15.02.2021-ғы № 01-01/15 Маңғыстау облысы әкімдігінің жанындағы сыбайлас жемқорлыққа қарсы іс-қимыл мәселелері жөніндегі комиссия отырысының ХАТТАМАСЫ

15.02.2021-ғы № 01-01/15

Маңғыстау облысы әкімдігінің жанындағы сыбайлас жемқорлыққа қарсы іс-қимыл мәселелері жөніндегі комиссия отырысының

ХАТТАМАСЫ

 

Ақтау қ.                                                                                     15 ақпан 2021 жыл

 

Төрағалық еткен: С.Ө. Трұмов – Маңғыстау облысының әкімі.

Қатысқандар: Комиссия мүшелері, қалалар мен аудандар әкімдері, шақырылғандар (тізім бойынша)

 

Күн тәртібі:

 

1. Сервистік әкімдіктер мен өзіне-өзі қызмет көрсету бұрыштары қызметтерінің жұмыс барысы туралы.
2. Сыбайлас жемқорлықты қабылдау индексі бойынша халықаралық ұйымдардың жүргізген әлеуметтік зерттеулерінің нәтижелері туралы.

 

1. Сервистік әкімдіктер мен өзіне-өзі қызмет көрсету бұрыштары қызметтерінің жұмыс барысы туралы

                                                                                                                          

(С. Трұмов, Н. Қилыбай, Р. Елтизаров, Т. Жұмағұлов)

 

1. Ақтау қаласының әкімі Н.Қилыбайдың және Мұнайлы ауданының әкімі Р.Елтизаровтың баяндамалары назарға алынсын.

 

2. Қалалар мен аудандар әкімдері, облыстық басқармалардың басшылары:

1) карантин режимі кезінде тұрғындарды онлайн қабылдау және олардың сауалдарына тікелей эфирде жауап беру форматын тұрақты жалғастырсын;

2) өзіне өзі қызмет көрсету бұрыштарының жұмыс регламентіне сәйкес үзіліссіз жұмыс жасап тұруын  қамтамасыз етсін, халыққа қолжетімді, ашық болуын тұрақты түрде қатаң бақылау жасасын;

3) қалалар мен аудандарда өзіне өзі қызмет көрсету бұрыштарын көбейту, мемлекеттік, бюджеттік мекемелерде оның ішінде, халық көп шоғырланатын орындарда, кәсіпкерлік нүктелерінде орналастыруды ұйымдастырсын;

4) өзіне өзі қызмет көрсету бұрыштарының орналасқан мекенжайлары, мемлекеттік көрсетілетін қызметтер және сенім телефондары бойынша тиісті ақпаратты мекеменің интернет-ресурстарына әрдайым жариялап отыруды және тұтынушылардың ақпаратқа қол жетімділігін қамтамасыз етсін;

5) мемлекеттік көрсетілетін қызметтер тізілімінде электронды түрде алуға мүмкін бола тұра, «Электронды үкімет» веб-порталында қолжетімді емес мемлекеттік көрсетілетін қызметтерге тұрақты түрде талдау жүргізіп, құзырлы органдарға проблемалық мәселелерді шешу ұсыныстары жолдансын.

 

Мерзімі – 2021 жылғы 31 наурыз, одан әрі ұдайы

 

2. Сыбайлас жемқорлықты қабылдау индексі бойынша халықаралық ұйымдардың жүргізген әлеуметтік зерттеулерінің нәтижелері туралы

(С. Трұмов, Қ. Мырзағали)

 

1. ҚР Сыбайлас жемқорлыққа қарсы іс-қимыл агенттігінің Маңғыстау облысы бойынша департаменті басшысының бірінші орынбасары Қ. Мырзағалидің баяндамасы назарға алынсын.

 

2. Облыс әкімі аппаратының басшысы Н.Тәжібаев:

Сыбайлас жемқорлықты қабылдау индексі бойынша халықаралық ұйымдардың жүргізген әлеуметтік зерттеулерінің нәтижелерін облыс әкімдігіне қарасты барлық мемлекеттік органдарға жолдансын.

