ықпал етпек.
Жоба Қазақстан Республикасы Мәдениет және ақпарат министрлігінің қолдауымен жүзеге асырылуда.
Күн тәртібіне төрт мәселе енгізілді.
Сессия барысында Шалқар Байбековтің мәслихат депутаты ретіндегі өкілеттігін мерзімінен бұрын тоқтату және мәслихат төрағасы қызметінен босату туралы шешім қабылданды.
Мәслихат төрағасының міндетін уақытша атқару тұрақты комиссия төрағасы Рафаиль Хазиповқа жүктелді.
Сондай-ақ депутаттар «Абай облысы мәслихатының аппараты» мемлекеттік мекемесі туралы ережеге және облыстық мәслихат регламентіне өзгерістер енгізу мәселелерін қарады. Күн тәртібіндегі барлық мәселе бойынша тиісті шешімдер қабылданды.