Әлеуметтік көмектер бөлімінің
2020 жылы атқарылған жұмыстар туралы ақпарат
Атаулы әлеуметтік көмек туралы
2020 жылғы 1 қаңтардан бастап енгізілген көп балалы отбасыларды, аз қамтылған отбасыларды мемлекеттік қолдау тәсілдерін жүзеге асыру мақсатында тиісті шаралар қамтамасыз етілуде.
Облыс бойынша 2020 жылы жаңа форматтағы атаулы әлеуметтік көмекті көрсетуге республикалық бюджеттен 2 025,5 млн.теңге, жергілікті бюджеттен 198,8 млн.теңге, кепілдендірілген әлеуметтік топтамамен қамтамасыз етуге республикалық бюджеттен 258,0 млн.теңге, жергілікті бюджеттен 14,8 млн.теңге бөлінген.
2021 жылдың 1 қантар жағдайына атаулы әлеуметтік көмек алушы 4 110 отбасына (22 155 адам) 1 915,2 млн.теңге қаражат тағайындалып, төленді.
Оның ішінде шартсыз атаулы әлеуметтік көмек 848 отбасыға (3451 адам) 444,0 млн.теңге; шартты атаулы әлеуметтік көмек – 3262 отбасыға (18 704 адам) 1 471,2 млн.теңге төленді.
Шартты ақшалай көмек алған отбасылардағы 18 704 адамның ішінен еңбекке қабілетті жастағылар саны – 5 821 адам. Оның ішінде 670 адам жұмыссыздар, 3 352 адам көмек тағайындалған кезде жұмыс жасап жүргендер, бала күтіміндегі адамдар саны 1 705, өзін-өзі жұмыспен қамтығандар 49, басқалар 44 адам. Еңбекке қабілеттілердің қатарынан 762 адам жұмыспен қамтудың белсенді шараларына тартылды.
Оның ішінде:
Тұрақты жұмыстарға - 340 адам;
Уақытша жұмыстарға – 401 адам;
Қысқа мерзімді курстарға – 11 адам;
Қайтарымсыз грантпен – 10 адам қамтылды.
Әлеуметтік кепілдендірілген топтама туралы
Атаулы әлеуметтік көмек алатын отбасылардың 1 жастан 18 жасқа дейінгі балаларына 2020 жылғы 1 қаңтардан бастап кепілдік берілген әлеуметтік топтама ұсынылды.
1 – 6 жастағы мектепке дейінгі балалар үшін: азық түлік жиынтығы (ай сайын) және тұрмыстық химия тауарлары (тоқсан сайын).
2020 жылы облыс бойынша атаулы әлеуметтік көмек төлеудің жаңа тетіктеріне сәйкес 3 475 отбасындағы 5 776 балаға азық-түлік топтамасы мен гигиеналық топтамасы берілді.
Мемлекет басшысының тапсырмасына сәйкес азық-түлік топтамасы мен тұрмыстық құралдар сатып алу үшін екі айлық есептік көрсеткіштен төмен емес (5567 теңгеден) әлеуметтік көмек көрсету халықтың осал топтарына жататын қарастырылды:
1) атаулы әлеуметтік көмек алатын отбасылардың 6 жастан 18 жасқа дейінгі балаларына;
2) тұрақты негізде медициналық-әлеуметтік мекемелерде тұратын мүгедектерді және бас бостандығынан айыру орындарындағы мүгедектерді қоспағанда, барлық жастағы бірінші, екінші және үшінші топтағы мүгедектерге;
3) тұрақты негізде медициналық-әлеуметтік мекемелерде тұратын мүгедектерді және бас бостандығынан айыру орындарындағы мүгедектерді қоспағанда, он алты жасқа дейінгі мүгедек балаларға;
4) мүгедек баланың күтімімен айналысатын ата-аналарға;
5) халықты жұмыспен қамту мәселелері жөніндегі жергілікті органда тiркелген жұмыссыздарға.
Елімізде төтенше жағдай енгізілген кезінде облыс бойынша жоғарыда көрсетілген санаттарға әлеуметтік көмек төленген, барлығы 48 220 адам 774,3 млн.теңгеге қамтылды.
Жергілікті бюджеттен берілетін қосымша әлеуметтік көмектер туралы
Жергілікті атқарушы органдар тарапынан жекелеген санаттағы азаматтарға, соның ішінде мүгедектерге жыл сайын мерекелер мен атаулы даталарға – Наурыз мейрамы, Қазақстан халқының бірлігі күні, Конституция күні, Халықаралық мүгедектер күні, Тәуелсіздік күні құрметіне 5 (бес) айлык есептік көрсеткіш (АЕК) мөлшерінде әлеуметтік көмек төленеді (Ақтау қаласы мен Мұнайлы ауданында – 12 025 теңге мөлшерінде төленеді).
