Бағдарлама атауы

2024 жылға арналған «Маңғыстау жастары» тұрғын үй алу үшін жеңілдетілген несиелеу бағдарламасы (бұдан әрі – Бағдарлама)

Әзірлеу үшін негіздеме

Қазақстан Республикасы Бюджет кодексінің 180-бабы, «Мемлекеттік жастар саясаты туралы» Қазақстан Республикасы Заңының 4-бабының 5) тармақшасы және 19-бабы, Қазақстан Республикасы Үкіметінің 2023 жылғы 28 наурыздағы № 247 «Қазақстан Республикасының Мемлекеттік жастар саясатының 2023-2029 жылдарға арналған тұжырымдамасын бекіту туралы» қаулысы

Бағдарламаны әзірлеуші мемлекеттік орган

«Маңғыстау облысының жастар саясаты мәселелері жөніндегі басқармасы» мемлекеттік мекемесі

Бағдарламаны іске асыруға жауапты ұйымдар

«Маңғыстау облысының жастар саясаты мәселелері жөніндегі басқармасы» мемлекеттік мекемесі;

«Отбасы банк» тұрғын үй құрылыс жинақ банкі» акционерлік қоғамы (бұдан әрі – Банк) (келісім бойынша)

Бағдарламаның мақсаты

Өңір жастарын қолжетімді тұрғын үймен қамтамасыз ету және жас отбасыларға қолдау көрсету

Бағдарламаның міндеті

1)   Жұмыс істейтін жастар үшін тұрғын үйге қолжетімділігі мен жайлылығын арттыру;

2)   тұрғын үй құрылысын ынталандырудың жаңа тәсілдерін әзірлеу және оған қолданыстағы бағдарламалардағы тұрғын үй мәселелерін интеграциялау;

3)   қолжетімді тұрғын үй бағдарламасын ұсыну арқылы өңірдің еңбек нарығында сұранысқа ие жас мамандарды ынталандыру.

Қаржыландыру көздері мен көлемі

Жергілікті бюджет және «Отбасы банк» тұрғын үй құрылыс жинақ банкі» акционерлік қоғамының қаражаты есебінен