Қазақстан Республикасының Ақпарат және қоғамдық даму министрінің 2022 жылғы 26 қыркүйектегі № 406 бұйрығымен бекітілген Мемлекеттік гранттарды қалыптастыру, беру, мониторингтеу және олардың тиімділігін бағалау қағидаларының 9-тармағына сәйкес, БҰЙЫРАМЫН:
- Қоса беріліп отырған Үкіметтік емес ұйымдар үшін 2023 жылға арналған мемлекеттік гранттардың басым бағыттарының тізбесі (бұдан әрі – Тізбе) бекітілсін.
- Маңғыстау облысының кәсіпкерлік және сауда басқармасының жоспарлау және мемлекеттік қызметтер бөлімі осы бұйрыққа қол қойылған күннен бастап бес жұмыс күні ішінде Тізбені Маңғыстау облысының кәсіпкерлік және сауда басқармасының интернет-ресурсында орналастыруды қамтамасыз етсін.
- Маңғыстау облысының кәсіпкерлік және сауда басқармасының жоспарлау және мемлекеттік қызметтер бөлімі Қазақстан Республикасының заңнамасында белгіленген тәртіппен осы бұйрықтан туындайтын өзге де шараларды қабылдауды қамтамасыз етсін.
- Осы бұйрықтың орындалуын бақылау Маңғыстау облысының кәсіпкерлік және сауда басқармасының жоспарлау және мемлекеттік қызметтер бөлімінің басшысына жүктелсін.
- Осы бұйрық қол қойылған күнінен бастап күшіне енеді.
Басқарма басшысы Ж. Тоқбаева