«Маңғыстау облысының кәсіпкерлік
және сауда басқармасы» мемлекеттік
мекемесіне сыбайлас жемқорлық
тәуекелдеріне ішкі талдау жүргізу туралы
Қазақстан Республикасының 2015 жылғы 18 қарашадағы № 410 V ҚРЗ «Сыбайлас жемқорлыққа қарсы іс-қимыл туралы» Заңының 8 бабының 5 тармағына және Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» бұйрығына сәйкес, БҰЙЫРАМЫН:
- «Маңғыстау облысының кәсіпкерлік және сауда басқармасы» мемлекеттік мекемесінің (бұдан әрі – Басқарма) 2025 жылдың қорытындысы бойынша атқарылған жұмысының сыбайлас жемқорлық тәуекелдеріне ішкі талдау (бұдан әрі – Ішкі талдау) 2026 жылдың 15 маусымынан бастап 15 шілдесі аралығында жүргізілсін.
- Сыбайлас жемқорлыққа қарсы іс-қимыл жөніндегі жұмысты және сыбайлас жемқорлық тәуекелдеріне ішкі талдауды ұйымдастыруға жауапты болып басқарма басшысының орынбасары Е.Базар бекітілсін.
- Басқарма қызметіндегі сыбайлас жемқорлық тәуекелдеріне ішкі талдауды жүргізуге жауапты жұмыс тобы осы бұйрықтың қосымшасына сәйкес құрамда құрылсын.
- Ішкі талдауды жауапты Жұмыс тобы Басқармаға және оның құрылымдық бөлімшелеріне, олардың қызметін қозғайтын нормативтік құқықтық актілерде сыбайлас жемқорлық тәуекелдерін анықтау және ұйымдастырушылық-басқарушылық қызметіндегі сыбайлас жемқорлық тәуекелдерін анықтау бағыттары бойынша жүзеге асырсын.
- Осы бұйрықтың орындалысын бақылау басқарма басшысының орынбасары Е.Базарға жүктелсін.
Басқарма басшысы П.Сансызбаев