БІРІНШІ ҚАДАМ - құрылыс салушының құжаттарын міндетті түрде тексеру.
Тұрғын үй құрылысына үлестік қатысу:
1) Бірыңғай оператордан кепілдік алу;
2) екінші деңгейдегі банктің жобаға қатысуы;
3) көппәтерлі тұрғын үйдің қаңқасы тұрғызылғаннан кейін үлескерлердің ақшасын тарту тәсілдерінің бірі арқылы ұйымдастырылады.
ЕКІНШІ ҚАДАМ - құрылыс салушымен тек ғана тұрғын үй құрылысына үлестік қатысу туралы шартын жасасу.
Тұрғын үй құрылысына үлестік қатысу туралы шарты оны әкімдікте есепке қойған кезден бастап жасалған болып есептеледі. (11-бап)
НАЗАР АУДАРЫҢЫЗ! Құрылыс салушылармен келесідей мәміле (шарт) түрлерін жасамаңыз:
- пәтерді сатып алу - сату туралы алдын ала шарты;
- тұрғын үй құрылысына үлескерлік қатысу туралы алдын ала шарт;
- брондау немесе қарыз шарты;
- тұрғын үй құрылысына үлестік қатысу туралы шартымен байланысты емес басқа да мәміле (шарт) түрлері.
Аталған шарт түрлерін жасаған жағдайда бұзылған құқықтарыңызды қалпына келтіру және кепілдеме алу мүмкіндігінен айырыласыз!
ҮШІНШІ ҚАДАМ - үлестік құрылыста орын алған қандай да бір күмәнді жағдайлар жөнінде:
- Маңғыстау облысының прокуратурасына: 42-34-10 (17);
- Маңғыстау облысының құрылыс, сәулет және қала құрылысы басқармасына: 432037;
- Ақтау қаласы әкімдігінің сәулет және қала құрылысы бөліміне: 50-47-09, 50-44-47 хабарлаңыз.