Мүгедектігі бар мұқтаж адамдарды оңалтудың техникалық құралдары және қызметтерімен қамтамасыз ету туралы 2022 жылдың 5 айы бойынша
Мүгедектігі бар мұқтаж адамдарды оңалтудың техникалық құралдары және қызметтерімен қамтамасыз ету туралы 2022 жылдың 5 айы бойынша
Бүгінгі күні (13.06.2022 жылғы жағдай бойынша) Маңғыстау облысында 29 987 мүгедектігі бар адам тіркелген. Оның ішінде І топ – 2 589, ІІ топ – 11 937, ІІІ топ – 8 659, мүгедек балалар саны – 6 802 (оның ішінде І топ – 577, ІІ топ – 1 128, ІІІ топ – 2 664). Анықтама үшін: 7-18 жас аралығындағы балаларға мүгедектік топтары беріледі.
Мүгедектігі бар адамдар жеке оңалту бағдарламасының негізінде мемлекет тарапынан оңалтудың техникалық құралдары және оңалту қызметтерімен қамтамасыз етіледі.
2022 жылдың 1 маусымындағы жағдай бойынша 7 147 мүгедектігі бар адам Әлеуметтік қызметтер порталы арқылы оңалтудың техникалық құралдары және оңалту қызметтерімен қамтамасыз етілді. Бұл барлық келіп түскен өтініштің (13 261 өтініш) 53,9%-ын құрайды (2022 жылға жоспар – 85%). Атап айтқанда:
1) протездік-ортопедиялық құралдармен 586 (немесе 26,6%);
2) сурдотехникалық құралдармен 204 (немесе 53,4%);
3) тифлотехникалық құралдармен 738 (немесе 75,4%);
4) арнаулы жүріп-тұру құралдарымен 234 (немесе 63,1%);
5) міндетті гигиеналық құралдарымен 2 972 (немесе 85,3%);
6) санаторий-курорттық емделу қызметімен 772 (немесе 18,5%);
7) жеке көмекшінің қызметімен 1 500 (немесе 98,9%);
8) ымдау тілі маманының қызметімен 141 (немесе 93,4%) мүгедектігі бар адам қамтамасыз етілді.
Қазіргі таңда мүгедектігі бар адамдармен Әлеуметтік қызметтер порталында тапсырыстар беру жұмыстары жүргізіліп жатыр. Бұл бағыттағы жұмыстар күнделікті түрде жалғасады.