Маңғыстау облысында статистика деректері бойынша 61 елді мекен бар. Оның ішінде Өмірзақ ауылы Ақтау қаласының құрамына кіреді, және Қарақия ауданының Бостанқұм, Төлеп ауылдарына тұрғындарының саны 50 адамнан кем болуына және келешексіз деп табылуына байланысты бас жоспарларды әзірлеу тиімсіз деп шешім қабылданды. Осыған байланысты бұл елді мекендерге бас жоспарлар әзірленген жоқ.

Облыс бойынша бас жоспарлармен қамтамасыз етілуге тиіс 58 елді мекен бар. Оның ішінде: 2 облыстық маңыздағы қала, 1 аудандық маңыздағы қала құрамындағы 2 елді мекенімен, 15 тұрғындарының саны бес мың адамнан асатын және 38 тұрғындарының саны бес мың адамға дейінгі елді мекен бар.

Қазіргі таңда облыстың барлық елді мекендері 100 % бекітілген бас жоспарлармен немесе даму және құрылыс салу схемалармен (бас жоспардың оңайландырылған нұсқасы)  қамтылған.

Ақтау қаласының бас жоспары 2012 жылы ҚР Үкіметінің қаулысымен бекітілген, қаланың аумағы 28 927 га құрайды. Бекітілген бас жоспары негізінде жаңа шағын аудандарының егжей-тегжейлі жоспарлау жобалары (бұдан әрі – ЕЖЖ) әзірленді. Бас жоспарға сәйкес, тұрғын үй құрылысының ауданы 2830 га, ал өнеркәсіптік аймақтың ауданы 5600 га құрайды.

Қазіргі таңда Ақтау қаласы бойынша 15 ЕЖЖ жобасы әзірленіп бекітілді:

Оның ішінде 18 жаңа шағын аудан, 2 рекреациялық аймақ, қаланың қолданыстағы бөлігінің екі ЕЖЖ-сы (3 шағын ауданының ЕЖЖ, 4-тен 14 шағын аудан аралығындағы жағалау аймағының ЕЖЖ), өнеркәсіптік аймақ ЕЖЖ және қаланың дамуна «Жаңа қалалық орталығының егже-тегжейлі жобалау жоспары» бекітілді (құрамында 13 жаңа шағын ауданы бар, аумағы 865 га құрайды).

Жаңаөзен қаласының бас жоспары 2012 жылы бекітілген, қаланың аумағы 7084 га құрайды. Қалаға қарасты Рахат және Теңге ауылдары ЕЖЖ-мен қамтылған.

Аудан орталықтары мен тұрғындарының саны бес мың адамнан асатын елді мекендер 2013-2015 жылдары ЕЖЖ-мен біріктірілген бас жоспарлармен қамтылған, сондықтан ЕЖЖ әзірлеуді талап етпейді.

Сонымен бірге, Қазақстан Республикасының Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетіне ведомствовалық бағынысты ұйым «Мемградкадастр» РМК-ға қатысты Маңғыстау облысында "Мемградкадастр" РМК филиалы (бұдан әрі - филиал) ашылды. Филиал Маңғыстау облысының қалалар және аудандардың барлық жер үсті және жер асты инфрақұрылымдарына түгендеу жүргізу жұмыстарын жүргізетін болады. Қазіргі таңда Ақтау қаласының 800 га аумағына иженерлік коммуникацияларға түгендеу жүргізіп жатыр.