2022 жылғы 21 тамызда Маңғыстау облысы Мұнайлы ауданы Маңғыстау ауылы және Атамекен ауылдық округі әкімдерінің сайлауы өтті.
"Қазақстан Республикасындағы сайлау туралы" Қазақстан Республикасының Конституциялық Заңының 14-бабының 9 тармақшасына, 44-бабының 2-тармағына, 45-бап пен 113-10-бабына сәйкес, учаскелік сайлау комиссияларының ауыл әкімінің сайлауы нәтижелері туралы хаттамалары негізінде Мұнайлы аудандық сайлау комиссиясы сайлау қорытындысын шығарды.
Маңғыстау ауылы бойынша сайлаушылар тізіміне 19 294 азамат енгізілді, оның 10 913-і дауыс берді. Жарамсыз бюллетеньдер саны – 41, "Бәріне қарсымын" белгісі бар бюллетеньдер саны - 135.
Әрбір кандидат үшін берілген дауыстар саны:
Абдикадыров А.М. – 4352;
Алигулов М.Б. – 2366;
Жексенбаев К.К. – 4010
Атамекен ауылдық округі бойынша сайлаушылар тізіміне 15 787 азамат енгізілді, оның 8588-і дауыс берді. Жарамсыз бюллетеньдер саны – 55, "Бәріне қарсымын" белгісі бар бюллетеньдер саны - 176.
Әрбір кандидат үшін берілген дауыстар саны:
Абдыкадиров Ғ.А. – 2595;
Кайнаров Е.Т. – 3215;
Кульшиков Б.Т. – 2536
Сайлау қорытындысы бойынша Маңғыстау облысы Мұнайлы ауданы Маңғыстау ауылы әкімі болып Абдикадыров Айдос Мейрамович сайланды.
Абдикадыров Айдос Мейрамович 1984 жылы туған, Мұнайлы ауданының құрылыс, сәулет және қала құрылысы бөлімі басшысының орынбасары, Маңғыстау ауылында тұрады, "Ақ жол Қазақстанның Демократиялық партиясы" қоғамдық бірлестігінің Маңғыстау облыстық филиалымен ұсынған, қазақ.
Сайлау қорытындысы бойынша Маңғыстау облысы Мұнайлы ауданы Атамекен ауылдық округі әкімі болып Кайнаров Ерлан Торебаевич сайланды.
Кайнаров Ерлан Торебаевич, 1983 жылы туған, Қызылтөбе ауылдық округінің әкімі, Маңғыстау ауылында тұрады, «AMANAT» партиясы Мұнайлы аудандық филиалымен ұсынған, қазақ.
Мұнайлы аудандық сайлау комиссиясы