2024 жылғы 31 наурызда Маңғыстау облысының 5 сайлау округтерінде (Ақтау қаласы мен Бейнеу, Маңғыстау аудандарда) болатын мәслихаттардың шығып қалған депутаттарының орнына сайлауға кандидаттарды ұсыну аяқталды.
Сайлау науқанының барысында 22 - кандидат ұсынылды. Оның 8-і саяси партиялардан, 14-і өзін-өзі ұсынды.
Ұсынылған кандидаттар ішінде 18 – ер адам және 4 – әйел адам.
13 кандидат Қазақстан Республикасы саяси партияларының мүшесі болып табылады, 3 - партия қатарында жоқ, 6 - партияға тиесілігін көрсетпеген.
Орташа жас - 43 жас. Ұсынылған барлық кандидаттардың ұлты қазақ.
22 кандидаттың да жоғары білімі бар.
Кандидаттардың 6 мемлекеттік мекемелерде, ұйымдарда; 8 - коммерциялық құрылымдарда жұмыс жасайды; 2 - саяси партиялар мен ҮЕҰ қызметкерлері, 2 - уақытша жұмыс істемейтіндер, 4 - жұмыспен қамтудың өзге топтарының өкілдері.
Қазіргі уақытта мәслихаттардың шығып қалған депутаттарының орнына кандидаттарды тіркеу жалғасуда, 2024 жылғы 29 ақпандағы жағдай бойынша округтік сайлау комиссиялары 16 кандидатты тіркеді.
Тіркеудің аяқталу мерзімі - а.ж. 5 наурыз сағат 18.00.
Тіркеу аяқталған сәттен бастап кандидаттар сайлау алдындағы үгітке кіріседі, ол 30 наурыз күнгі сағат 00.00-ге дейін жалғасады.
Сілтемелер: