2025 жылдың бірінші жартыжылдығындағы өтініштермен жұмыстың қорытындысы туралы

2025 жылдың бірінші жартыжылдығындағы

өтініштермен жұмыстың  қорытындысы туралы

 

Жеке және заңды тұлғалардың өтініштерін қарау тәртібіне сәйкес, олардың орындалуына бақылау жұмыстары жүйелі түрде ұйымдастырылуда.

ӨТІНІШТЕРДІ ҚАРАУ БОЙЫНША БАҚЫЛАУДЫ ҰЙЫМДАСТЫРУ.

2025 жылдың бірінші жартыжылдығында облыс бойынша       26 862 өтініш тіркелді. Бұл көрсеткіш 2024 жылдың есептік кезеңімен (2024 жылдың 6 айында – 20 857 өтініш) салыстырғанда 28,8%-ға пайызға артқан

Өтініштердің сипаты бойынша: жеке тұлғалардан – 20 010; заңды тұлғалардан – 6852.

Түсу арналары бойынша: электронды түрде – 19 992; қағаз жеткізгіште – 6757; почта арқылы – 101; жеке қабылдау арқылы – 12 өтініш келіп түскен.

Өтініштер мазмұнына талдау жүргізу нәтижесінде  топ-3 сала бойынша көтерілген мәселелер келесідей:

1. Тұрғын үй-коммуналдық шаруашылық;
2. Жер қатынастары және оны пайдалану;
3. Еңбек құқықтары мен жұмысқа орналастыру мәселелері.

Аталған бағыттар бойынша аудан, қала әкімдіктеріне азаматтардың өтініштерін сапалы әрі мерзімінде қарау жөнінде тапсырмалар берілді.

2025 жылдың алғашқы жартыжылдығында Маңғыстау облысы әкімінің аппаратына жоғарғы мемлекеттік органдардан 36 тапсырма келіп түсті, оның ішінде: ҚР Президенті Әкімшілігі – 12; ҚР Үкіметі Аппараты – 7; ҚР Экология және табиғи ресурстар министрлігі – 1; ҚР Еңбек және халықты әлеуметтік қорғау министрлігі – 8; ҚР Энергетика министрлігі – 2; ҚР Парламенті Сенаты – 1; Адам құқықтары жөніндегі ұлттық орталық – 2; ҚР Ауыл шаруашылығы министрлігі Жер ресурстарын басқару комитеті – 2.

Барлық тапсырмалар белгіленген мерзімде орындалды, мерзім бұзушылықтар тіркелген жоқ. Қазіргі таңда 5 тапсырманың орындалуы жалғасуда, олардың нақты аяқталу мерзімдері белгіленген.

ОРЫНДАУШЫЛЫҚ ТӘРТІП МОНИТОРИНГІНІҢ НӘТИЖЕЛЕРІ.

2025 жылдың бірінші жартыжылдығында келіп түскен 26 862 өтініштің қорытындысы бойынша 47 өтінішке қатысты бұзушылықтар мен кемшіліктер анықталды. Атап айтқанда: 46 өтініш құзыретті органдарға белгіленген мерзімінен кеш жолданған (2024 жылдың 6 айында – 165);

1 өтініш қарау барысында мерзім бұзушылық орын алған (2024 жылдың 6 айында – 24).

        Анықталған бұзушылықтар бойынша әкімдік тарапынан тиісті қызметтік жазбалар енгізіліп, жауапты қызметкерлер тәртіптік жауапкершілікке тартылды.

        Ақпараттық жүйені жетілдіру жұмыстары.

Азаматтарға мемлекеттік қызметтер туралы өзекті және түсінікті ақпарат ұсыну мақсатында «Е-өтініш» ақпараттық жүйесінің Бірыңғай білім базасына барлығы  87 сұрақ пен жауап енгізілді. Жұмыстар толық көлемде аяқталды.   

Өтініштермен жұмыс жүргізу барысында анықталған кемшіліктер мен бұзушылықтарды болдырмау, Кодекс талаптарының сақталуын қамтамасыз ету, орындаушылық тәртіпті күшейту бағытындағы шаралар қатаң бақылауға алынды.

Облыс аумағындағы жеке және заңды тұлғалардан келіп түскен өтініштер мен жолданымдардың орындалуы тұрақты бақылауда.

