Маңғыстау облысының жолаушылар көлігі және автомобиль жолдары басқармасы

Басқарма жолаушы көлігі саласындағы және автомобиль жолдары мен жол қызметі саласындағы мемлекеттік саясатты іске асыруды қамтамасыз етеді.

Басқарма жолаушылар мен багажды облысаралық, қалааралық, ауданаралық (облысiшiлiк қалааралық) тұрақты тасымалдауды ұйымдастырады, оларға қызмет көрсету құқығына конкурстар өткiзедi.

Басқарманың негізгі міндеттеріне, сондай-ақ, Қазақстан Республикасының рұқсаттар және хабарламалар туралы заңнамасына сәйкес лицензиялау және өздiгiнен жүзетін шағын көлемдi кемелердi басқару құқығына куәлiктер беру жатады.

Сонымен қатар, Басқарманың құзыреттілігіне облыстық маңызы бар, жалпыға ортақ пайдаланылатын автомобиль жолдарының желісін, елді мекендер көшелерін басқару және облыстық маңызы бар, жалпыға ортақ пайдаланылатын автомобиль жолдарын, көшелерді салу, реконструкциялау, жөндеу және күтіп-ұстау жөніндегі жұмыстарды Қазақстан Республикасының мемлекеттік сатып алу туралы заңнамасына сәйкес ұйымдастыру кіреді. Бұл құрылымдық бөлімше байланыс операторларына Қазақстан Республикасының заңдарында белгіленген тәртіппен тиісті шығыстарды өтей отырып, абоненттерге тегін қосуды ұсыну үшін байланыс операторларымен бірлесіп, әлеуметтік мәні бар объектілердің тізбесін айқындайды.