 

Мерзімі – 2021 жылғы 20 ақпан

 

3. Қалалар мен аудандар әкімдері, облыстық басқармалардың басшылары:

1) сыбайлас жемқорлықты қабылдау индексі бойынша халықаралық ұйымдардың жүргізген әлеуметтік зерттеулерінің нәтижелерін қаперге алсын және көрсетілген кемшіліктер бойынша талдау жүргізілсін;

2) ведомстволық бағынысты квазимемлекеттік секторларда комплаенс-қызметтер институты мен ISO 37001 сыбайлас жемқорлыққа қарсы халықаралық стандартын енгізу мүмкіндіктері қарастырылсын;

3) «Ашық бюджеттің интерактивті картасы» жобасы бойынша жұмыстарды жандандырсын, бюджеттік жоспарлар www.publicbudget.kz сайтына орналастырылсын.

 

Мерзімі – 2021 жылғы 31 наурыз

 

4) халыққа қажетті ақпараттар мен құқықтық көмектер беру мақсатында Сыбайлас жемқорлыққа қарсы іс-қимыл агенттігінің Маңғыстау облысы бойынша департаментімен бірлесе «Адал көмек», «Antikor LIVE» жобалары жүзеге асырылсын және облыстық, қалалық және аудандық деңгейде «Адалдық алаңы» жобалық кеңсесінің әлеуметтік желісі арқылы ұйымдастырылсын.

 

Мерзімі – 2021 жылғы 31 наурыз, одан әрі тұрақты

 

4. Облыс әкімінің орынбасары Г. Қалмұратова, Маңғыстау облысының мәдениет, тілдерді дамыту және архив ісі басқармасы, қалалар мен аудандар әкімдері:

облыстық, қалалық, аудандық және ауылдық деңгейдегі мәдениет үйлерінде, кітапханаларда «Парасат жолы» бұрыштарын ашу жұмыстары жүргізілсін.

Мерзімі – 2021 жылғы 31 наурыз

5. Облыс әкімінің орынбасары Н. Аққұлов, Маңғыстау облысының энергетика және тұрғын үй-коммуналдық шаруашылық басқармасы, Ақтау қаласының әкімі Н.Қилыбай:

тұрғын үй саласында Нұр-Сұлтан қаласының «I-қала» тәжірибесін енгізу бойынша ұсыныс енгізілсін.

 

Мерзімі – 2021 жылғы 31 наурыз

 

6. Аудан әкімдері:

Аудан орталығынан шалғай орналасқан халық көп шоғырланған ауылдарда сервистік әкімдіктерін ашу мүмкіндіктері қарастырылсын.

 

Мерзімі – 2021 жылғы 31 наурыз

 

7. Маңғыстау облысының ішкі саясат басқармасы, қалалар мен аудандар әкімдері:

сыбайлас жемқорлыққа қарсы әлеуметтік тәрбиелік маңызы бар бейнероликтер түсіру, оларды жергілікті телеарналардан көрсету және халық көп шоғырланатын қоғамдық орындарда мурал, билбордтар орналастыру мүмкіндікткері қарастырылсын.

 

Мерзімі – 2021 жылғы 31 наурыз, одан әрі тұрақты

 

8. Маңғыстау облысының ішкі саясат басқармасы:

«Адалдық алаңы» телебағдарлама айдарының тұрақты жұмыс жасауын қамтамасыз ету мүмкіндіктерін қарастырсын.

 

Мерзімі – 2021 жылғы 31 наурыз

 

9. Маңғыстау облысының мәдениет, тілдерді дамыту және архив ісі басқармасы:

өңірдің танымал тұлғалары, қоғам қайраткерлері мен ойшылдарына арналған тақырыпта «Адалдық сағаты» бейнедәрісін ұйымдастырсын.

 

Мерзімі – 2021 жылғы 31 наурыз, одан әрі тұрақты

 

 

Осы хаттаманың орындалуын бақылау облыс әкімі аппаратының мемлекеттік-құқықтық жұмыс және құқық қорғау органдарымен өзара    іс-қимыл бөліміне жүктелсін.

 

 

Маңғыстау облысының әкімі                                           С. Трұмов

Дата публикации

24 мая 2021