 

Облыс көлемінде жоспарлы және кезектен тыс жеке қабылдауларды өткізуді ұйымдастыру бойынша

АҚПАРАТ

 

          2025 жылдың 1-жартыжылдығының көрсеткіші бойынша  Маңғыстау облысының әкімі 16 қабылдау өткізіп, жалпы саны 290  азаматты жеке қабылдады (қаңтар айында 4 қабылдау – 68 азамат, ақпан айында 2 қабылдау – 58 азамат, наурыз айында 3 қабылдау – 19 азамат, сәуір айында 2 қабылдау (ұжымдық) – 22 азамат, мамыр айында 2 қабылдау - 75 азамат, маусым айында 3 қабылдау – 48 азамат).

        Облыс әкімінің орынбасарлары тарапынан 77 қабылдау өткізіліп, 962 азаматтың мәселесі тыңдалды (облыс әкімінің бірінші орынбасары Е. Ізбергенов 8  қабылдауда – 174 азамат; облыс әкімінің орынбасары Т. Жеткізгенұлы 31 қабылдауда – 446 азамат; облыс әкімінің орынбасары А. Өрісбаев 29 қабылдауда – 250 азамат, облыс әкімінің орынбасары А.Қаныбеков 5 қабылдауда - 83 азамат, облыс әкімінің орынбасары Т. Әбішев 4 қабылдау өткізіп, 9 азамат қабылдады).

         Облыс әкімі аппаратының басшысы 1 қабылдау өткізіп,  3 азамат қабылдады.   

       

2025 жылдың 1-жартыжылдығында Маңғыстау облысы әкімдігінің Азаматтарды қабылдау орталығына 2 788 азамат жүгінді. Олардың 1 255-і облыс әкімі, облыс әкімінің орынбасарлары және аппарат басшысымен қабылданды.

• Облыстық басқарма басшыларымен 65 қабылдау өтіп, 382 азамат қабылданды;
• орталық мемлекеттік органдардың аумақтық департаменттерінің басшылықтарымен 11 қабылдау ұйымдастырылып, 91 азамат қабылданды;
• қала және аудан әкімдіктерімен 13 қабылдауда 132 азамат қабылданды;
• прокуратура өкілдерінің қатысуымен 3 қабылдауда 74 азаматтың мәселесі тыңдалды;
• 585 азамат кеңес алды;
• 269 азамат жазбаша түрде өтініш білдірді.

          Қала және аудандарда орналасқан Азаматтарды қабылдау орталықтарында есептік кезеңде 6957 келуші тіркеліп, 3253 азаматқа кеңес берілген, өзіне-өзі қызмет көрсету бұрышында 548 өтініш қабылданған, 404 жеке қабылдау ұйымдастырылған және 3156 азамат қабылданған.

        Жүгінушілер арасында өте жиі көтерілетін ТОП мәселелер тізбесі:

• Тұрақты жалақысы жоғары жұмысқа орналасу мәселесі - 35%;
• Үлестік құрылыстың жалпы мәселелері – 30%;
• Еңбек қатынастары – 14%;
• Әлеуметтік бағыттағы мәселелер (материалдық әлеуметтік қолдау, денсаулық, білім) – 10%;
• Тұрғын үй, коммуналдық, тұрмыстық мәселелер – 8%

 

                ТОП жүгінуші ұжымдық топтар:

        1) Тұрғын үй құрылысының үлескерлері (салымшылары) – Ақтау және Жаңаөзен қаласы;

        2) «Мөлдір Мұнай Сервис» ЖШС ұжымы – Жаңаөзен қаласы;

        3) «Mangystau Oil Refining» ЖШС ұжымы – Ақтау қаласы;

        4) Автонесие мәселесі бойынша жүгінушілер;

        5) Жұмыссыз азаматтар тобы (Қарақия, Мұнайлы, Жаңаөзен). 