Мерекелік күндерге және атаулы даталарға 2 424,9 млн.теңге көлемінде халықтың әлеуметтік осал топтарына жататын 66 321 азаматтарға біржолғы материалдық көмек төленді.
Соның ішінде 27 997 мүгедек және мүгедек балаларға мерекелік күндерге 1 828,0 млн.теңге көлемінде әлеуметтік көмек көрсетілді.
Әлеуметтік жағдайы төмен және халықтың осал топтары үшін өмірлік қиын жағдай туындаған кезде біржолғы материалдық көмек көрсету көзделген, 4196 адамға 132,1 млн.теңге көлемінде қаржылай көмек көрсетілді.
Мүгедек балаларға үйде оқытуға жұмсалған шығындарды өтеу үшін әлеуметтік көмек ай сайын 5 АЕК мөлшерінде беріледі. 2021 жылдың 1 қантарға 471 мүгедек бала 67,0 млн.теңге төленді.
Жергілікті өкілетті органдардың шешімімен жоғары оқу орнындағы оқу ақысын төлеуге әлеуметтік көмек (әлеуметтік көмек) көзделген.
Қазақстан Республикасының жоғары оқу орындарында оқитын халықтың әлеуметтік осал топтарының қатарындағы 500 студенттерге 352,5 млн. теңге сомасында әлеуметтік көмек көрсетілді.
Аз қамтылған отбасылардың коммуналдық қызметтерді және телекоммуникация желісіне қосылған телефон үшін абоненттік төлемақы шығындарының жол берілген шекті шамасының арасындағы айырма ретінде төленетін көмек – тұрғын үй көмегі қарастырылған.
2020 жылы 60,9 млн. теңгеге 1 527 отбасына (2 741 азаматқа) тұрғын үй көмегі төленді.
Көп балалы және жалғызбасты аналардың паспортын жасақтау туралы
Облыс әкімімен аппараттық жиналыста көп балалы және жалғызбасты аналардың әлеуметтік паспортын жасақтап, бірыңғай базаға енгізу жөнінде 2020 жылдың 6 маусымына дейін тапсырма берілген болатын. Жалпы саны 1977 көп балалы және жалғызбасты аналардың тізімі жасақталды.
Жасақталған әлеуметтік паспорттарына тоқсан сайын мониторинг жүргізіліп, қосымша анықталған отбасылар тізімге қосылады. Қазіргі таңда 2 274 көп балалы және жалғызбасты отбасылардың тізімі қалыптастырылып, оның ішінде көп балалы отбасылар - 1564, жалғызбасты аналар - 388, ажырасқандар - 279, асыраушысынан айырылған отбасылар – 38, жолдасы бас бостандығынан айырылғандар – 5.
Әлеуметтік паспортта аз қамтылған, мұқтаж аналардың мәселелері, оларға жан-жақты, көрсетілген көмектер бойынша мәлімет жинақталған. Әр бағыт бойынша құзырлы мекемелерден мәліметтер алынды. Барлық аудан, қала әкімдіктер тарапынан паспорттардың 16 бағыты бойынша толық мәліметтері енгізілді.
«Е-халық» ақпараттық жүйесіне (АЖ) өмірлік қиын жағдайға тап болған отбасылар туралы
Отбасының сандық әлеуметтік картасын қолдану мәселесі бойынша облыста 2020 жылы 1 маусымына ақпараттық жүйеде қайта тексеру кезінде қиын өмірлік жағдайға тап болған 47 отбасы анықталды. Өмірлік қиын жағдайға тап болған отбасылардың басым бөлігі Ақтау қаласы мен Мұнайлы ауданында тіркелген. Алайда, отбасылардың тізімдерін зерттеу барысында дағдарыстық жағдайына түскен 47 отбасының ішінде ата-анасынан бөлек тіркелген – 30 бала. Бұл дегеніміз Е-халық базасына ақпаратты дұрыс енгізілме-гендіктен болып отыр. Тексеруден кейін, әлеуметтік карталарына түзетулер енгізіліп дағдарыстық жағдайдан барлық 47 отбасы шығарылды.
Бүгінгі күнге облыс бойынша өмірлік қиын жағдайға тап болған отбасы «Е-халық» ақпараттық жүйесінде тіркеуде жоқ.