2019 жылдың 12 айының қорытындысы бойынша автомобиль көлігімен 17,6 млн. жолаушы тасымалданды, бұл 2018 жылғы сәйкес көрсеткіштен 4% – ға артық (2018 ж. - 16,9 млн.жолау.) және 2,6 млн. тонна жүк тасымалданған, бұл 2018 жылғы сәйкес көрсеткіштен 5% – ға артық 2018 ж. – 2,4 млн.тонна).
Маңғыстау облысында 30 автокәсіпорын жолаушылар тасымалымен айналысады, оның ішінде 6 қалалық, 7 ауданаралық (қалааралық облысішілік), 16 ауданішілік, 1 облысаралық маршруттарға қызмет көрсетеді.
Автомобиль көлігімен жолаушыларды тасымалдау 49 тұрақты маршрутта жүзеге асырылады, оның ішінде: қалалық (қала маңындағы) - 18, ауданаралық (облысішілік қалааралық) – 13, ауданішілік – 17, қалааралық облысаралық – 1. Облыс маршруттарында 400-ге жуық автобус жұмыс істейді.
Облыста 1 000-нан астам адам тұратын 58 елді мекеннің 16,6 % тұрақты автобус қатынасымен қамтылмаған.
Облыс аумағында:
- 3 автостанция: Ақтау, Жаңаөзен қалаларында және Шетпе селосында;
- 1 автовокзал: Бейнеу селосында бар.