Баянды ауылы халыққа қажетті негізгі энергоресурстармен, соның ішінде электр энергиясымен және табиғи газбен қамтамасыз етілген.
Баянды ауылы орталықтандырылған құбыр арқылы ауыз сумен 100 % қамтылған. Бұдан бөлек, автокөліктер арқылы ауыз су тасымалдау қызметі қарастырылған.
Ауылішлік автокөлік жолдарының жалпы ұзындығы 26 шақырымды құрайды, соның ішінде асфальт жабындысымен 24,5 шақырым, қатқыл табанды жолдар 1,5 шақырымды құрайды.
Қазіргі таңда, Баянды ауылынан облыс орталығы Ақтау қаласына «Баянды-Ақтау-Баянды» бағытындағы қоғамдық көлігі және аудан орталығы Маңғыстау ауылына ауданішлік «Маңғыстау-Баянды-Маңғыстау» бағыттарындағы қоғамдық көліктер қызмет көрсетеді.