2022 жылғы 15 мамырда Маңғыстау облысы Түпқараған ауданы Форт-Шевченко қаласының сайлау округі бойынша Форт-Шевченко қаласы әкімінің сайлауы өтті.
"Қазақстан Республикасындағы сайлау туралы" Қазақстан Республикасының Конституциялық Заңының 14-бабының 9 тармақшасына, 44-бабының 2-тармағына, 45-бап пен 113-10-бабына сәйкес, учаскелік сайлау комиссияларының қала әкімінің сайлауы нәтижелері туралы хаттамалары негізінде Түпқараған аудандық сайлау комиссиясы сайлау қорытындысын шығарды.
Аталған сайлау округі бойынша сайлаушылар тізіміне 4391 азамат енгізілді, оның 3302-сі дауыс берді. Жарамсыз бюллетеньдер саны – 78, "Бәріне қарсымын" белгісі бар бюллетеньдер саны - 91.
Әрбір кандидат үшін берілген дауыстар саны:
Молдабеков Б.Х. – 2499;
Сағым Ж.А. – 634;
Сайлау қорытындысы бойынша Маңғыстау облысы Түпқараған ауданы Форт-Шевченко қаласының әкімі болып өзін-өзі ұсынған Молдабеков Бауыржан Хамитұлы сайланды.
Молдабеков Бауыржан Хамитұлы 1993 жылы туған, «Форт-Шевченко қаласы әкімінің аппараты» мемлекеттік мекемесі,қала әкімінің орынбасары, Маңғыстау облысы Түпқараған ауданы Форт-Шевченко қаласының тұрғыны, қазақ.