Мемлекеттік қызметтерді көрсету тәртібі мемлекеттік көрсетілетін қызметтер қағидаларында белгіленген.

Маңғыстау облысының мемлекеттік сәулет-құрылыс бақылауы басқармасының  мемлекеттік қызмет көрсету қызметі тегін және ақылы негізде көрсетіледі.

Қазақстан Республикасының Цифрлық даму, инновациялар және аэроғарыш өнеркәсібі министрлігінің 2024 жылғы 19 наурыздағы №171/НҚ бұйрығымен бекітілген мемлекеттік көрсетілетін қызметтер тізіліміне сәйкес, басқармамен  5  қызметтің түрі көрсетіледі:

1. Құрылыс-монтаждау жұмыстарына лицензия беру;

2. Жобалау қызметіне лицензия беру;

3. Іздестіру қызметіне лицензия беру;

4. Сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу;

5. Сәулет, қала құрылысы және құрылыс қызметі салаларында сарапшылық жұмыстарды және инжинирингтік көрсетілетін қызметтерді жүзеге асыратын сарапшыларды аттестаттау;

Мемлекеттік қызметтер көрсету сапасын ішкі бақылаудың 2024 жылдың I тоқсан қорытындысының есебі бойынша нәтижелеріне сәйкес:

Барлық көрсетілген қызметтің саны – 91, оның ішінде:

«Электрондық үкімет» порталы арқылы көрсетілген  қызметтің саны – 91.

2024 жылдың қаңтар және ақпан айында Маңғыстау облысының мемлекеттік сәулет-құрылыс бақылауы басқармасы басшысымен, сондай-ақ лицензиялау және аттестаттау бөлімінің қызметкерлерімен жеке тұлға және заңды тұлға өкілдеріне сәулет, қала құрылысы және құрылыс қызметі саласындағы мемлекеттік көрсетілетін қызметтер тәртібі туралы түсіндірме жұмыстары жүргізілді.  Жалпы қамтылған адам саны – 7.

Мемлекеттік органның  кінәсінен белгіленген мерзімдері бұзылып көрсетілген мемлекеттік қызметтердің саны – 0, арыз-шағымдар болмаған.

Мемлекеттік көрсетілетін қызметтердің стандартының талаптарын бұзғаны үшін тәртіптік жауапкершілікке тартылғандар саны – 0.

Тиісті қолданылған тәртіптік жазалардың саны – 0, оның ішінде ескерту, сөгіс  және қатаң сөгіс болған жоқ.

2023 жылдың I тоқсан мерзімінде  көрсетілген мемлекеттік қызметтің саны 105, ал 2024 жылдың I тоқсан мерзімінде  көрсетілген мемлекеттік қызметтің саны 91. Осыған байланысты мемлекеттік көрсетілген қызметтің саны 14 бірлікке азайды (оның ішінде құрылыс-монтаж  жұмыстары, жобалау қызметі, іздестіру қызметі және сарапшыларды аттестаттау). Себебі, лицензияның және аттестаттаудың мерзімсіз пайдалануына байланысты көрсетілетін мемлекеттік қызметтердің саны азайды.

Мемлекеттік қызмет көрсету сапасын арттыру мақсатында жұмыстар жалғастырылатын болады.

Дата публикации

09 апреля 2024