 

           Қала және аудан әкімдіктеріндегі қабылдау жиілігі және қабылданған азаматтар саны туралы ақпарат:

 

1. Ақтау қаласының әкімі бірінші жартыжылдық қорытындысы бойынша 9 қабылдау өткізіп, 213 азамат қабылдаған (реестрде қабылдау күтуші кезектегілер саны – 220)

• Әкімнің орынбасарларымен 11 қабылдау өткізіліп, 44 азаматтың мәселесі тыңдалған.
• Ауыл әкімі тарапынан 14 қабылдау өткізіп, 14 азамат қабылданған (Ақтау қаласының әкімшілік аумағында 1 ғана – Өмірзақ ауылы бар);

 

2. Жаңаөзен қаласының әкімі 10 қабылдау 94 азамат қабылдаған; (реестрде қабылдау күтуші кезектегілер саны – 403)

• Әкімнің орынбасарлары 43 қабылдау өткізіп, 531 азамат қабылдаған;
• Ауыл әкімдері тарапынан (Рахат, Теңге, Қызылсай, Кендерлі) 30 қабылдау жүргізіліп, 62 азаматтың мәселесі тыңдалды.

 

3. Бейнеу ауданының әкімі 29 қабылдау өткізіп, 154 азаматтың мәселесін тыңдаған;

• Аудан әкімінің орынбасарлары тарапынан 32 қабылдау жүргізіліп, 38 адам қабылданған;
• Ауыл әкімдері (Бейнеу, Боранқұл, Ақжігіт, Сыңғырлау, Сарға, есет, Сам ауылдық округі, Тұрыш, Төлеп, Тәжен) 283 қабылдау өткізіп, 283 азаматтың мәселесі тыңдалған.

 

4. Қарақия ауданының әкімі есептік кезеңде 12 қабылдау өткізіп, 129 адам қабылдаған.

• Әкімнің орынбасарларымен 43 қабылдауда 144 азамат қабылданған.
• Ауыл әкімдері 14 қабылдау жүргізіп, 24 азаматтың мәселесін тыңдаған.

 

5. Маңғыстау ауданының әкімі 20 қабылдау жүргізіп, 150 азаматты жеке қабылдаған.

• Аудан әкімінің орынбасарлары 74 қабылдау жүргізіп, 93 адам қабылдаған;
• Ауыл әкімдері (Шетпе, Жармыш, Қызан, Ақшымырау, Шайыр, Жыңғылды, Шебір, Тұщықұдық, Сайөтес а.о, Отпан а.о, Онды а.о, Ақтөбе а.о) 156 қабылдау өткізіп, 158 азаматты қабылдаған.

 

• Мұнайлы ауданының әкімі жыл басынан 59 қабылдау өткізіп, 446 азаматты жеке қабылдаған;

 

• Аудан әкімінің орынбасарлары тарапынан 64 қабылдауда, 120 азаматтың мәселесі тыңдалған;
• Ауыл әкімдері (Маңғыстау ауылы, Баянды ауылы, Қызылтөбе ауылдық округі, Атамекен ауылдық округі, Дәулет ауылдық округі, Басқұдық ауылдық округі, Батыр ауылдық округі) 134 қабылдау өткізіп, 191 азаматты жеке қабылдаған.

 

6. Түпқараған ауданының әкімі бірінші жартыжылда 45 қабылдауда 296 азаматты жеке қабылдаған; (реестрде қабылдау күтуші кезектегілер саны – 2)

• Аудан әкімінің орынбасарлары 29 қабылдауда 44 азаматты қабылдаған;
• Ауыл әкімдерімен 35 қабылдау өткізіліп 143 азамат жеке қабылданған.

 

Осылайша жүргізілген жұмыстардың нәтижесі бойынша азаматтардың өтініштерін уақтылы әрі сапалы қарау, барлық деңгейде жеке және ұжымдық қабылдауларды ұйымдастыру, халықтың өзекті мәселелеріне жедел әрекет ету облыс әкімдігі мен жергілікті атқарушы органдардың басты міндеттерінің бірі болып қала береді.

Бұдан әрі де билік органдарының ашықтығы мен қолжетімділігін арттыруға, азаматтарды қабылдау форматын жетілдіруге, өтініштермен жұмыстың ашықтығын қамтамасыз етуге және орындаушылық тәртіпті қатаң сақтауға ерекше назар аударылатын болады.

Халықпен өзара іс-қимылды жетілдіру және өзекті мәселелерді шешу бағытындағы жұмыс жүйелі түрде жалғасын табады.

Дата публикации

14 июля 2025